Sa regione ponet chimbe miliones de euros pro is provintzias sardas, risursas destinadas pro torrare a pare is bilantzios e pro garantire a is tzitadinos is servitzios de is edifitzios iscolasticos, manutentzione stradale, seguresa ambientale, preventzione e luta a is bobbois, preventzione de is dannos e de is maladias, assistentzia e trasportu pro is studiantes castigados. Sa giunta regionale at fissadu custu chenabura a mangianu is criterios pro sa partzidura de custos fundos.

1.298.545 euros a sa provintzia de Casteddu; 306.809 euros a sa provintzia de  Carbonia-Igresias; 831.100 euros a sa provintzia de Nugoro; 316.707 euros a sa provintzia de Ogiastra; 676.713 euros a sa provintzia de Aristanis; 1.287.765 euros a sa provintzia de Tatari e pro finire 282.357 euros a sa provintzia de su Campidanu de Mesu. Dae sa partzidura de is fundos regionales nd’est abbarrada foras sa provintzia de Terranoa-Tempio chi at fatu a ischire ca podetet garantire s’echilibriu de bilantziu sena agiudu de sa Regione.

Gramsci e Lussu: duos sardos mannos chi ant sinzadu s’istoria de s’Italia.

Sa Sardigna at dadu sa vida a duas de sas figuras pius influentes de su Noighentos italianu: Antoni Gramsci e Emilio Lussu. Divressos po temperamentu, ma postos impare dae s’impignu tzivile, dae sa passione po sa zustissia sotziale e dae una annaghidura funguda cun sas raighinas isulanas proprias, Gramsci e Lussu ant sinzadu s’istoria politica e culturale de s’Italia, dassande un’eredidade chi est biva e presente puru a dies de oe. Naschidu in Ales in su 1891, Antoni Gramsci est bistadu unu de sos pius mannos istudiosos de su seculu XX.

Fundadore de su Partidu Comunista de Italia in su 1921 e autore de sos tzelebres Cuadernos dae sa Presone, Gramsci at isfroscadu unu pensamentu politicu cumplicadu e originale, tzentradu supra s’idea de dominassione culturale e s’importantzia de s’educatzione de sas massas. Sas ideas suas, trempidas in parte in su mentres de sa presonia longa sutta de su Fascismu, ant influentzadu in manera funguda, non solu sa politica italiana, ma fintzas su pensamentu ratzionale, sotziologicu e formativu a livellu internatzionale.

Mancari attesu dae sa Sardigna po una parte manna de sa vida sua, Gramsci at semper tentu unu ligonzu forte cun sa terra sua.A pagos annos de distantzia, in su 1890, naschiat in Armungia Emilio Lussu, figura de signifficu de s’antifascismu e de su repubblicanesimu italianu. Graduadu in leze e uffitziale in sa prima gherra mondiale, Lussu aiat contadu s’esperientzia de su fronte in su liberu “Un anno sull’altipiano”, memorias de sa gherra.

Fundadore de su Partidu Sardu de Atzione e pustis esponnente importante de su movimentu antifascista “Giustizia e Libertà”, Lussu fit bistadu obbrigadu a su disterru in su mentres chi bi fit Mussolini. Pustis de sa rutta de su fascismu, aiat partetzipadu a torrare a fraigare demograticamente s’Italia. Sa bista sua politica teniat unu sensu fungudu de zustissia sotziale. Gramsci e Lussu, mancari arribberant dae esperientzias divressas ant ambos dadu unu contribbudu a fraigare un’Italia pius cabosa, critiga e democratiga.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22