Àera noa in domo de su Perdasdefogu. Pro s’istajone imbeniente sa sotziedade at cambiadu siat allenadore, siat su diretivu, comente a su presidente. In sa panchina ddoe at a èssere Antonello Cabitza, sa presidente at a èssere una pitzoca de 27 annos, Jessica Palmas, su cassieri at a èssere Fabio Lai, su segretàriu Pierpaolo Cannella, consigeri Maurizio Mura e magasineri Flavio Lai. Dae unu puntu de annotu tècnicu ebbia, imbetzes, sunt istados cunfirmados is pròpios giogadores de s’annu coladu, cun carchi novidade: s’achistu de Federico Scattu (Cardedu) e de Mattia Lombardi (San Vito), cun sa recuida de Riccardo Guerriero, chi s’annu passadu fiat in su Barì. S’at a fàghere de totu pro cumbìnchere a su capitanu istòricu Paolo Pitau e su tzentrucampista de Foghesu  Dimitri Brundu. Sa rosa de su Perdasdefogu 2014/2015 duncas est formende·si., cun una punna pretzisa: su de fraigare un’iscuadra chi siat unu mescuritzu tra giogadores giòvanos e giogadores cun esperièntzia, a manera chi is primos potzant crèschere e megiorare pro pòdere fàghere unu campionadu comente s’ispetat.

Sardigna in daesegus in sa classifica supra su clima e calidade de sa vida.

Su clima podet fittare supra sa calidade de sa vida in sas tzittades e sos datos prus reghentes lu cunfirmant fintzas pro sa Sardigna. In sa classifica de sas tzittades printzipales pubbricada dae su Sole 24 Ore, chi controllat sas cundissiones climaticas e su corpu supra sa vida de donzi die, carchi tzittade de s’isula si agattat in sa parte prus bassa de sa classifica natzionale.

In manera particulare est Carbonia a serrare sa classifica cun su 107° postu, s’urtimu intre sas tzittades printzipales esaminadas. S’istudiu leat in cussiderassione paritzos trattos de su clima pro cumprendere cantu sas cundissiones meteo potant influentzare su benessere de sas pessonas e sa vivibilidade de sos tzentros de sas tzittades. S’analisi si accottat supra 15 motivos ligados a su clima. Intre custos bi sunt s’intensidade de s’abba, su numeru de sas nottes in sas cales sa temperadura minima non calat sutta sos 20 grados, sas dies de cardu urtimu, sa presentzia de bentu in su mentres de s’istiu e s’umidesa de s’aria.

In su casu de Carbonia, secundu sos datos regortos, pesant mescamente sas temperaduras artas meda registradas in s’annu e su numeru minimadu de dies frittas o cun abba allongada. Custas cundissiones climaticas fittant supra su risurtadu finale de sa tzittade de su Sulcis chi si acciappat duncas a s’urtimu postu de sa classifica.

Est importante evidentziare chi s’istudiu si relatat a sos datos de su 2025 e non tenet contu de cantu accadessidu in sos primos meses de su 2026, cando totta sa Sardigna est bistada interessada dae una simana de abba prus bundante in cunfrontu a sa media de sos urtimos annos.Una cosa fora de norma de su clima chi at distintu s’incumintzu de s’annu ma chi non recuit in s’analisi impittada po faghere sa classifica.

Abbaidande su restu de sa classifica si nodat chi a sos primos postos si agattant mescamente tzittades supra su mare Adriaticu. A su primu postu de sa classifica bi est Bari. Sa classifica evidentziat comente su clima siat divenninde un’elementu semper prus importante cando si faeddat de calidade de sa vida in sas tzittades. Sas temperaduras artas meda, sos periodos de assuttura o a su contrariu de abba meda sunt cosas chi fittant supra sa salude, s’ambiente e supra sa vida de donzi die de sas pessonas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22