Sunt abertas sas iscritziones a su cuncursu Ogliastra Webcam, aparitzadu dae s’APS Agugliastra.it.

S’initziativa cheret seberare unu panorama de su territòriu ogiastrinu dae incuadrare cun una webcam chi s’Assòtziu at a collocare in manera gratuita in domo de su binchidore. Dae su mese de trìulas 2015 su portale web www.agugliastra.it acasàgiat una livecam chi incuadrat in manera costante s’Ogliastra bida dae Lanusè. Custu servìtziu est istadu rechertu dae sos medas ogiastrinos in su mundu chi in sos momentos de nostalgia sentiant su bisòngiu de dare un’ograda a “domo” issoro, opuru compidare sas cunditziones meteo in tempus reale.

S’Assòtziu cun custu cuncursu cheret promòvere su territòriu oferende a sos visitadores sos paesàgios ispantosos de s’Ogliastra pro mèdiu de sas immàgines atzapadas dae webcam in arta definitzione.

COMENTE PARTETZIPARE. Pro partetzipare a su cuncursu est netzessàriu imbiare sas foto de su panorama pro mèdiu de s’apòsitu mòdulu in lìnia n su situ www.agugliastra.it

RECUISIDOS. Sa location chi si candidat a acasagiare sa webcam depet respetare sos sighentes recuisidos: – Cobertura Wi-Fi – Presèntzia alimentatzione elètrica – Respetu de sas normas vigentes pro sa privatesa (a esèmpiu: de s’incuadratura non depet èssere possìbile reconnòschere persones).

ISSÈBERU DE SU BINCHIDORE FASE 1: Sas foto ant a èssere publicadas in una pàgina dedicada de su portale nostru e ant a pòdere èssere votadas dae su pùblicu. FASE 2: S’iscuadra de Agugliastra.it at a seberare su binchidore tra sas 3 immàgines prus votadas dae su pùblicu in lìnia
Pro àteras informatziones: www.agugliastra.it

Est istada chida de apuntamentos e ispantos in Fonne, in su coro de sa Sardigna, acanta mìgias de visitadores e apassionados ant patetzipadu a un’ispetàculu fatu de màscaras de su mundu, folklore internatzionale e ìpica.

Sa manifestatzione de “Identidades – Grande sfilata di machere tradizionali”, est cumentzada sàbadu 5 de austu, dae sas 17. Protagonistas printziapele sunt istados sos meres de domo, Urthos e Buttudos e sas Mascheras Limpias, ma fintzas sos carotes istàngios, comente  MasquAoste (Venètzia), CivitaMask (Venètzia), Colombina, Pantalone e Arlechino (Bèrgamu), Krampus (Südtirol), Su Bundu (Orane), Merdules Bezzos (Otzana), Mamutzones Antigos (Samugheu), Mamuthones e Issohadores (Mamujada), Urtzu e Sos Bardianos (Ula Tirso), Sos Tumbarinos (Gavoi), Su Sennoreddu (Teti), Mascara Gattu (Sarule), Is Arestes e s’Urtzu Pretistu (Sòrgunu), Cambas de Linna (Gùspini), Tamburinps e Trumbetieris (Aristanis), S’Attitidu ‘Osincu (Bosa).

A sas 22 si sunt esibidos sos grupos folclorìsticos locales de sos Brathallos Folk Fonne, in intro de su fèstival internatzionale de su folklore, chi at bidu in iscena fintzas sos grupos istràngios comente Karpaty (Islovàchia), Samba (Brasile), Pro logo de Samugheu e Biddobrana de Biddaubrana. A sighire ballos in pratza cun Mariantonietta Bosu (sonetu) e Francesco Fais (boghe), cun sa presentatzione de Roberto Tangianu.

“A pustis de duos annos de firmu dèvidu a s’apretu sanitàriu amus torradu a fàghere custa grandu manifestatzione, chi est lòmpida a sa de 5 editziones”, at naradu Antonio Marratzu, unu de sos organizadores . Màscheras e cultura, duncas, peri cun ‘abertura de su museu acanta sos bisitadores ant pòdidu bisitare sa mustra fotografica. Partetzipatzione manna peri a sas bisitas ghiadas in su territòriu a s’iscoberta de sa tziviltade nuràgica fonnesa a Madau e Gremanu.

Partetzipatzione manna fintzas a sa de  36 editziones de su Pàliu de Fonne.  Sa cursa a pilu prus sighida de s’Ìsula, organizada dae sa Sotziedade Ìpica Fonnesa, cun unu monteprèmios de 31.000 èuros. A bìnchere est istadu Francesco Caria con Costerino per il comune di Esporlatu, segundu Gavino Sanna e tertzu Pasquale Salis.

“Progetto finanziato con l’Avviso Pubblico IMPRENTAS annualità 2021-2022”