Su 30-31 de su mese de Làdamini e su 1 de onniasantu a Seui, si rinnovat s’eventu traditzionale de s’atòngiu sardu: sa manifestatzione “Su Prugadoriu”- sa festa de is ànimas -.

In custa festa s’ant a pòdere tastare su màndigu tìpicos e bisitare is mangasinos abertos de su tzentru istòricu de sa bidda.

In Seui, comente onzi annu at a lòmpere unu muntone de gente e is bellos montes ant a fàghere acudire una truma de giòvanos.

Vasco Rossi at a cantare in duas datas a sa Fiera de Casteddu: su 18 e su 19 in su mese de Làmpadas.

S’artista italianu non cantat in Sardigna dae 8 annus –  cabudanni 2010 – e ant a èssere in medas presentes  a bìdere s’istella prus manna dae sa mùsica natzionale.

In su mese de sant’Andria de ocannu, at a bessire puru su petzu musicale nou de custu cantadore famadu, classe 1952.

Vasco s’est incraradu in su mundu de sa mùsica in su 1977, de tando non s’est prus frimadu e in annus ’80 at tentu semper sutzessu cun cantzones nódidas a totus.