S’at a pòdere fàghere sa prima, sa segunda e sa de tres doses. Pro si prenotare est a mandare una lìtera cun posta eletrònica o telefonare.

Sàbadu su 29 de ghennàrgiu, in sos aposentos su teatru comunale «M. Carta» de Su Masu (Elmas), ùnicu locale giai acreditadu, at a èssere possìbile a fàghere su vatzinu contra su Covid, prima, segunda e sa de tres doses. S’istrutura at a abarrare aberta  sas 8 a sas 13.30 pro sa populatzione adulta e dae sas 14.30 a sas 20 pro sos minores. Dae su Comunu faghent a ischire chi sas sumministradas de sos vatzinos si podent fàghere dae lunis su 24 de ghennàrgiu, su mangianu dae sas 8.30 a sas 14 e sos meries dae martis e giòbia dae sas 15.30 a sas 18. Est possìbile a si prenotare finas a sas 18 de giòvba 27 de ghennàrgiu.

Sa prenotatzione si podet fàghere in duas maneras: sa prima cun curreu eletrònicu a s’indiritzu vaccini2022 comune.elmas.ca.it; sa segunda in manera telefònica a sos nùmeros 070-2192210 (fissu) e 3483909908 (tzellulare).

Custa initziativa in favore de sa populatzione at a èssere possìbile gràtzias a s’agiudu e a su contributu de su personale de s’Amministratzione comunale, gràtzias a sa tèndida de manu de sas organizatziones de voluntariadu de su territòriu e fintzas gràntzias a sa collaboratzione de su personale sanitàriu voluntàriu formadu dae mèigos acreditados dae s’Azienda Sanitària Locale e infermieris ispetzializados.

Duncas, sàbadu su 29 de ghennàrgiu, sas tzitadinas e sos tzitadinos de Su Masu, mannos e e minores, ant a pòdere andare a manera lìbra a su teatru comunale “M. Carta” de Su Masu, dae sas oras 08.00 a sas 13.30 (mannos) e dae  sas 14.30 a sas 20.00 (minores).Sas suministradas de sos vatzinos ant a acontèssere petzi tràmite aparauladura de si fàghere partinde dae lunis 24 ghennàrgiu, su mangianu de sas oras 8.30 a sas 14.00 e sos meries de martis e giòvia de sas oras 15.30 a sas 18.00. Est possìbile si prenotare finas a sas oras 18.00 de Giòvia 27 ghennàrgiu. Pro chie nde cheret ischire de prus, si podet cramare a sos nùmeros 070.2192210 o 3483909908, opuru mandare una mail a s’indiritzu de posta eletrònica a s’indiritzu [email protected]; S’initziativa at a pòdere èssere repìtida in funtzione de sa rechesta de sa tzitadinàntzia.

 “Progetto finanziato con l’Avviso Pubblico IMPRENTAS annualità 2021-2022”

S’Impresa de sas Feminas in Sardigna: Porfias e Occasiones.

S’impresa de sas feminas in Sardigna est pigande unu rolu semper prus importante in sa trama accolomica de s’Ìsula. In sos ùrtimos annos, sas feminas imprendidoras ant mustradu capatzidade manna de fortza e ideas novas, accomettande ass difficultades ligadas a su guvernu de un’impresa in unu cuntestu regionale medas bortas distintu dae possibilidades e ammanios alindados.

Meda de issas tribagliant in oss logos de su connottu comente s’artisania e sa laurantza, ma unu nùmeru chi est creschinde s’afirmat in sos servìtzios, in su turismu e in sas atividades digitales, battinde frischesa, creatividade e una bìsione noa de su fàghere impresa.

Mancari su progressu, sas imprendidoras sardas sighint a si cunfrontare cun porfias importantes. S’accontzu intre vida professionale e famìliare sighit a èssere unu tema tzentrale, ispetzialmente in sas zuras de mesania e in sos tzentros minores, in ube sa presèntzia de servìtzios de azzudu est medas bortas limitada.

S’atzessu a sos finantziamentos e a sos capitales netzessàrios pro crèschere e innovare rapresentant un’àteru impedimentu, gai comente sa presèntzia de differentzias de zenia in su mercadu de su tribagliu. Bell’e gai, medas feminas accomettant custas difficultadas revertindelas in possibilidades, creende retes de collaboratzione, percursos de formassione e iniziativas chi podent dare balore a sas cumpetèntzias insoro.

Sas istitutziones e sos assòtzios locales sunt tribagliande pro poderare custas realidades, lanciande ispintas, programas de mèntoring e retes de azzudu pro fàtzilidare s’isviluppu de impresas ghiadas dae feminas. S’intentuu no est solu de favoressere sa crèschida econòmica, ma fintzas de
afortigare su rolu sotziale e culturale de sas imprendidoras in sas comunidades locales.

S’impresa de feminas in Sardigna si cunfirmat gai comente unu motore de innovatzione e unu puntu de riferimentu pro chie chircat modellos novos de impresa, capatze de conziminare connottu, creatividade e modernidade.

Puru cun difficultades ancora dae accomettare, sas feminas imprendidoras sardas dimustrant donzi die chi detzisione e capatzidade imprendidora podent cunvertire sas porfias in sutzessos beros, cuntribbuinde in manera detzisiva a s’isviluppu accolòmicu e a sa balorizatzione de s’iscrocca.

Attività realizzata con il contributo della Regione Sardegna – IMPRENTAS 2024- 2025.LR22/2018, art.22”