Intzidente de traballu custu mangianu, pagu a pustis de sas 9:30, in una rivendita de legna in bia Santu Gemiliano: un’òmine est abarradu tentu a suta de unu muntone de linna.

Un’operaju de Abbanoa chi s’agataiat a prestu at intesu su lamentu de s’òmine e mutidu deretu sos sucurros de su 118, chi sunt lòmpidos in deretura. G.G., babbu de su titulare de sa dita, fiat assentende sa linna chi però l’est ruida in pitzu. No est craragalu sa dinàmica de s’intzidente.

Est istadu netzessàriu s’interventu de sos vìgiles de su fogu de su distacamentu locale, pro nde bogare dae suta sa linna su betz.

S’òmine est istadu ricoveradu, ma no est graves, a s’ispidale de Lanusè. Sos carabineris de Tortolì ant interbènnidu pro fàghere totu sos atzertamentos netzessàrios.

S’atteru manzanu, bi est bistada un’accorrada importante meda de su comidadu de sa provintzia de Nugoro, de s’ordine e sa seguresa pubbrica, cun sa presidentzia de su Prefettu de Nugoro Dionisi, a sa cale ant partetzipadu sos cumandantes provintziales de sas Fortzas de s’ordine, e de sa polizia de sos cartzereris Antoni Galati. S’argomentu printzipale est bistadu un’attera borta cussu de s’emergentzia chi bi est in sa presone de Badu e’ Carros, una chistione custa, chi est dimandande interventos chi si leant tottu paris.

Respundinde a s’imbiu de s’Esercitu po controllare sa presone dae sa parte de fora, si ispettant interventos puru da parte de s’amministrassione de sa Presone. Su provvedidore at isboddiadu tottu sos particulares de s’imbiu intro de pagu tempus, in Sardigna de 71 agentes mascros,21 feminas e 34 arrezzentes, chi arrivant dae sos cursos
chi sunt finidos dae pagu.

Su segretariu generale de sa Uil Pa Polizia de sas Presones de sa Sardigna, Migheli Cireddu, at faeddadu de sa desemplada assione leada dae su Prefettu Dionisi, chi at collaboradu meda cun su Provvedidore Galanti, po i sfidare sa situassione cun meda detzisione. Bell’e gai, Cireddu at evidentziadu chi s’imbiu de personale nou, est solu unu signale positivu, no est sa solutzione deffinitiva, ispetzie si cunsideramos sos pensionamentos chi ant esser fattos in pagu tempus.

Su personale de sa polizia de sa presone, in manera particulare in Nugoro e Tattari, sighint a tribagliare in manera precaria, cun orarios de tribagliu longos meda e paga claresa de su controllu. Cireddu at nadu puru chi bi est s’abbisonzu de torrare a ordimizare su tribagliu e de interessare de pius sos sindacados in custu processu, in manera chi sas intetziones bonas de sas istitussiones si potant traduire in assiones e mesorias beras.

S’impignu de onzi die, de su cumandu regionale e de su Prefettu, est appretziadu meda, ma est urgente chi si passet dae sas ideas a sa pratichesa,interessande sos de sos sindacados in s’ordimizu de su tribagliu. Solu in custa manera si at a podere iscansare chi carchi derettura e cumandante, mancari tenzant sas menzus intentas, sigant a
faghere dannos mannos a livellu logale.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22