S’Ogliastra s’est mobilitende pro agiudare a Salvatore, unu professionista de Barì malàidu de una rara forma de leutzemia, chi netzèssitat in manera apretosa de unu trapiantu de meuddu òsseu. Sos familiares chircant voluntàrios tra sos 18 e sos 35 annos, disponìbiles a si sutapònnere a un’esàmene de su sàmbene pro averguare un’eventuale cumpatibilidade.

Pro informatziones e crarimentos est possìbile mutire sos nùmeros: Angela Meloni 328/7023504, Marta Meloni 349/6012885, Eleuterio Àrtziat 389/8577372, Marco Loiacono 388/4595256. Annotamala, est possìbile a cuntatare su presidente de s’ADMO, prof. Marco Apo impreadu, a su nùmeru 3284717362.

Si faghet presente chi pro cunsentire s’iscritzione in su registru donadores est bastat unu simple prelievu de sàmbene, chi pro sa zona Ogliastra si depet fàghere in s’istùdiu mèdicu de su Dr. Antonello Orrù, in Tortolì. Tocat mutire sos nùmeros subraelencados pro fissare s’apuntamentu in s’istùdiu mèdicu e pro tènnere su mòdulu de firmare. Opuru si podet possìbile mutire diretamente a su tzentru regionale trapiantos de s’ispidale Binaghi de Casteddu e fissare un’apuntamentu.

S’ùnica manera pro pòdere fàghere una verìfica de cumpatibilidade cun su meuddu de Salvatore est cussa de èssere comente si siat iscritos in custu registru chi at a tènnere valèntzia internatzionale. Sa tipizatzione si podet fàghere finas sos 35 annos.

S’arte de su tessinzu in Sardigna: filos de istoria, identidade e bellesa chentza tempus.

Sa tessidura in Sardigna est un’arte millenaria, abbarbada in fundaria in s’istoria e in sa vida de donzi die de s’isula. Unu sapere antigu, passadu dae mama a fiza, chi in sos seculos at revertidu materiales simples comente lana,linu e cotone in manivattos unicos,fattos po mesu de telarzos a manu orizontales o ritzos.

Intre sas eccellentzias regionales prus de signifficu bi sunt sos tappettos sardos, nodidos po sa calidade de sos tribaglios e sa ricchesa de sas decoraduras. Meda isparta est sa tennica de su pibiones, giammada gai pro itte ammentat sos pupujones de s’aghina. Custu tribagliu, chi creat disignos tridimensionales supra sos pannos, est una de sas prus cumplessas e ammaghiantes e acciappat s’espressione massima sua in tzentros comente Samugheo, Nule e Mogoro.

Accanta a sos pibiones, un’attera tennica de su connottu, isparta meda est cussa a lizzos, chi permitit de faghere motivos geometricos cadrios e chi si repitint. Non mancana tribaglios prus antigos e reffinados comente su puntu a traccu, impittadu mescamente po decoraduras essentziales e ideales, e sa produssione de s’arbaxi, unu pannu de lana chi no est tribagliada, cumpattu e chi non faghet passare s’abba, chi a s’ispissu fuit impittadu po bistires de su connottu e manteddos.

Sa Sardigna mustrat una variedade istravanada de tzentros de produssione, donzunu cun d’una forma chi si reconnoschet. Samugheo, in su coro de s’Aristanesu, est cussideradu su logu printzipale de s’artesanadu tessile sardu e accasazzat unu connottu bivu, chi fintzas oe est capatze de si mezzorare chentza perdere sas raighinas suas. Nule, in sa costera, est tzelebre po sos tappettos in lana dae sos colores cadrios e dae sos motivos geometricos detzisos, mentres Aggius, in Gaddura, si annodittat po cosas fattas a manu dae sas tonalidades prus cardas e naturales,ispiradas a sa bista granitica de s’iscrocca.

Unu rolu de primu pianu ispettat fintzas a Mogoro, nodidu po sa produssione de tappettos e aratzos e po s’istorica viera de s’artesanadu, chi donzi annu faghet arribare bisitadores dae tottu s’isula. Atteros tzentros importantes sunt Isili e Busachi, inube sa tessidura sighit a essere pratigada secundu tennicas de su connottu, manteninde biva una cultura de su “faghere” chi resistit a su tempus.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22