Unu grupu chi est nàschidu dae un’amigàntzia e dae una passione comuna pro sa mùsica in generale e pro s’isperimentatzione in particulare.  Semus alleghende de is Outcube, band tortoliesa lòmpida oe a su segundu discu produidu dae s’eticheta  “This is core” e intituladu “Anima Liquida”. Su grupu est formadu dae Mauro Aragoni (boghe, percussiones, tastieras, testos), Giuseppe Rigogliuso (chiterra e testos), Elias Porcu (bateria), Salvatore Scattu (bassu) e Emilio Hiernaux (chiterra). Andamus a fàghere una bella chistionada cun su frontman de su grupu.

Mauro, conta∙nos de bois chimbe.

Connosco a Giuseppe dae cando tiraìamus petzi 70 cm. Fatzo mùsica cun issu dae cando tenìamus 11 annos! E is àteros ddos apo connòschidos in is iscolas superiores. Semus unidos che frades!

Ite mùsica iscurtades?

Iscurtamus gèneres diferentes, ognunu de nois tenet is preferèntzias suas. Ddoe est chie iscurtat su death metal, chie su punk, chie su rap, chie sa mùsica eletrònica e gosi sighende. A sa fine non nos si ponimus mai làcanas e iscurtamus totu su chi nos agradat. Comente naro a s’ispissu, sa mùsica est totu bella cando est fata cun su coro!

Cales sunt is artistas chi bos ant influentzadu musicalmente?

Nois non si riferimus a una band ebbia, ma potzo nàrrere chi fortzis, sena nos nde agatare, nos ispiramus meda a is Incubus, a is Litfiba, a is A perfect circle, a is Metallica, a is Nirvana, a is Pink Floyd, a is Timoria, a is Korn, a is Tool, a is Deftones e a is Prodigy.

Comente ddu dias a descrìere su primu discu bostru?

Pro fàghere su primu discu nche amus postu medas annos e creo chi prus de un’album est una compilation, est a nàrrere una regorta de cantzones fatas in perìodos diversos. Est vàriu e unu pagu “psichedèlicu” e cuntenet branos siat in inglesu, siat in italianu.

Allegamus immoe de s’ùrtimu traballu bostru.

S’album nou est pròpiu cussu chi bolìamus: unu traballu melòdicu, romànticu, paranòicu, chi si podet iscurtare cun praghere e bene cuncordadu. Un’album chi tenet unu sentidu e unu caràtere suo, prus che totu pro ite totu is petzos sunt in italianu.

 Ite nde pensades de s’iscena musicale sarda?

S’iscena musicale sarda est interessante meda ma a dolumannu pagu connòschida. Su de bìvere in un’ìsola fortzis non nos agiudat meda. Is grupos milanesos chi cherent aparitzare unu tout afitant unu Fiorinu, pigant e movent. A nois imbetzes nos andat male a nos ispostare pro more de is ispesas. Connosco una meca de band de valore de ogna genia e de paritzas biddas, comente a is Solid Vision, a is Bavarja o a is prus famados Sikitikis. Duncas, in s’ìsula nostra ddoe sunt medas band de grandu mèritu e de balia.

Tenides in programma carchi cuntzertu?

Eja, semus traballende pro fàghere unos cuntzertos ma galu no amus fissadu is datas. Amus a presentare sena duda unu cuntzertu mannu in Tortolì custa istade. Pro is àteras tapas, pro s’ora  est mègius a no nàrrere nudda…

Progetos pro su tempus benidore?

Luego amus a traballare in pitzu de is sìngulos e subra de is video chi amus a lantzare. Semus difatis averiguende unas iscenegiaturas diversas. Su progetu est cussu de non nos firmare mai e de sighire a andare a in antis faghende semper mùsica bella e bona.

Luego, in esclusiva, su vìdeo nou de is Outcube, sa ballada acùstica intitulada “Non può durare per sempre”. Bona iscurtu a totus!

Incidente stamattina a Elini, auto fuori strada, grave un ragazzo.

Il conducente estratto dalla vettura, un ragazzo residente ad Elini, è stato trasferito in codice rosso al ps di Lanusei.

Stamattina un grave incidente stradale ha richiesto l’intervento immediato della squadra 8A del distaccamento dei Vigili del Fuoco di Lanusei, impegnata ad Elini nella via Carmine dove, per cause in corso di accertamento, un’autovettura ha perso il controllo dell’autovettura mentre percorreva la carreggiata, terminando improvvisamente la sua corsa ribaltata su un terreno al di sotto della strada dopo un volo di circa 8 metri.

L’incidente di Elini

L’uscita di strada ha trasformato un tratto urbano in uno scenario di emergenza, rendendo necessario un rapido coordinamento dei soccorsi per garantire la sicurezza dell’area e prestare assistenza. Sul posto sono intervenuti l’ambulanza medica di Lanusei, che ha fornito le prime cure sanitarie, e la polizia di Stato del commissariato di Lanusei, impegnata nei rilievi e nella gestione della viabilità, mentre i Vigili del Fuoco hanno operato per la messa in sicurezza del veicolo e dell’intera zona interessata dall’incidente, consentendo il ripristino delle condizioni di sicurezza e l’avvio degli accertamenti necessari a chiarire la dinamica dell’accaduto.