Gioja 9 de austu in Biddamanna ddoe at a èssere su Torneu Internatzionale de s’Istrumpa, unu de is isport prus antigos de Sardigna. Sa gara faghet parte de sa de sete editzione de su torneu internazionale “Juntos” e s’at a tènnere in sa “Pratza de Sennorigau” de Biddamanna. A incumentzare sa manifestatzione ant a èssere is grupos folclorìsticos e su cuncordu polifònicu Ogliastra Amistade, a printzipiare dae is 6 de merie. Fatu fatu ddoe at a èssere sa gara bera chi s’at a fàghere in presèntzia de s’ex campione olimpiònicu de luta grecu-romana  Vincenzo Maenza Pluri. A pustis de is cumbatimentos is gherradores, su pùblicu at a pòdere assìstire a una dimustratzione de unas lutas traditzionales de àteras culturas comente sa “capoeira” de su Brasile e sa “lucha” ispagnola. In prus, bonas noas pro is amantiosos de is licònias: in intro de sa manifestatzione s’at a tènnere peri sa “Sagra de is Gathulis”, is anededdos cotos a frighidu fatos cun patata e casu, chi ant a èssere cumbidados in paris a su Binu Cannonau de Tortolì. Duncas, una serada dedicada a s’isport e a is traditziones chi non faghet pròpiu a si pèrdere!

Sa Sardigna s’impignat contra sa cuncentrassione de sos 41-bis in s’isula.

Sa Sardigna si ammaniat a un’impignu populare contra sa detzisione de su Guvernu de destinare a s’isula tres de sas sette presones italianas riservadas solu a sa manera de su 41-bis, cussos de Uta, Bancali e Badu e’ Carros. Unu seperu chi at azzesu su cunfrontu politicu e istitutzionale e chi benit cussideradu irmasionadu in cunfrontu a su restu de s’iscrocca natzionale.

Sa bogada a campu si prevedit po sapadu 28 de frearzu in Casteddu. A la poderare est sa presidente de sa Regione Alessandra Todde impare a sos sindigos de sas iscroccas interessadas, assotzios e tzittadinos.S’initziativa si presentat comente un’appellu mannu e rucradittu chi puntat a binchere sas pertoccas politicas e ponnere impare tottu sa comunidade sarda.

A su tzentru de sa cuntestassione non bi est sa lutta a sa criminalidade ordiminzada ne sa balididade de su 41-bis. Sa critica est po s’ispartidura de sas presones de massima sicuresa supra s’iscrocca natzionale. Secundu sa Regione, assinzare a sa Sardigna casi sa metade de sas presones chi si prenettant est una detzisione demasiada, leada chentza unu cunfrontu de faghere prima e chentza una balutazione pubbrica de sos corpos sotziales, accolomicos e de s’iscrocca.

In su documentu, ispartu dae s’amministratzione regionale si evidentziat chi pustis de deghinas de annos sinzados dae su pesu de sas teracchias militares, s’isula arriscat de deppere accomettare cussa chi benit deffinida sa teracchia nova de sas presones. Un’afficcu chi, secundu sos chi ant ordiminzadu s’initziativa, diat podere gravare supra iscroccas giai debiles.

Un’atteru elementu de affuscu est po su possibile tramudu de sos presoneris sardos in su Continente, creande problemas a sas familias e a sos ligamenes affettivos. Sa Presidente Todde aiat giai espressadu a su Ministru Nordio s’arrealia de sa Regione nande chi sa Sardigna non si podet revertire in sa Cayenna de s’Italia. Sa detzisione ets bistada pustis formalizzada in su mese de Nadale in sa cunferentzia Istadu-Regiones, coladorzu chi secundu s’amministratzione regionale non
diat aere rispettadu de su tottu su printzipiu de leale collaborassione chi est prenattadu po sas autonomias ispetziales.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22