Sighint sos traballos pro s’abrontu de s’àrea pic nic de Ardalafè in Baunei.

Sunt istadas giai abrontadas dae sos voluntàrios in sas dies coladas diferentes postòrgios cun mesas e bancos e deae sa funtana de Surrele est arribbada fintzas s’abba.

Custu merie ant a èssere carradas sas ùrtimas mesas e asseliados sos caminos longu sos cales at a cùrrere s’Ultra Track de su Supramonte. “Est un’ esperièntzia significativa e meritòria” cummentant sos amministradores baunesos dae su profilu Facebook cosa issoro: “Torramus gràtzias a chie s’est impinnende gratis, e cumbidamus chie si bolet unire a sos voluntàrios. S’unione faghet sa fortza”.

Sos pischeddos sardos connottu de s’artesandu e identidade.

Sos pischeddos sardos sunt una de sas espressiones prus beras de s’artesanadu de s’isula. Fattos tottu a manu contant unu connottu antigu fattu de cinnos tramudados in su tempus e de unu ligonzu forte cun s’iscrocca. Ispartos in tottu sa Sardigna custos manivattos benint creados impittande materiales naturales comente trastanza,iscrareu,saliche e pramma nana. Sas tennicas de tribagliu furriant dae zura a zura ma dimandant abilidade manna e passentzia po intritzare sas fribbas e creare oggettos resistentes e funtzionales.

Donzi pischeddu naschet pro unu motivu pretzisu. In su tempus passadu beniat impittadu in sa vida de donzi die po regollere e cusservare sos produttos comente pane, ranu e olias, ma fintzas pro su trazu de sa cosa de pappare. Sos pischeddos prus bene fattos, fuint invetze destinados a sas occasiones prus importantes comente festas de su connottu e tzerimonias. Fintzas oe in medas biddas de s’isula custa attividade est fatta dae artesanos chi custoint e trasmittint sas tennicas de su connottu. Donzi cantu est unigu e a s’ispissu decoradu cun disignos simples chi muttint sa natura e sa cultura locale.

Addìa de s’utilidade insoro sos pischeddos sardos sunt una cona importante de s’identidade. Contant s’istoria de sas comunidades e s’appitzigu cun s’ambiente chi at semper apparadu su chi serbit po los faghere. In sos urtimos annos est creschidu s’interessu assa parte de custu artesanadu fintzas gratzias a su turismu e s’iscoperta de su connottu locale. Sos pischeddos sunt oe appretziados non solu comente oggettos de impittu, ma fintzas comente elementos decorativos capatzes de aunire connottu e alliccu de custu tempus.S’intritzu est bistadu giuttu a su tzentru de dibattas e istudios e tzelebradu fintzas cun metodos prus modernos dae sas ingendras novas.

In d’unu mundu semper prus orientadu a sa produssione industriale sos pischeddos sardos sighint a essere unu esempru beru de tribagliu lentu e poderabile. S’iscampare insoro dipendet dae sa capatzidade de balorizzare custu patrimoniu e de lu tramudare a sas ingendras novas pro itte non benzat ismentigadu ma sigat a bivere in su tempus comente cona de sa cultura de s’isula.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22