Su nùmeru chi dd’ant intregadu est su 01, e est de bonu augùriu: Francesca Ena, giai Miss Alpitour Sardigna, at a èssere s’ùnica rapresentante sarda a Miss Itàlia 2017, su cuncursu chi dae 78 annos eleghet sa fèmina prus bella de Itàlia.

Francesca Ena, casteddaja, 24 annos, est arta 1,74, tenet sos pilos e sos ogros colore de castàngia e at ammaliadu sos giùighes de su cuncursu de bellesa gràtzias a su sorrisu suo incantatore. De ratza isvedesa traballat comente asegretària in un’istùdiu legale. Su bisu suo est su de abèrrere un’asilu nidu.

Una parifa de annos a oe at rapresentadu s’Itàlia in unu cungressu a pitzu sa salude e su turismu in Congo. Miss Itàlia 2017 at a andare in direta sàbadu su 9 de argiolas in su canale La7, in direta dae Jesolo.

Sos pischeddos sardos connottu de s’artesandu e identidade.

Sos pischeddos sardos sunt una de sas espressiones prus beras de s’artesanadu de s’isula. Fattos tottu a manu contant unu connottu antigu fattu de cinnos tramudados in su tempus e de unu ligonzu forte cun s’iscrocca. Ispartos in tottu sa Sardigna custos manivattos benint creados impittande materiales naturales comente trastanza,iscrareu,saliche e pramma nana. Sas tennicas de tribagliu furriant dae zura a zura ma dimandant abilidade manna e passentzia po intritzare sas fribbas e creare oggettos resistentes e funtzionales.

Donzi pischeddu naschet pro unu motivu pretzisu. In su tempus passadu beniat impittadu in sa vida de donzi die po regollere e cusservare sos produttos comente pane, ranu e olias, ma fintzas pro su trazu de sa cosa de pappare. Sos pischeddos prus bene fattos, fuint invetze destinados a sas occasiones prus importantes comente festas de su connottu e tzerimonias. Fintzas oe in medas biddas de s’isula custa attividade est fatta dae artesanos chi custoint e trasmittint sas tennicas de su connottu. Donzi cantu est unigu e a s’ispissu decoradu cun disignos simples chi muttint sa natura e sa cultura locale.

Addìa de s’utilidade insoro sos pischeddos sardos sunt una cona importante de s’identidade. Contant s’istoria de sas comunidades e s’appitzigu cun s’ambiente chi at semper apparadu su chi serbit po los faghere. In sos urtimos annos est creschidu s’interessu assa parte de custu artesanadu fintzas gratzias a su turismu e s’iscoperta de su connottu locale. Sos pischeddos sunt oe appretziados non solu comente oggettos de impittu, ma fintzas comente elementos decorativos capatzes de aunire connottu e alliccu de custu tempus.S’intritzu est bistadu giuttu a su tzentru de dibattas e istudios e tzelebradu fintzas cun metodos prus modernos dae sas ingendras novas.

In d’unu mundu semper prus orientadu a sa produssione industriale sos pischeddos sardos sighint a essere unu esempru beru de tribagliu lentu e poderabile. S’iscampare insoro dipendet dae sa capatzidade de balorizzare custu patrimoniu e de lu tramudare a sas ingendras novas pro itte non benzat ismentigadu ma sigat a bivere in su tempus comente cona de sa cultura de s’isula.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22