Sa Ratantira, pensada e ripristinada in su 1946 gràtzias a su cavalleri Giovanni Loddo, a sos frades De Salvi, Tonino D’Angelo e Pinuccio Schirra de sa Gioc (assòtziu istòricu stampaxinu chi oe non nch’est prus) at rapresentadu pro sos casteddajos unu beru momentu de unione, cooperatzione e traditzione. Sas mascaras clàssicas comente sa Dida, subra de Macu, subra de Tiàulu, sa viuda, sa Gatu, da Panetera, su Palliatzu, s’Arregateri, su moru, su piscadori, su dotori, su sabateri e su piciocu de crobi in sos annos ’80 benint acumpangiadas dae àteras prus atuales chi, a pagu a pagu, devenint fintzas issas traditzionales comente Carmen Miranda e sas ballerinas brasilianas impersonadas dae òmines a mustatzos, chi istorchent sas ballerinas de samba de su Carnevale de Rio. E in cussos annos, a sonu se Ratantira sunt istados acumpangiados sas famadas cantzoneddas “cambara cambara cambara e macioni, pisciurrè, sparedda e mummungioni”, e “Donamì una tzica, dona•mi•ndi un’atra, custa non mi bastat arren..gen..gen”, colunnas sonoras indimenticàbiles chi emotzionant galu oe cada casteddaju ischietu.

Sa figura printzipale de su carrasegare est però Canciofali, unu re mustajone, chi benit passadu fatu de sos caminos e posca brusiadu in unu fogarone in sa die de martis lardajolu, marchende sa fine de su carrasegare e su cumintzu de sa Carèsima.

A s’agabbu de sa Segunda gherra mundiale sa tzitade de Casteddu si fiat galu dannificada dae sos bombardamentos de sos Alleados de su 1943. A pustis de sa gherra sa tzitadinàntzia teniat bisòngiu de s’isvagare. Sa Sotziedade de Sant’Anna, corporatzione e assòtziu culturale nàschidu in su 1782 intre sos bighinados de Casteddu e Stampaxi, si fiat pigadu càrrigu de torrare a organizare su Carnevale Casteddaju. S’organizatzione aiat postu a pare su tzìrculu Tognolo e cussu de sa Gioventude Italiana Operaja Catòlica, connota peri cun s’acrònimu de GIOC. Custu assòtziu catòlicu teniat su furriadòrgiu suo in sa crèsia de Santa Restituta, semper in Stampaxi, gràtzias a su missegnore Ernesto Maria Piovella chi su 10 de santugaine 1945 aiat cuntzèdidu in manera provisòria sos locales de sa crèsia pro abèrrere unu tzìrculu de recreu. Sas fainas suas fiant cumentzadas su 9 de nadale de su matessi annu, in isetu de noos ispàtzios.

In su 1946 fiat istadu organizadu su primu carrasegare. A printzìpiu passaiant petzi das mascaras tìpicas, ma a pustis, in sas editziones prus ricas de sos annos setanta e otanta, si fiant agiuntos carros allegòricos de paperi. A pagu a pagu a s’organizatzione aiant leadu parte peri àteros grupos istòricos comente su Dopolavoro Ferruviàriu, sa GRUC de Castello, e su Bidditzolu Piscadores de Giorgino.

In sos annos Duamìgia su Carrasegare non benit prus festadu che a prima, ma in su 2008 sa Cùria casteddaja aiat detzìdidu de nde bogare sa GIOC dae sa crèsia de Santa Restituta. Dae tando petzi àteros assòtzios aiant chircadu de sighire sa traditzione de su carrasegare, cun initziativas dedicadas mescamente a sos pipios.

Ma dae unos cantos annos a oe sas maschera sunt torradas in tzitade, firmendesi petzi duranre su Covid. Dae su 2017 unu grupu nou de organizadores, s’assòtziu Sa Ratantira Casteddaia, at ripristinadu su Carrasegare Casteddaju torrende a pònnere sas màscheras e sos carotes de su connotu.

 “Progetto finanziato con l’Avviso Pubblico IMPRENTAS annualità 2021-2022”

Turre de Sa Pelosa: custoddu istoricu intre mare cristallinu e istoria sarda.

Intre sos ispantos de su nord-ovest de sa Sardigna, supra sa cuccuru de Capo Falcone, arbeschit sa turre de Sa Pelosa, unu fraigu ammantadu chi dominat sun mare e sa plaja chi giughet su mattessi nomene, famada in tottu su mundu po sa bellesa sua. Custa turre simbulu de istoria e deffensa de sa costa, est una de sas prendas pius pagu connoschidas ma pius amaghiosas de sa Sardigna.

Fraigada in su seculu XVI intre su tempus de sos Aragonesos, sa turre de Sa Pelosa faghiat parte de unu assentu de turres de sa costa pensadu po las costoire dae sos attaccos de sos piratas saracenos. Sa posissione istrategica sua permittiat de compidare sos trettos de mare intre sa Corsica e s’isula offerinde unu primu logu de defenza e unu logu de castiu mandu.

Sa turre, a fundu cuadradu est fraigada in pedra locale e est posta supra una punta pitticca chi dominat su mare, offerrinde una bista ispantosa de S’Arcipelagu de Sa Madalena e sas abbas cristallinas de sa Plaja de sa Pelosa.

Oe sa turre de Sa Pelosa est unu logu po turistas, fottografos e appassionados de istoria, chi addurant ammaghiados dae s’armonia intre architettura militare e bista naturale. Sa zura a inghiriu est amparada e ordinada po preservare s’ecosistema unicu de rena arta, bianca e fine meda e fundos riccos de flora e fauna marina. Passande in mesu a sa roccas e sas calas pitticcas, est possibile de si infundere in s’istoria bisande sas callias de atteros tempos chi controllaiant sa costa sarda.

In sos urtimos annos, sas amministratzione locales ant promovidu interventos de accontzu po garantire sa remunida de sa turre cambiandela in d’unu simbulu de sa defensa de su patrimonio culturale e naturale de s’isula. Mancari bi siat sa creschida de su turismu sa turre de Sa Pelosa mantennit unu faschinu intreu, offerinde una esperientzia chi aunit bellesa de sa bista, istoria e contos de forreddu.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”