A duus annus de sa dispidida, is Figli d’Arte Medas e totu sa comunidadi ollastina ant cuncordau una dii po afestai a su predi trentinu, intra is prus connotus in s’ìsula. S’atòbiu est giòbia su 10 de argiolas in sa sala polifuntzionali de bia Pompei

Po prus de 50 annus est stètia una ghia po s’Ollasta, traballendi aprimu in Biddanoa e agoa in Elini. Imoi, a duus annus de sa dispidida, su logu chi dd’at arriciu ddi fait custu omàgiu a don Pietro Vinante cun d-una dii de festa intitulada Don Pietro Vinante – Il Servizio e l’Eredità. S’atòbiu, cuncordau de is Figli d’Arte Medas e de su comunu de Elini, est po giòbia su 10 de argiolas in sa sala polifuntzionali de bia Pompei in Elini etotu (OG). Custu atòbiu est fatu cun s’agiudu de sa lei regionali 14 de su 2006 po arregordai a òminis e fèminas de importu de sa stòria e de sa cultura sarda.

SU PROGRAMA Sa dii est partzia in duas partis. A is 7 e mesu de a merii (h 19.30) un’arrexonada intitulada Don Pietro Vinante – 50 Anni di Testimonianza Civile e Religiosa, cun is arrelatas de su munsennori Antonello Mura, obispu de sa Diocesi de Lanusè e don Luca Fadda, su predi de Elini. Ddui at a essi finas su dotori Michele Lavra, cumissàriu de su Comunu de Elini, po donai is saludus istitutzionalis. Presentat Ivo Murgia, operadori culturali e spertu de lìngua sarda.
A is 9 oras (h 21) incumentzat su teatru cun su spetàculu Storie di Storia – Don Pietro Vinante, unu contu cun cantus e mùsicas scritas e cantadas de s’atori Gianluca Medas, acumpangiau a sa ghitarra clàssica de Andrea Congia e de is boxis de su Coro Ogliastra. Custu spetàculu, aintru de sa stòria de sa Crèsia sarda, contat sa vida de don Pietro, un’òmini simpri ma forti, e is acontèssius culturalis e religiosus de sa bidda de Elini.

Leau de su Comunicau de imprenta de su sòciu Figli d’arte Medas

Sardigna, torrat sa limba bleu: in austu iscopertos 9 logos deinfetzione.

In d’unu mese 48 animales cundidos e 13 mortos. Addurant sutta de osservatzione puru sa Frebba de su Nilu e sa dermatite nodulare de sas baccas. Cun s’arrivu de sas temperaduras artas, in Sardigna torrat fintzas sa Limba bleu, sa maladia chi corpat sos gramuladores e chi in sos annos passados aiat postu in brinugu medas pesamentos de s’isula.

Secundu s’urtimu azzoronamentu sunt 9 sos logos de infetzione de Blue Tongue chi si sunt isviluppados in s’isula in su mese de austu, a sos
cales si azzunghent sos 15 de su mese de triulas, po una summa de 24 in s’istiu 2025. In austu, sos locos pius corpados sunt bistados Casteddu cun 2, su nugoresu cun d’unu e mescamente s’Ozzastra cun 6. In tottu sunt bistados cuntagiados 48 animales supra 2.084 presentes in sas zuras interessadas, cun 13 animales mortso po su virus.

Sa diffusione in Sardigna est mescamente de su tipu 8, giai connoschidu in sos annos passados, ma nde sunt bistados agattados fintzas de su 3 e 4, cunfirmande sa variedade de su virus chi est circulande in s’iscrocca. Sa Blue Tongue no est unu perigulu po s’omine, ma podet corpare in manera grae berbeghese, crapas e baccas, faghinde dannos meda a livellu accolomicu e de produssione. Sa trasmissione arrivat cun sa puntura de arrabbios pitticcos, sos culicoides, chi agattant in sas dies cardas e umidas sas cunditziones ideales po si ammanniare.

In pius de sa Limba bleu,sos controllos in Sardigna si sunt faghinde puru po atteras maladias virales: Sa Frebba de su Nilu Occidentale e sa dermatite nodulare de sas baccas. Sas autoridades invitant sos pesadores e sos chi tribagliant in cussu campu de bistare attentos, rispettare sa biosicuresa e azzuare sos veterinarios po sinzalare donzi casu suspettu.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22