Su comunu de Tortolì faghet a ischire a totus is contribuentes chi su versamentu de su saldu de is derramas IMU e TASI dèvidu pro s’annu de imposta 2017 tocat a ddu fàghere in autolicuidatzione, intro su 16 de mese de idas 2017 petzi cu su modellu F24.
S’IMU tenet, pro presupostu, su possessu de immòbiles e non si betat a su possedimentu de s’abitatzione printzipale e de is pertinèntzias suas, francu de cussas classificadas in is categorias catastales A/1, A/8 e A/9.
S’alìcuota est sa matessi de s’annu coladu, gosi comente sighit:
• Imu 7,6×1000.
Sa base imponìbile de sa TASI e su mètodo de càlculu de s’imposta sunti s pròpios de s’IMU.
S’alìcuota est sa matessi de s’annu coladu, gosi comente sighit:
• Tasi 1×1000.

Pro ocannu su Comunu de Tortolì, pro motivos tècnicos e organizativos, no at a ispedire is modellos F24 precompilados pro is duas derramas. Però is duos modellos pro su pagamentu si podent retirare dae s’ufìtziu de is tributos de su comunu, opuru si podent retzire mandende una mail a custu indirìtziu de posta eletrònica: [email protected]

Pro fàghere retirare is mdellos de pagamentu dae persones diferentes dae s’intestatàriu de sa derrama, est pretzisu a si frunire de dèlega unida a documentu de identidade, cunforma a sa normativa pro sa riservadesa. S’Ufìtziu de is Tributos at a abbarrare abertu ogna mangianu dae su lunis a sa chenàbura dae si 11 de manfianu a sa una, posca su martis a merie dae is 4 a is 5 e mesu de merie.

Pro iscarrigare su regolamentu de sa disciplina de s’Imposta ùnica comunale, pro carculare s’IMU e sa TARI de su 2017 e pro connòschere is alìcuotas e is detratziones, pro iscarrigare su follu pro sa dèlega, compudade su giassu ìnternet de su Comunu de Tortolì.

Dae sa presone a su tzinema:s’istoria de Beniamino Zuncheddu divennit unu film.

S’istoria de Beniamino Zuncheddu, unu de sos casos prus graves de faddinu zudissiariu in Italia, at a divennere a sa lestra unu film.Un’istoria longa e prena de dolore chi at sinzadu in manera funguda sa vida de un’omine, adduradu in presone pro prus de trint’annos mancari eppat semper nadu de essere innotzente. Zuncheddu, ex pastore sardu, fuit bistadu arrestadu in su 1991 accusadu de una mattansa in Sinnai, in sa cale fuint bistadas bocchidas tres pessonas e un’attera fuit addurata ferta in manera grae.

In cussu tempus fuit pagu prus che unu piccioccu, ma fuit bistadu cundennadu a sa presone a vida pro mesu de elementos chi in su tempus si sunt iscobiados chena nissuna fidantzia. Pro prus de trint’annos at bividu in daesegus de sas travessas,perdinde sos annos prus importantes de sa vida sua,attesu dae sa famiglia, dae sos affettos e dae cale si siat possibilidade de si fraigare unu tempus benidore. Una vida suspesa, sinzada dae s’isettu e s’isperantzia de podere dimustrare
s’innocentzia sua. Solu in su 2024, pustis de una battalla legale longa, fatta de ricursos e controllos de su protzessu, est arribada s’assolutzione deffinitiva chi at reconnoschidu chi no aiat cummittidu su fattu, torrandeli sa libertade.

Una detzisione chi at atzesu s’attentzione supra s’accadessidu e supra sas responsabbilidades de unu sistema chi, in custu casu, at faddidu in manera grae.Como cust’istoria arribat a su tzinema cun d’unu film chi at a contare non solu su casu personale suo,ma fintzas su pesu umanu e sotziale de una cundenna male
fatta.Sas ripresas si prevedint in Sardigna e su disignu puntat a faghere connoschere a unu pubbricu prus mannu una muda chi at corpadu in manera funguda su pubbricu.

Su film at a contare sa sufferentzia,sa soledade e sa fortza de chie sighit a battallare fintzas cando tottu paret perdidu,poninde a su tzentru sa dignidade de una pessona chi non at mai tzessadu de si decrarare innotzente. A su mattessi tempus,at essere fintzas una manera pro meledare supra cantu siat importante su
tribagliu de sa zustissia e supra cantu siat chidrinu su compidu de atzertare sa veridade.

Cussa de Beniamino Zuncheddu est un’istoria chi andat addia de su casu singulu.Est sa dimustrassione de cantu pottant essere graes sas cusseguentzias de unu errore e de cantu siat diffitzile remediare a su tempus perdidu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22