Cun terapias intensivas e ricòveros in is repartos ordinàrios oramai in prus de su lìmite possìbile e un’istima de 2,5 milliones de persones in cuarantena, sa de bator undadas de su Covid, a càusa de s’ispàinu lestru de sa variante Omicron, arriscat de “firmare” s’Itàlia, cun puntas chi diant pòdere tocare is 10 milliones de persones in isulamentu, comente ipotizant vàrios infetivòlogos.

Pro custu is guvernadores proponent s’idea de una cuarantena curtza pro chie at retzidu sa de tres doses de su vatzinu.

Una proposta chi diat dèpere èsssere giai in sa mesa de su guvernu e chi in is dies imbenientes at a èssere valutada dae su Comitadu Tècnicu Sientìficu, comente at cunfirmadu su matessi cummissàriu pro s’apretu, Francesco Figliuolo, in bìsita oe in su puntu vatzinale pediàtricu de Torinu.

Su Generale at afirmadu chi sa riflessione subra su nùmeru de persones in cuarantena, est istada fata custu mangianu cun su ministru Speranza e is iscientziados de s’Istitutu Superiore de Sanidade.

Segundu is primas informatziones si diat pòdere arribbare a una reduida de su perìodu de isulamentu, pro is cuntatos istrintos ebbia, finas a 3-5 dies. Pro s’ora, difatis, sa cuarantena pro is cuntatos de unu positivu est de 7 dies pro is vatzinados e de 10 pro chie non tenet sa cobertura vatzinale.

Tra is printzipales sustenidores de sa cuarantena curtza ddoe est su guvernadore de sa Ligùria, Giovanni Toti, chi non pro àteru aùgurat fintzas s’isparghidura de s’òbrigu vatzinale. Est a nàrrere su chi diat pòdere èssere su passu imbeniente a pustis de sa reduida de sa cuarantena.

Fintzas àteros guvernadores sunt ispinghende pro cambiare is règulas prima chi si blochet totu su Paisu, rilantzende sas decraratziones de is vàrios infetivòlogos

Comente at naradu su famadu infetivòlogo Bassetti si diat andare cara a prus a mancu 100.000 contàgios a sa die e custu at a sutzèdere tra pagu tempus – faeddos suos– e tando 7-10 dies de cuarantena, diant bòlere nàrrere unu millione de persones chi ant a finire in isulamentu. Cunsiderende posca chi in mèdia ognunu de custos at tentu 5, calicuna bia 10 cuntatos, s’arriscu est de tènnere in su giru de 7-10 dies 10 milliones de persones in isulamentu. Non nos si ddu podimus permìtere.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Campezu abbusivu in su Sud Sardigna: compudos pius cadrios in sas costas.

Est partida sas dies passadas un’operassione omportante de compudos dae parte de su Corpus forestale de sa Regione Sardigna contra su campezu
abbusivu e s’occubassione chentza regulas de sas zuras demaniales longu sas costas de su Sulcis. S’operassione est bistada fatta intre su 30 de aprile e su 4 de maju e at interessadu paritzos comunes de su Sud Sardigna: Sant’Antiogu, Portoscuso,Santu Giuanne Suergiu, Giba, Masainas e Sant’anna Arresi.

Sutta de osservatzione sunt finidas mescamente sas zuras de sa costa pius revistas a sa presentzia de camperistas e campezadores chentza autorizzatzione: Punta s’Aliga, Portu Botte, Punta Trettu, Is Pruinis, Portu Pino e Maladroxia. Inoghe sas fortzas de s’ordine ant aberguadu sa presentzia de campezos e macchinas frimmas fora de sos logos autorizados, a s’ispissu fora de sas zuras cussentidas, a s’ispissu intre de zuras diligas dae su puntu de bista de s’ambiente, comente pinedas a costas de su mare, montigheddos de rena e trettos de costa tutelados.

S’operassione est bistada conduida dae s’Ispettoradu de su Corpus Forestale de Iglesias, paris cun sa Politzia de Istadu de Carbonia e de sa Cumpanzia de sos Carabinneris de Carbonia. Sas pattuglias, impignadas fintzas in atteras fainas de prevensione, ant controlladu sas zuras pius punnadas dae sos turistas, in prenettamentu de s’accreschimentu de sos arrivos chi si prevedid cun s’arrivu de s’istiu.

In su cumplessu sunt bistadas fattas 16 multas amministrativas:14 po campezu liberu chentza autorizzatzione e 2 po occubassione abbusiva de terra demaniale. Sas multas, mancari siant pagas, sunt cussideradas unu signale importante meda de istorru e cunfirmant sa volontade de sas autoridades locales de perricare sas pratigas illetzidas chi faghent dannu a s’ambiente e cumprumittint su godimentu limpiu de s’iscrocca.

Sas fainas de controllu ant a sighire puru in sas chidas imbenientes, cun d’unu accreschimentu chi si prevedid in sos meses de s’istiu.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22