In sa bidda de São Lourenco do Bairro, in su nord-ovest de su Portugallu, sos residentes ant assistidu a un’iscena in sa die de su 10 de cabudanni. Custu chi in comintzu pariat un’alluvione s’est riveladu èssere calicuna cosa meda prus prus ispantosa: unu riu de binu ruju at invàdidu sos caminos de su bidditzolu.
S’orìgine de custa aundadura est istada sa segadura de duos serbatojos de sa distilleria Levira, un’azienda nòdida in sa zona. Custu intzidente at causadu s’essida de binu ruju, cun una cantidade impressionante de 2,2 milliones de litros chi at curtu fatu de sos caminos de su bidditzolu. Sos vìdeos de s’eventu insòlitu ant tzirculadu a sa lestra in sas retes sotziales, atirende s’atentzione de persones de totu su mundu.
Sos abitantes de su logu sunt abarrados abebelecados biende custu binu chi bastaiat pro prenare belle una piscina olimpiònica. Nointames s’ispantu initziale, siat s’azienda chi sas autoridades locales ant afrontadu in deretura sa situatzione.
S’azienda Levira s’at leadu deretu sa responsabilidade de sos disacatos causados a sa comunidade locale. sSos vìgiles de su fogu locales sunt intervènnidos in tempus pro evitare chi su binu arrivare a su riu Certima. Custa atzione at contribuidu a prevènnere unu potentziale disastru ambientale, ca una cantidade gasi manna de binu ruju in su riu diat àere tentu cunsighèntzias malas meda.
Nointames s’intzidente, unos cantos espertos ant afrontadu sa situatzione in modu insòlitu, ponende in lughe sos benefìtzios potentziales de su binu ruju pro sa salude umana. Segundu s’epidemiòlogu britànnicu Tim Spector, bufare una variedade de binu ruju cun moderatzione podet tènnere efetos positivos subra de s’echilìbriu de s’istentina e subra de su benèssere mentale. Custos efetos benefìtzios sunt atribuidos a su ruolu antiossidante acumpridu dae sos polifenolos, unu grupu de cumpostos naturales presentes in sa sarmenta, in particulare in s’ua impreada pro sa produtzione de binu. Sos polifenolos sunt nòdidos pro sas propiedade issoro antiossidantes e antinfiammatòrias chi podent contribuire a su benèssere cumplessivu.
Mancari s’isvilupu de sos eventos e su disacatu ambientale potentziale evitadu, custa istraordinària aundadura de binu at atiradu s’atentzione subra sa capatzidade umana de afrontare sos disafios in modos creativos e positivos. Sa comunidade de São Lourenco do Bairro at dimustradu resilièntzia cara a custa situatzione istraordinària, mentras sos espertos ant torradu a nàrrere s’importu de consumare su binu cun moderatzione pro tènnere benefìtzios pro sa salude.
“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”
© RIPRODUZIONE RISERVATA
Cagliari
Ogliastra
Cada annu, su 16 de su mese de ladàmene, in totu su mundu si festat sa Die de s’Alimentatzione. Sa nàschida de custa ricurrèntzia est istada chèrfia dae sa Fao pro more de fàghere connòschere a sa gente is problemas de sa malunutrimentu e de su fàmene in su mundu. A printzipiare dae ocannu, però, peri pro s’ìsula nostra, su 16 de ladàmene at a èssere sa Die de s’Alimentatzione. Duncas regordamu∙nos in custa data (e non petzi in custa) de comporare produtos sardos ebbia. Pro ite, comente nos ant ispiegadu is chi ant aparitzadu s’initziativa: “Su màndigu est un’elementu tzentrale de sa traditzione e de s’identidade sarda. Faghet parte de sa cultura, de sa sotziedade e de s’economia nostra”. Unu cunsìgiu simbòlicu ma de importu mannu: agiudamus is produtos locales!
