Patrizia Frau: s’organizadora de isposòngios ogiastrina
Una conca de pilos totu aneddados, unu risu chi ammajat e una grandu atza. Acò su retratu de Patrizia Frau, bintinoe annos, tortoliesa chi dae su traballu de presentadore  radiofònicu est passada a organizare eventos. Prus che totu Patrizia in sa vida sua diat a bòlere aparitzare cojas. Faghimus una resonada cun issa.

Comente t’est bènnida s’idea de ti dedicare a organizare isposòngios?

Totu est nàschidu dae su disìgiu de fàghere unu traballadu adatu a mie chi mi daret sa possibilidade de pòdere espressare totu sa creatividade mia. Creo de aere semper àpidu unu predisponimentu naturale pro s’organizatzione e sa pianificatzione in gènere. In custa manera, cando custu taballu at cumentzadu a leare fama finas in Itàlia, apo detzisu de fàghere a manera sèria  frecuentende in Milanu unu cursu professionale pro organizare eventos e cojas, in inglesu Wedding and Event.

Ite as imparadu durante custu perìodu milanesu?

Durante is letziones apo imparadu is mètodos organizativos e is notziones subra is decoros. In prus apo atopadu  totu is professionistas de su setore chi girant a inghìriu de custu mundu, comente  is espertos de decoratziones floreales, is fotògrafos, is musitzistas e is istilistas. In Milanu apo tentu finas sa possibilidade de pònnere in pràtica su chi aia imparadu, leende parte a s’organizatzione de un’eventu in su palàtziu istòricu chi aparteniat a Alessandro Manzoni. Un’esperièntzia ùnica a beru!

Ite ambiente as agatadu in Ogiastra pro su traballu cosa tua?

In Sardigna su de organizare is cojas est unu traballu chi benit galu pompiadu cun unu pagu de  sùdditu e discunfiàntzia. Forsis pro ite est galu arraighinada s’idea de sa coja traditzionale, aparitzada dae sa famìllia de is isposos. Ma depo nàrrere chi in is ùrtimos tempos, de ogna manera, is isposas paret chi siant prus cumbintas, massimamente is chi cherent unu isposòriu ùnicu e fatu a mesura issoro. So faghende·mi connòschere a bellu a bellu e is satisfatziones sunt arribende!

Duncas su traballu tuo est creschende?

Emmo. Su còmpitu miu est cussu de fàghere a manera chi chie si cheret cojuare non si leet pensamentu. Is cosas chi tocat a acumprire pro una coja sunt una surra. In prus a tènnere una consulèntzia comente a sa mia bolet nàrrere a fàghere unu isposòriu ispetziale meda. Deo m’impigno in ogna ghetu pro fàghere a manera chi cussa die non s’ismèntighet ma chi originale chi abarret pro semper in sa mente de is isposos.

Comente t’immàginas sa die chi t’as a cojuare?

Sa coja mia devet èssere curada in ogna particulare e isco giai chi m’apa a ispassiare meda a ddu organizare, donende isfogu a totu sa fantasia mia. M’at a assimigiare: at a èssere traditzionale ma a tretos originale. Foras de custu, sa cosa prus de importu pro a mie at a èssere cussu de bìvere in fines cun su cumpàngiu de sa vida mia e festende paris cun is amigos, is parentes e cun totu cussos chi m’istimant

.
Ite cussìgias pro is isposas chi si devent cojuare?

Su consìgiu miu est cussu de chircare de non si fàghere leare dae is pensamentos. Est a non lòmpere ismòrridas e istracas a sa die de sa coja: tocat a si gosare su momentu prus importante de sa vida a su mègius! Pro si nde leare dae subra totu is impignos e is imbestos, su consìgiu miu est….. de mi tzerriare!!!!!

Un giovane di 19 anni è stato fermato dai carabinieri con l’accusa di tentato omicidio dopo una lite scoppiata ieri mattina davanti a un bar nel centro di Oliena, durante i festeggiamenti di San Lussorio. La vittima, Carlo Boi, 29 anni, è stata ferita da due coltellate all’addome e all’inguine ed è stata trasportata al San Francesco di Nuoro, dove non sarebbe in pericolo di vita.

Il giovane, accompagnato dal proprio avvocato, si è presentato spontaneamente al comando dei carabinieri e, dopo l’interrogatorio con il pubblico ministero, è stato trasferito nel carcere di Nuoro in attesa della convalida del fermo.

L’indagine, coordinata dalla Procura, ha ricostruito la dinamica dell’aggressione: Sale avrebbe estratto un coltello durante la colluttazione prima di allontanarsi. L’episodio ha scosso la comunità di Oliena in un momento di festa.