Limitatziones noas pro Nadale e Annunou. Ddas at detzisas su guvernu cun su decretu lege aprovadu dae su Conìgiu de is ministros de su 23 de mese de idas 2021. Tra is novidades dae su 1° freàrgiu 2022 reduida de sa durada de su documentu sanitàriu dae 9 a 6 meses. Unu providimentu in Gazeta Ufitziale su 24 de nadale, in vigèntzia dae sa die de Paschighedda.

E su perìodu mìnimu pro sa suministratzione de sa de tres doses at a èssere reduidu dae 5 a 4 meses dae su cumpretamentu de su tziclu vatzinale primàriu ( ddoe at a àere un’ordinàntzia ispetzìfica de su ministru de sa salude Roberto Speranza). Finas a su 31 de ghennàrgiu proibitzione de eventos e festas chi cumportent ammuntonamentos a s’abertu. Serradas is salas de ballu, discotecas e locales sìmiles in ue si faghent eventos e festas o cuntzertos abertos a su pùblicu. Maschereddas obrigatòrias fintzas a s’abertu.

Tra is novidades arribbat s’òbrigu de impreare sa mascheredda Ffp2 a s’internu de tzìnemas, teatros e in ocasione de eventos isportivos. S’òbrigu est prevìdidu fintzas in is mezos de trasportu, cumpresos is de su trasportu pùblicu locale, duncas postales, tramvi e metro. Custas is novidades.

Cantu durat su documentu sanitàriu?

Dae su 1° de freàrgiu 2022 est prevìdida sa reduida de sa durada de sa tzertificatzione vatzinale dae 9 a 6 meses.

Cale est su perìodu mìnimu pro sa suministratzione de sa de tres doses?

Su perìodu mìnimu pro sa suministratzione de sa de tres doses benit reduidu dae 5 a 4 meses dae su cumpretamentu de su tziclu vatzinale primàriu, cun ordinàntzia ad hoc de su ministru de sa Salude Roberto Speranza.

A s’abertu sunt obrigatòrias sas maschereddas?

Su decretu lege nou aprovadu dae su Consìgiu de is ministros su 23 de nadale at introduidu s’òbrigu de impreare is maschereddas a s’abertu, fintzas in zona bianca.

Cando est obrigatòriu s’impreu de sa mascheredda Ffp2?

Est istadu introduidu s’òbrigu de Ffp2 a s’internu de tzìnemsa, teatros e in ocasione de eventos isportivos. S’òbrigu est prevìdidu fintzas in is mezos de trasportu, cumpresos is de su trasportu pùblicu locale (duncas postales, tramvi e metro).

A su bancu de su tzilleri bastat tènnere sa tzertidicatzione birde?

No, finas a su 31 de ghennàrgiu 2022 pro sa ristoratzione a su serradu, fintzas a su bancu, est prevìdida s’estensione de s’òbrigu de su super tzertificadu burde , chi tocat solu vatzinados e sanados. No at a èssere prus possìbile, duncas, consumare s’ismùrgiu a su bancu de su tzilleri tenende in butzaca su tzertificadu birde de base ebbia.

Pro Annunou si podet organizare una festa a s’abertu cun chentu persones ?

No, finas a su 31 de ghennàrgiu 2022 est proibidu organizare eventos e festas cun ammuntonamentos a s’abertu.

Pro una bìsita in is Rsa ddoe at règulas de respetare?

Su decretu lege pretzisa chi dae su 30 de nadale 2021 finas a s’acabbu de s’istadu de apretu, pro fàghere una bìsita in istruturas residentziales, sòtziu-assistentziales, sòtziu-sanitàrias e clìnicas est netzessàriu èssere in possessu de documentu sanitàriu afortiadu cun suministratzione de sa de tres doses o de tzertificatzione birde afortiadu unidu a su resurtadu negativu de unu tampone.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Si est custituida in su notaju sa Delegassione po Poderare sa naschida de sa IGP porcheddu de Sardigna, e si est assemidada in manera uffitziale sa Delegassione Iscentifica, chi in sa prima assortida, fatta in Macumere, in s’agentzia de Contas, su 15 de Abrile, at tribagliadu po approntare, medas puntos de su regolamentu de produssione de custa saporitesa totta sarda.

S’intentu, preparare sos documentos chi serbint de presentare a sa Commissione Europea po alcansare su riconnoschimentu de s’arrennomini IGP e faghere naschere una delegassione chi tenzat commente faina printzipale cussa de creare un’unione de sos pastores, masellajos e sos trasformadores de s’eccellentzia sarda, chi potant ordiminzare una filera e dare unu fentomu balidu a su mercadu, po tottu cussu chi appartennet sas fases de pesadura e de trassa de sos porcheddos chi teppent andare a su mercadu.

A sa mattessi manera,bardare sa produsssione locale sarda dae su periculu de battire importassiones chentza controllu perunu, e duncas tutelare s’issida de su prodottu. Unu arminzu balidu puru po sos consumadores, chi ant podere tennere unu trattadore chi potat garantire supra su rispettu de unu regolamentu de produssione. Fases importantes meda, cussas de sa naschida de sas duas delegassiones.

Importante meda at essere sa retza de sos sardos in Italia e in su mundu: su motivu de sa presentzia in sa delegassione de Bustianinu Mossa, presidente de sa Fasi, sa retza de sos corriglios sardos in Italia.”Sos emigrados” si dant itte faghere in cust’intentu commente consumadores,sustenidores,ambasciadores, narat Mossa. Semus 2,5 miliones sos sardos fora de sa Sardigna, ispartinados in tottu su mundu.

Solu in Italia sa Fasi contat casi 30.000 iscrittos, in 68 delegassiones presentes in 12 regiones de s’Italia. Sa pius a mesudie est Ciampino. Su tzentru e su norti de s’Italia sunt su puntu de arribu menzus de operajos, pastores,sordados e istudiantes ligados in manera chi non si podet isligare dae sa cultura sarda chi prima de tottu est sa cosa de mandigare. Esist commente una venerassione de su porcheddu. E difattis partizas sunt sas initziativas chi tenent commente base custu prodottu pittitteri.

Tenimos po custu un’istruttura de negossiu de produttos de calidade funguda, a sa cale si diritzant sos sardos emigrados.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22