In s’istade de sa Sardigna arribbat sa grandu mùsica.

In provìntzia de Aristanis importantes apuntamentos: Colapesce e Dimartino, su 31 de argiolas, Diodato su 14 austu, Max Gazzè su 21, Matthew Lee su 18 cabudanni ant a èssere sos protagonistas a su “Parco dei Suoni e delle arti del Mediterraneo” de Arriora.

Totu in su respetu de is normas anticovid, gràtzias a sa collaboratzione rinnovada intre is assòtzios musicales isulanos, Comente Sardegna Concerti, Rete Sinis, Cedac Circuito Multidisciplinare Spettacolo MIS (Madeislandsound), S’Ard.

A pustis de su totu esauridu de Iosonouncane e Frah Cuintale, aspetativa manna pro su grandu duetu de s’istadeu: Colapesce e Dimartino, est a nàrrere Lorenzo Urciullo e Antonio Di Martino, is duos cantautores sitzilianos devènnidos su sìmbulu de s’ùrtima editzione sanremesa cun sa issoro “Musica leggerissima”. Baratu meda prètziu pro is residentes: su billete a 10 èuros.

Su Mesaustu at a èssere saludadu cun sa bella mùsica de autore de Diodato, chi at a èssere dae Max Gazzè chi a pustis de un’annu de firmu dèpidu a sa pandemia, batit sa prima borta in biu s’ùrtimu discu suo “La Matematica dei Rami”.

Grandu apuntamentu de serrada su 18 de cabudanni cun sa festa manna blues de Matthew Lee, musitzista mannu cun su pianoforte suo.

Dae su 29 de austu a su 18 de cabudanni sunt in programma apuntamentos culturales, literàrios, musicales, enogastronòmicos, teatru-tzircu e teatru-piseddos cun Ambra Pintore, Stefania Secci Rosa, Manovella Circus, Cuban Jazz Quartet, Paolo Carrus Banda, Orchestra Sardica, Francesca Corrias, Jazz Revolvers, Chicago Transit Authority.

Pro Arriora sa grandu atratzione turìstica de su Sinis est su Parco dei Suoni, anfiteatru naturale istuvidu in is cavas antigas de arenària a pagos minutos dae Crabas e dae is isculturas de is Gigantes de Mont’e Prama, ogna coa de chida dae cabudanni acasàgiat addòbios acapiados a s’istòria e a s’archeologia dirìgidos dae Ivo Zoncu, ex primu tzitadinu de Arriora.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Semper prus a probe s’òbrigu de su passaportu birde pro sos logos a arriscu de ammuntonamentu.

Difatis sa proposta at otentu su parre a favore de is presidentes de Regione. E cras su guvernu at a aprovare su decretu chi imponet fintzas s’òbligu de presentare, in zona bianca, sa tzertificatzione birde pro ispetàculos, biàgios e isport.

Ancora de definire si sa medida at a corpire sos ristorantes a su serradu, ma s’idea est cussa de prevìdere unu passaportu “lèbiu” pro chie at fatu una dose vatzinale ebbia, opuru su tampone negativu fatu in is ùrtimas 48 oras.

Custa diat èssere sa cunditzione indispensàbile pro cambiare is paràmetros chi mesurant sas zonas de arriscu e poderare totu s’Itàlia in zona bianca durante s’istiu.

In s’ora sa variante Delta de su virus sighit a s’ammanniare cun sos contàgios creschent ogni die, e su nùmeru de vatzinados aumentat a pagu meda.

Segundu is ùrtimos datos trasmìtidos dae s’Istitutu superiore de sanidade, cun is paràmetros de immoe unas cantas Regiones diant torrare in zona groga giai dae chenàbura. Sunt is àreas acanta su pesu de is contagiados noos est prus importante.

Cun su sistema nou custu indicadore no at a èssere prus fundamentale. A contare at a èssere prus che totu su nùmeru de ricoverados in àrea mèdica e in terapia intensiva. Su guvernu pensat a una pertzentuale de su 5% pro is terapias intensivas e de su 10% pro is repartos mèdicos. Is Regiones pedint de artziare custas pertzentuale a su 20 e a su 30 %. Sa cabina de regia cunvocada pro oe at a dèpere fissare su lìmite màssimu, e detzìdere sa lista de is logos acanta s’at a dèpere intrare cun su tzertificadu.

S’isetat sa detzisione de su guvernu, chi oe at a pònnere in s’elencu fintzas is trenos a percurrèntzia longa, is aeroplanos e sas naves.

S’òbrigu de su passaportu birde serbit a poderare abertas is atividades, ma fintzas a permìtere s’intrada de prus persones in is logos a su serradu. In is tzìnemas e in is teatros at a tocare a ddu presentare a s’intrada, ma no at a èssere indispensàbile a lassare postos bòidos tra un’ispetadore e s’àteru e is salas ant a pòdere èssere prenas totu.

In su mentres su tema in discussione in su guvernu est cussu de s’òbligu vatzinale in is iscolas. S’abetat su parre de su Comitadu tècnicu sientìficu.

Is presidentes de Regione isperant chi su guvernu racumandet sa vatzinatzione pro su personale iscolàsticu e universitàriu, siat dotzente siat tècnicu-amministrativu e mescamente chi, in casu orìgines pandèmicas in iscola, si fatzant sighire is letziones in presèntzia a su mancu a chie tenet su passaportu birde.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”