Semus andados a Àrthana a agatare a Martina Piras, una giòvana domadora e istrutora de ecuitatzione chi dae unos annos gestidu paris cun su pobiddu suo, Mario Loddo, unu Tzentru Ecuestre postu a pees de Monte Idolo.

Salude Martina, cales sunt is atividades chi faghides in su Tzentru bostru?

Faghimus atividades diversas: s’allevamentu, sa doma e cursos pro imparare a sètzere a caddu. Ma pro chie cheret faghimus finas escursiones e passigiadas a caddu fatu de su sartu de Àrthana. Semus in cuntatu peri cun is iscolas de Àrthana, de Elini e de Irbono.

In cale perìodu de s’annu traballades de prus?

Est a nàrrere chi inoghe traballamus a totu annu e tenimus pagu tempus pro nos pasare, pro ite chi in unu manègiussoe tenet semper cosa de fàghere. Tocat a costoire is caddos e a ddos mascare, a segare s’erba e a acontzare s’acorru e peri àteras cosa. In ogna manera su traballu cun su pùblicu aumentat meda in beranu e in istade, cando lompent is turistas e is bisitadores.

Comente ddos domades is caddos?

Prima de totu nois nos impreamus mai modos violentos. Su caddu in natura est un’animale chi non cassat ma chi benit cassadu. Mentras calleddu, pro bos fàghere un’esempru, s’addestrat cun sa fortza e cun sa assugetamentu fìsicu e psicològicu, su caddu si domat cun delicadesa.

Allega·nos unu pagu de is cursos de ecuitatzione

Is cursos nostros sunt aparitzados segundu livellos diversos: livellu base pro is noitzolos, livellu mesanu, avantzadu e diletantìsticu. S’ispetzialidade nostra est s’imparu de sa disciplina de sa montadura pro traballu e pro dda imparare is cursistas benint sighidos dae unu istrutore ìpicu e dae unu assistente de manègiu, siat in sa pràtica, siat in sa teoria.

Pro chie ddos faghides is cursos?

Is cursos sunt abertos a chie si siat: òmines, fèminas, sanos, malàidos, mannos e piticos. S’ùnicu lìmite est s’edade chi non devet èssere mai prus bassa de 6 annos.

Cando ses divènnida amantiosa de custu animale e ite cheret nàrrere pro tue a traballare cun is caddos?

Sa passione pro custu animale est nàschida cando fia pitica. Apo semper bisadu de tènnere unu caddu e de traballare in custu ambiente oe, gràtzias a pobiddu miu custu bisu s’est realizadu. Pro custu m’intendo cuntenta e soddisfada!

Tenes calicunu àteru bisu chi dias a realizare?

Eja. Dia a bòlere abèrrere su tzentru meu a s’ipoterapia e a s’abilitatzione de is vìtimas de su coma e de is intzidentes istradales. Dia a chèrrere abèrrere finas una posada pro donare a papare a is istràngios, ma sa cosa chi bògio de prus est cussu de traballare cun is presoneris de su Càrtzere de Lanusè pro ddos fàghere torrare a una vida normale e onesta. Pro finire dia a bòlere fàghere una fatoria didàtica pro fàghere connòschere a is pipios de is iscolas is animales, massimamente is caddos.

Profondo dolore a Lanusei per la scomparsa di Marco Cuboni, venuto a mancare all’età di 43 anni. Tempo fa era rimasto coinvolto in un incidente con il trattore e, dopo un periodo di cure e speranze legate alla ripresa, purtroppo oggi si è spento, lasciando nello sconforto la famiglia e quanti gli volevano bene.

A darne il triste annuncio sono la mamma Augusta, la sorella Rossana con Simone, insieme agli zii, alle zie, ai cugini e a tutti i parenti.

La famiglia ha voluto rivolgere un sentito ringraziamento a Daniela e Giulia, che con pazienza e dedizione lo hanno seguito nel percorso, seppur breve, della ripresa. Un grazie di cuore anche a tutto il personale del reparto di Rianimazione dell’Ospedale Nostra Signora della Mercede, per le cure e l’attenzione dimostrate.

La cerimonia funebre si terrà mercoledì 4 marzo alle ore 15 nella Cattedrale di Santa Maria Maddalena. A causa della chiusura del cimitero, la tumulazione avverrà in forma privata.

Parenti e amici potranno porgere l’ultimo saluto e le condoglianze in chiesa durante le esequie.