Editzione nùmeru bator pro su Nurarcheofèstival, sa tantu disigiada rassigna teatrale aparitzada dae sa cumpangia teatrale “Il Crogiuolo”, dirigida dae su mastru Mario Faticoni. Sa manifestatzione, chi at atiradu s’interessu de unu muntone de amantiosos de su setore, ocannu s’at a fàghere dae su 24 de austu a su 15 de cabudanni e at passare in is logos de prus importu de sa cultura ogiastrina comente is sitos archeològicos prus interessantes de s’isula. Su Nurarchofèstival podet bantare una meca de collaboratziones, comente cussa, fortzis sa prus importante, cun sa sotziedade de gestione Irei. Custa sotziedade proponet bìsitas ghiadas interessantes  in numerosos cumplessos archeològicos in Biddamanna, in Irbono, e in Tortolì, in paris a sa bisione de ispetàculos.

Custu su programma iscritu a sa minuda:

– Chenàrbura 24 de austu, a is oras 19.00 situ archeològicu Scerì – Irbono “FRAMMENTI ROSA”, produtzione “Bocheteatro”.

– Sàbadu 25 de austu, a is oras 19.00 situ archeològicu S’Ortali de su Monte, Santu Sarbadore – Tortolì “FRITTO MISTO E BACCALÀ”, produtzione “Effimero Meraviglioso”.

– Martis 28 de austu, a is oras 19.00 situ archeològicu Scerì – Irbono “GENE MANGIA GENE”, produtzione “Il Crogiuolo”.

– Mèrcuris 29 de austu, a is oras 19.00 situ archeològicu Sa Carcaredda – Biddamanna Strisàili “GENE MANGIA GENE”, produtzione “Il Crogiuolo”.

– Domìniga 02 de cabudanni, a is oras 19.00 situ archeològicu S’Ortali de su Monte Santu Sarbadore – Tortolì “IL SENTIERO DEI PASSI PERICOLOSI”, produtzione TeatrodInverno.

– Sàbadu 08 de cabudanni, a is oras 19.00 situ archeològicu S’Arcu de is Forros – Biddamanna Strisàili “PULCINELLA AL CONFINO IN SARDEGNA”, spetàculu pro pipios dae is 6 a is 99 annos,  produtzione “Il Crogiuolo”.

– Mèrcuris 12 de cabudanni, a is oras 20.00 situ archeològicu Sa Carcaredda – Biddamanna Strisàili “TUTTO TRANNE GRAMSCI”, produtzione AnfiteatroSud.

– Gioja 13 de cabudanni, a is oras 19.00 situ archeòlogicu S’Ortali de su Monte Santu Sarbadore – Tortolì “AIRES perfomance flamenco” cun testos de F.Garcia Lorca produtzione “Fueddu e Gestu – Duendas Flamenco”.

Pro informatziones 393 9020917

In Cortoghiana, fratzione de Carbonia, sunt apparessidas iscrittas cun minettas a su cunsizzeri de su Partidu Democratigu Alberto Pili. Sas frases, fattas cun s’ispray supra s’isfaltu in daenanti de su zilleri de propriedade de su cunsizzeri, ant ischidadu affuscu e indignassione meda in sa comunidade e intre de sas istitutziones de su logu.
S’accadessimentu est bistadu signaladu in presse a sas autoridades.

Su sindigu de Carbonia Pietro Morittu at comunicadu tottu a su Prefettu e at attivadu s’amministratzione de su comune po accomettare s’accadessimentu. Una borta chi sa Politzia de su logu at finidu cun sos rilievos, s’Uffitziu comunale che at iscancelladu sas iscrittas.

S’amministratzione de su comune at affiantzadu s’azzudu prenu a Alberto Pili, arremazzande s’importantzia de diffendere chie tenet incarrigos istitutzionales e de affiantzare chi cosas comente custa no torrent a capitare.

Custa cosa at iscuttinadu dae sas fundamentas sa comunidade de Cortoghiana e Carbonia, acciappande sa cundenna dae parte de tottu sos tzittadinos e sas istitutziones. In paritzos ant mustradu accottu a su cunsizzeri, riconnoschinde s’impignu e sa dedissione sua a su servitziu de sos tzittadinos.

Sa politzia at fattu partire un’iscruccullu po chircare sos responsabbiles. Ant leadu sas immagines de sas telecameras de custodia chi bi sunt in cussa zura po chircare elementos chi serbant a mustrare sos chi ant fattu tottu custu. Paritzas sunt bistadas sas attestassiones de sos chi narant de essere accanta, commente politicos e zente chi faghet parte de sa sotziedade tzivile, chi ant evidentzidu comente cosas comente custa no sunt solu un’attaccu a sa pessona, ma fintzas a s’assentu democratigu.

S’accadessimentu de Cortoghiana s’inficchit in d’unu cuntestu pius largu, chi evidentziat unu creschimentu de sas intimidassiones a sos amministradores locales in zuras divressas de s’Italia. Custu accadessimentu est an’ammunimentu supra sa netzessidade de affortigare sa sicuresa e de favoressere sa sicuresa e sa cultura de sa legalidade e de su rispettu.

In su mentres, Alberto Pili at rezzidu s’accottu de totta sa comunidade e de sas istitutziones, unu signale importante meda po arremazare chi violentzia e minettas no potant acciappare logu in d’una sotziedade tzivile.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22