Cras su 1 de maju at a torrare a essire Sant’Efis, s’at a fàghere sa protzessione in is carrelas de Casteddu,  comente ogna annu giai prenas de gente dae mangianu.

Ant a èssere presentes a sa festa manna pro s’isolvimentu de sa promissa a su Santu Gherradore, is grupos  cun su bestire sardu de is biddas.

A pustis, is fideles ant a cumpangiare in caminu Sant’Efis finas a Nora.

Vasco Rossi at a cantare in duas datas a sa Fiera de Casteddu: su 18 e su 19 in su mese de Làmpadas.

S’artista italianu non cantat in Sardigna dae 8 annus –  cabudanni 2010 – e ant a èssere in medas presentes  a bìdere s’istella prus manna dae sa mùsica natzionale.

In su mese de sant’Andria de ocannu, at a bessire puru su petzu musicale nou de custu cantadore famadu, classe 1952.

Vasco s’est incraradu in su mundu de sa mùsica in su 1977, de tando non s’est prus frimadu e in annus ’80 at tentu semper sutzessu cun cantzones nódidas a totus.