Aia fissadu s’addòbiu cun Simone Contu, regista jersesu de su film “Treulababbu (Is resones de is pitzinnos)”, in custas dies in totu is salas tzinematogràficas de Sardigna, fache a is dòighi, ma a sa coa s’apuntamentu nch’est isciaddidu de un’ora. A is 13 Simone est lòmpiu, iscusende·si pro su ritardu e narende·mi: “Perdona·mi, ma nci apu dèpiu acumpangiari a Roberteddu a Seui”. Cussos faeddos in sardu, narados cun s’atzentu ischietu de Jersu, m’ant fatu in deretura ismentigare s’ora pèrdida. Tando semus intrados in s’istùdiu de registratzione de Radio Stella e a pustis de is saludos de ritu apo cumentzadu deretu cun sa prima pregunta:

Chie est Roberteddu?

Est Roberto Marci! Issu paris cun Cristiano Laconi sunt is pipios protagonistas de is duos mediometràgios chi cumponet sa pellìcula de “Treulababbu”. Roberto est de Seui, e at interpretadu sa parte de Efisio in “Sa Règula”, mentras Cristiano Laconi est de Ussassa e interpretat sa parti de Vincenzo in “Su Molenti de Oramala”.

Proite as seberadu su tìtulu “Treulababbu”?

Su tìtulu est essidu a campu pro casualidade in su “set” de su film. S’ispiradora de custu nùmene est Daniela Boi, s’atritze non professionista de Barì chi faghet sa parte de “Brulla”.

Cale est su significu de custu faeddu?

Comente giai isches “Treulababbu” est partzidu in duos episòdios, “Sa Règula” e “Su Molenti de Oramala”, duos contos “crobados a pari” est a nàrrere acapiados s’unu cun s’àteru. Difatis in ambos is istòrias ddoe sunt duos pitzocheddos chi si fùrriant a su babbu issoro. Durante is ripresas a Daniela dd’est essida sa paràula “treulalogu”, riferende·si a una persone chi fiat faghende burdellu e donende fasciugu a totus. In sardu “sa trèula” est su logu in ue si pistaiat su trigu e a canta si detzidiat s’incùngia de s’annu, unu logu de grandu trumentu, pruerosu, prenu de animales, pesones e trastos de ogna casta. Pro cumbinatzione deo apo assotziadu su faeddu a is contos de sa pellìcula e tando m’est bènnidu a conca su faeddu “treulababbu”, unu giogu de paràulas chi in sardu non s’agatat ma ci sonat e torrat bene su sentidu de su film.

Allega·nos de su primu episòdiu de sa pellìcula, “Sa Règula”.

In su 2003 istaia in Milanu pro traballare a una produtzione de Greggio e de Iachetti. Una note no renessia a pigare sonnu tando mi nche so postu a pensare a unu contu de una cabra furada e de unu pipiu chi si fiat arrennegadu cun sa famìllia sua. In su 2005, tenia unas dies lìberas e mi so postu a iscrìere cussu contu. In su 2006 mi so tramudadu in Roma e gràtzias a is consìgios unos amigos mios apo concruidu cun s’iscenegiadura. So torradu in Sardigna e apo fundadu unu sòtziu Culturale pro more de pòdere regòllere is finantziamentos. Otentu su dinari, in su mese de cabudanni apo fatu su cast e is su mese de onniasantu, in 15 dies, amus giradu sa pellìcula. Sa Règula at otentu unu èsitu bonu, gràtzias massimamente a is sòtzius de is sardos de su disterru, e peri gràtzias a unu ispetziale chi aiat fatu subra a su film Vincenzo Mollica in sa trasmissione “DoReCiakGulp”.

Comente est nàschida imbetzes s’idea de girare “Su Molenti de Oramala”?

Cando apo finidu sa produtzione “Sa Règula” apo detzisu de mi dedicare a unu progetu prus impegnativu cun Bepi Vigna. Gràtzias a s’agiudu suo totus is ammentos de sa pipiesa mia sunt torrados a campu: brùsias, gianas, urcos pipios mortos e molentes chi bolaiant. Est nàschidu in custa manera su film “Su Molenti di Oramala”, ca in beridade est unu Fantasy!

De ue dipendet s’issèberu chi as fatu de impitare sa limba sarda?

I duos pitzinnos protagonistas de su film allegant bene su sardu, Roberto comente limba de late e Cristiano comente segunda limba ca si l’aiat imparada su nonnoi a minore. Ma a ogna manera ambos duos chistionant bene finas s’italianu, comente a totus is piseddos de is biddas nostras. Duncas no potzo nàrrere ca apo isseberadu de manigiare su sardu pro una chistione filològica o pro abarrare fidele a unu panorama sòtziu-antropològicu pretzisu.

Sa mia est istada una detzisione polìtica! In is famìllias non s’allegat prus su sardu? E tando tocat chi is pipios ddu intendant in sa televisione, in su tzìnema, chi ddu biant iscritu in is giornales e in is libros. Petzi in custa manera su sardu podet torrare a èssere una limba de giudu e de prestìgiu,e petzi in custa manera is mamas, is babbos e s’iscola ant a pòdere cumprèndere su valore chi tenet pro s’educatzione de is pipios.

Cantu est istadu difìtzile a fàghere custa pellìcula?

Pro a mie est istada una impresa manna chi est andada a cumprimentu petzi gràtzias a s’agiudu de totus! Sa pellìcula est costada 500.000 èuros, sena unu produtore e sena unu distribudore. Immàgina ca is atores e is collaboradores no ant tentu galu peruna paga pro su traballu chi ant postu. A issos andat totu s’istima e sa reconnoschèntzia mia! Penso posca a is costumistas a is iscenògrafos a is autores a is tècnicos de su sonu e a chie s’est ocupadu de is mùsicas! Devo torrare gràtzias finas a is amministradores comunales, a is sìndigos, a sa Povìntzia Ogiastra e a totu sa gente de totu is biddas in ue su film est istadu giradu!

Boles nàrrere calicuna cosa a is letores de Vistanet?

Eja! Andade a bisitare su giassu internet artifitziale de sa pellìcula http://www.treulababbu.it/ e prus che totu andade a bìere su film “Treulababbu” chi at a èssere projetadu in su Tzìnema Garibaldi de Tortolì finas a su 20 de martzu!

Riparte giovedì 3 luglio la settima edizione de Il Venerdì Letterario, l’amata rassegna culturale organizzata dal Comune di Tortolì e dedicata alla promozione della lettura, del dialogo e dell’incontro con la parola scritta. L’appuntamento si rinnova nel suggestivo giardino della Biblioteca Comunale, che per tutta l’estate e fino all’autunno si trasformerà in uno spazio intimo e accogliente, pronto ad accogliere lettori, autori e appassionati di libri.

Un incontro al mese, tra luglio e settembre, per vivere la cultura sotto le stelle, in un’atmosfera rilassata e partecipata, dove i libri diventano occasione di confronto, riflessione e scoperta. La rassegna è realizzata in collaborazione con Il Club di Jane Austen Sardegna, la Biblioteca Comunale di Tortolì e diverse realtà culturali locali, a testimonianza di un impegno condiviso nella valorizzazione della lettura come pratica collettiva e viva.

Le anteprime 2025
– Giovedì 3 luglio, ore 21:00
Claudio Bagnasco presenta Fare il possibile (TerraRossa Edizioni)
In dialogo con lo scrittore e sceneggiatore Ciro Auriemma, Bagnasco propone una raccolta intensa e profondamente umana, che racconta la giovinezza e il disorientamento dell’età adulta, tra nostalgia, dolore e piccoli slanci di speranza.

– Venerdì 1 agosto, ore 21:00
Marilù Oliva presenta La Bibbia raccontata dalle donne (Solferino)
Un’opera originale che restituisce voce e dignità alle figure femminili del testo sacro, rilette attraverso una prospettiva contemporanea e inclusiva. Un libro che unisce teologia, narrativa e femminismo, offrendo una nuova chiave di lettura dell’eredità biblica.

– Giovedì 4 settembre, ore 21:00
Marina Pierri presenta Gotico Salentino (Einaudi)
Un viaggio letterario nel Sud più oscuro e simbolico, dove mito, gotico e realtà si intrecciano in una narrazione potente. La scrittrice e critica culturale ci conduce tra leggende, luoghi sospesi e archetipi mediterranei, in un’opera che mescola letteratura e antropologia.

Il Venerdì Letterario conferma così il suo ruolo di punto di riferimento per la vita culturale del territorio, offrendo occasioni di incontro autentiche e curate nei dettagli. Ogni serata è pensata per favorire la vicinanza tra pubblico e autori, all’insegna dell’ascolto e della partecipazione.