Cras, martis 12 de làmpadas, sa mustra de arte intitulada “Is mannos de s’arte contemporànea” (I big dell’arte contemporanea) at a acollire tres òperas de su pintore tortoliesu Sergio Muntoni: “Sa mirada de su massau” (Lo sguardo del contadino), “Traballadura de su casu” (Lavorazione del formaggio) e “Regoglidore de fenu” (Raccoglitore di fieno). Tres òperas fideles a sa temàtica preferida dae s’artista, cussa de s’ambiente e de su recùberu de is artes e de is traballos antigos. Sa mustra, chi at a durare finas a su 18 de làmpadas, at a ospitare is òperas de is mègius artistas de s’iscena italiana e at a èssere acumpangiada dae unu calendàriu ricu de adòbios culturales. Ant a èssere presentes òspites de onore comente su conte Daniele Rodaini Tedeschi e Romina Power, chi at a partètzipare comente madrina e comente artista. Sa rassigna s’at a tènnere in su cumplessu museale  de Pratza de su Pòpulu in Roma: sa Galleria L’agostiniana. Gràtzias a sa proposta de s’artista tortoliesu, is organizadores ant atzetadu de fàghere esibire in sa mustra a su Tenore de Silanus Santu Laritu. Un’ocasione bona pro fàghere connòschere is traditziones de sa terra nostra.

Dae pagu unu istòricu de s’arte famadu, G. Folco, at iscritu custu pro Muntoni: “In su realismu figurativu de Sergio Muntoni, si cumprendet totu s’amore chi issu tenet pro sa natura, pro sa terra e pro sa traditzione. Manna sa capatzidade sua de torrare a pintare cada piessignu òticu de su totale e de su particolare, subraponende tonos e colores, isfumende is uros pro cullunare s’ispàtziu e pro creare profundidade. Una pintura màstrina e fine, chi in su figurativu agatat s’essèntzia de s’arte berdadera, de su traballu, de su pintare pro su praghere de fàghere arte e non pro ispantare pro fortza”.

Sergio Muntoni, in partèntzia pro Roma nos at naradu: “Soe orgolliosu de èssere istadu cuntatadu pro custa espositzione. Is òperas mias, difatis, sunt istadas seletzionadas dae una commissione de espertos mannos de su setore e ant a agatare tretu a costàgiu de artistas chi deo ammiro meda. Pro mie est un’onore”.  Gràtzias a Sergio Muntoni sa Sardigna at a èssere rapresentada finas in Roma. Complimentos corales a su mastru!

A partire da oggi, sabato 12 luglio, riprende regolarmente il servizio di sosta a pagamento nelle aree delimitate dalle strisce blu su tutto il territorio comunale.

I parcometri sono nuovamente attivi e il controllo sarà garantito dalla presenza degli ausiliari del traffico, incaricati di vigilare sul corretto utilizzo degli stalli e sul rispetto delle disposizioni previste.

L’amministrazione comunale invita tutti gli utenti a verificare con attenzione le modalità di pagamento e gli orari in vigore, chiaramente segnalati presso ogni area di sosta. L’obiettivo è garantire una gestione ordinata e funzionale della viabilità cittadina, soprattutto durante il periodo estivo.