S’istudiosa, durante su de 150 anniversàrios de sa nàschida de Grazia Deledda est impinnada in una faina intensa de cunvegnos editoriales e divulgativos subra su Nobel sardu.

Ma ite abarrat galu de nàrrere a pustis de unu sèculu e mesu de sa prus famada sarda a su mundu?  Ilaria Muggianu Scano insegnante originària de Nùgoro ma chi at seberadu de bìvere a Casteddu, mancari siat giòvana meda, prus a mancu 20 annos, est un’istudiosa de Deledda, Nobel pro sa literadira oe est istudiada in totu su mundu, dae Parigi a Manhattan.

Muggianu Scano, iscritora crìtica in prosa, giornalista, autora teatrale e televisiva, cumintzat dae una formatzione vària e internatzionale, dae sos istùdios de ingenieri a sa làurea in Filosofia, dae cussos Teològicos a cussos in Sotziologia e filosofia de su limbàgiu. Oe, durante su de 150 anniversàrios de sa nàschida de Grazia Deledda est impinnada in medas cunvegnos editoriales e divulgativos subra su Nobel sardu. Ma ite abarrat ancora de nàrrere a pustis de unu sèculu e mèdiu de sa prus famada sarda a su mundu?

Issa, istudiosa de Deledda, insegnat a su Litzeu De Sanctis – Deledda de Casteddu, comente bivet custu làntziu a dados de su destinu?

No apo un’ànimu fatalista, ma depo ammìtere chi m’ispàssiat sa cumbinatzione de sa sorte chi pro mene no est tzertu de sinnu nèutru. Craramente bivo su dòpiu impinnu cun grandu responsabilidade e so reconnoschente a sa dirigente iscolàstica Maria Rosaria De Rosaria, chi cun grandu sensibilidade culturale at donadu crobba a sas propostas meas  in totu s’annu de tzelebratziones de Grazia Deledda, unu progetu chi punnat a interessare sos studiosos internatzionales prus mannos de Deledda  e permìtere a issos de interagire cun sos pitzocos de sos diversos indiritzos de s’istitutu Biotecnològicu, Linguìsticu, de sas Iscièntzias Umanas e su giòvanu indiritzu Ambientale.

In prus sos pitzocos sunt ammaniende un’òpera editoriale de argumentu  deleddianu, chi at a dare sustàntzia a sa preparatzione retzida dae sos dotzentes, unu traballu matanosu chi no at a mancare de dare gratificatzione manna a sa vigìlia de s’intrada issoro in su mundu universitàriu e de su traballu. At a èssere un’importante interventu subra su territòriu chi cheret significare sa firmesa cun cale chircamus de reagire contra su disacatu de sa pandemia, e lu cherimus fàghere movende dae sa cultura e de s’educatzione.

S’Iscola est fintzas trasmìtere a sos pitzocos perseveràntzia e coràgiu e no una sèrie de isperos e sentimentales sena fundamentu cara a su benidore. Est unu disafiu bellu su de portare Grazia Deledda in su mundu de s’educatzione superiore, cun probabilidade s’universu de s’insegnamentu est s’ùnicu mai rugradu de su Prèmiu Nobel.  A su contràriu, penso chi mòvere dae sas iscolas siat importante pro una formatzione  cumpoleta subra de sa figura sua.

Comente faghet a apassionare sos giòvanos a s’istùdiu de Gràtzia Deledda?

Pro como est semper mègius analizare sa persone chi si tenet a dae in antis. Deo apo coladu sos ùrtimos annos a traduire, literalmente, biografia e òperas  de Grazia Deledda  a sa Generatzione Z. Gen Z e Millennials sunt cussos chi podimus ascrìere una fundatzione noa de su limbàgiu.  Abertos a totus sos furisterismos de cada etnia, ant dadu vida a una limba bia. Est inoghe chi s’addobiant cun Deledda. Su limbàgiu issoro rifletet e resesset a espressare sa sotziedade in ue bivimus, a la plasmare. Su limbàgiu nou issoro est unu cuntenidore mannu,  in ue s’agatat ogni categoria culturale, polìtica e sotziale de su passadu, s’universu deleddianu non faghet etzetzione, cun bona paghe de sos puristas.

Est possìbile duncas, contare Grazia Deledda dae banda de sas sòlitas notziones biogràficas de anti feminismu, cuntierra cun Pirandello e ambiguidade polìtica in riferimentu a Mussolini?

Deo creo chi cale si siat deleddista dignu de custu nùmene siat oramai istracu de su sistema narrativu de sos sòlitos chircadores de cunsensu in sa retza.

Est beru, ogni bia chi si faghet tzinnu a sas fèminas chi ant chircadu de impedire sos progetos de Deledda, chirchende de dda  iscualificare  comente Pirandello e sa disamistade cun su Duce definida  in manera tèbida “afascismu”, totu custu at   at cunsìstidu  sa Caporetto intelletuale de Deledda,  in favore  de sa chirca de unu cunsensu  fatziles ma a sa longa non pagat.  Si abarremus in tema iscolàsticu e universitàriu est unu modu tzertu de istudare in sos giòvanos unu cale si chi siat interessu intelletuale. Sa retòrica est semper destinada a andare male. Su traballu matanosu de chirca allonghiat su caminu, est beru, ma ogni conchista tenet unu sabore de eternu, de cambiamentu.  Si posca si cheret fàghere  sensatzionalismu cun lecutos biogràficos est sufitziente prenare su logu  de curiosidades, comente  su fatu chi Grazia Deledda esseret un’apassionada tifosa de sa Lazio, finas  tesserada!

 “Progetto finanziato con l’Avviso Pubblico IMPRENTAS annualità 2021-2022”

Dae sa presone a su tzinema:s’istoria de Beniamino Zuncheddu divennit unu film.

S’istoria de Beniamino Zuncheddu, unu de sos casos prus graves de faddinu zudissiariu in Italia, at a divennere a sa lestra unu film.Un’istoria longa e prena de dolore chi at sinzadu in manera funguda sa vida de un’omine, adduradu in presone pro prus de trint’annos mancari eppat semper nadu de essere innotzente. Zuncheddu, ex pastore sardu, fuit bistadu arrestadu in su 1991 accusadu de una mattansa in Sinnai, in sa cale fuint bistadas bocchidas tres pessonas e un’attera fuit addurata ferta in manera grae.

In cussu tempus fuit pagu prus che unu piccioccu, ma fuit bistadu cundennadu a sa presone a vida pro mesu de elementos chi in su tempus si sunt iscobiados chena nissuna fidantzia. Pro prus de trint’annos at bividu in daesegus de sas travessas,perdinde sos annos prus importantes de sa vida sua,attesu dae sa famiglia, dae sos affettos e dae cale si siat possibilidade de si fraigare unu tempus benidore. Una vida suspesa, sinzada dae s’isettu e s’isperantzia de podere dimustrare
s’innocentzia sua. Solu in su 2024, pustis de una battalla legale longa, fatta de ricursos e controllos de su protzessu, est arribada s’assolutzione deffinitiva chi at reconnoschidu chi no aiat cummittidu su fattu, torrandeli sa libertade.

Una detzisione chi at atzesu s’attentzione supra s’accadessidu e supra sas responsabbilidades de unu sistema chi, in custu casu, at faddidu in manera grae.Como cust’istoria arribat a su tzinema cun d’unu film chi at a contare non solu su casu personale suo,ma fintzas su pesu umanu e sotziale de una cundenna male
fatta.Sas ripresas si prevedint in Sardigna e su disignu puntat a faghere connoschere a unu pubbricu prus mannu una muda chi at corpadu in manera funguda su pubbricu.

Su film at a contare sa sufferentzia,sa soledade e sa fortza de chie sighit a battallare fintzas cando tottu paret perdidu,poninde a su tzentru sa dignidade de una pessona chi non at mai tzessadu de si decrarare innotzente. A su mattessi tempus,at essere fintzas una manera pro meledare supra cantu siat importante su
tribagliu de sa zustissia e supra cantu siat chidrinu su compidu de atzertare sa veridade.

Cussa de Beniamino Zuncheddu est un’istoria chi andat addia de su casu singulu.Est sa dimustrassione de cantu pottant essere graes sas cusseguentzias de unu errore e de cantu siat diffitzile remediare a su tempus perdidu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22