S’Assòtziu Arbatax Profondo Blu, presidida dae Antonio Solanas, at organizadu s’importante manifestatzione Luci in Ogliastra, acontessimentu diretu dae Pietro Muceli. S’eventu at otentu fintzas su patrotzìniu de su Comunu de Tortolì.

Una die intrea, cussa de sàbadu coladu, est istada dedicada a s’ammentu de su giòvanu Mirko Farci,  in Tortolì.

S’Assòtziu Arbatax Profondo Blu, presidida dae Antonio Solanas, at organizadu sa manifestatzione Lughes in Ogliastra, eventu coordinadu dae Pietro Muceli cun su patrotzìniu de su Comunu de Tortuelie.

Su  programa prenu de eventos est comintzadu cun unu cunvegnu in s’àula manna de s’istitutu I.T.I dedicadu a su tema de sa violèntzia contra sas fèminas moderadu dae Alessandra Useli in su cale sunt intervènnidos su Sìndigu Massimo Cannas, su cussigeri de sa Regione Autònoma de sa Salvatore Corrias, su funtzionàriu a sas polìticas sotziales de sa Regione Sardigna dutore Giovanni Deiana e bator moderadoras e responsàbiles de sos Tzentros Antiviolèntzia e Domos Protetas de Aristanis, Terranoa e Casteddu.

Sunt intervènnidos fintzas su dirigente de su cummissariadu de Politzia Fabrizio Figliola e sa professora Luisa Usala de s’istitutu professionale IANAS.

In sa prima fila, in mesu a su pùblicu fiat presente Paola Piras, sa mama de Mirko, acumpangiada dae sos fìgios Lorenzo e Samuele.

In su merie in sa Crèsia de San Giuseppe de Monte Attu est istada fintzas tzelebrada sa missa de ammentu pro su giòvanu eroe tortoliesu. Cara a sas 19.30 unu grupu de tzitadinos, in mudìmene, est arribada fintzas a sa domo de Mirko, acanta Paola los acollidos intre abbratzos, làgrimas e cummotzione meda.

Su corteu posca at iscutu conca a sa pratza Rinascita, acanta b’est istadu  unu momentu de mùsica in s’ammentu de Mirko. In su palcu sunt artziados sos gurpos Il Profilo, Stefania Sistu, sos Bona Festa Rete sociale Banda, Ammerare. Sa serada est istada presentada dae Tommy Rossi. Totu sa manifestatzione est istada registrada dae sas telecàmeras de Ejatv.

 “Progetto finanziato con l’Avviso Pubblico IMPRENTAS annualità 2021-2022”

Regorta differentziada,Sardigna intre sas primas ma serbit unu passu in prus.

Sa Sardigna si cuffirmat intre sas regiones prus attentas a sa conduida de s’arga. In su 2024 sa regorta differentziada est arrivada a su 76,5% e balet su terzu postu in Italia, in daesegus de Emilia Romagna e Veneto.

S’elementu,presentadu dae Legambiente in su mentres de s’Ecoforum de Casteddu, mustrat una situassione positiva.Intames si registrat una minimada pitticca de sos comunes prus virtudosos e de cussos chi resessint a arrivare a prezenias artas meda de regorta. In d’una parte manna de s’isula sunt oramai diffundidas abitudines bonas in s’isseperu de s’arga, signu chi in sos annos est bistadu fattu unu tribagliu importante dae sas amministratziones e sos tzittadinos. Sa regorta gianna pro gianna e un’attentzione prus manna a sos cumportamentos de donzi die ant dadu unu contribbudu pro mezorare sos risurtados.

A su mattessi tempus addurant ancora trempas de mezoramentu. Carchi tzentru no arribat a sos livellos prevedidos e sighint a faghere prus fatiga,comente Tattari, mancari siant arribande cambiamentos chi diant podere battire menzus resurtados giai in sos annos imbenientes. Intre sas tzittades printzipales si annoditant Aristanis e Nugoro, chi cuffirmant prezenias artas e organizassione bona de su servitziu, divenninde puntu de relata fintzas po sas atteras iscroccas.

Su cuadru chi bessit a pizu est cussu de una regione chi at fattu passos in daenantis importantes, ma chi non si podet permittere de si frimmare. Una parte de s’arga sighit difattis a no essere differentziada e custu pesat siat supra de s’ambiente chi supra sos costos pro sas comunidades. Sa bera porfia como no est solu mantennere sos risurtados segudados, ma los rendere prus pariviles in totta sa Sardigna. Bi sunt iscroccas chi andant bene meda e atteras chi addurant in daesegus: minimare custa differentzias at essere de fundamentu pro mezorare deabberu su sistema.

In giogu non bi est solu una prezenia, ma sa manera cun sa cale si abbidat a su tempus benidore. Mezorare sa derettura de s’arga cheret narrere de minimare su corpu supra de s’ambiente, ma fintzas fraigare comunidades prus scientes e responsabbiles. Est unu caminu chi dimandat continuidade e impignu e seperos craros, pro itte sos resurtados alcansados fintzas a como mustrant chi furriare est possibile, ma solu si si andat a daenantis chena si frimmare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22