Si prospetta una Pasqua, anche quest’anno, di restrizioni? Di certo, il neonato governo si prepara a fronteggiare l’avanzata delle varianti Covid-19 e la sempre più probabile terza ondata di contagi.

E così, dal prossimo 6 marzo sino al 6 aprile, sarà in vigore il nuovo Dpcm, in scrittura, che comprende anche le prossime festività pasquali. Obiettivo, la tutela della salute.

Dramma in Arzachena, duos piccioccos mortos in d’unu atzocchiu orrorosu comunidade abbolottada.

Serradu po dolu su parcu de s’abba inube tribagliaiant sos zovanos mortos. Sa die de deris si est abberta cun d’unu dramma chi che at bettadu Arzachena in su dolore. A s’arbeschida, in d’una de sas carrelas provintziales chi cameddant sa bidda a su logu turisticu de Baja Sardinia, bi est bistadu un’atzocchiu forte meda intre una Ford Fiesta e unu SUV. Supra de sa Fiesta biazaiant tres piccioccos zovanes meda, de 16,17 e 18 annos, tottus de bessida marocchina e chi bistaiant in Arzachena.

Si fuint affilande a su tribagliu in su parcu de s’abba Aquadream, inube aiant incumintzadu dae pagu un’esperientzia de tribagliu po s’istiu. Po duos de issos s’atzocchiu est bistadu mortale. S’atteru, su pius zovanu de sa truma, ch’est bistadu leadu in s’ispidale in cunditziones graves meda. Fintzas sas duas feminas chi si acciappaiant intro de su SUV sunt adduradas fertas e cuberradas in s’ispidale de Nugoro.

S’atzocchiu rebbestu est sutzessu in d’unu trettu de carrela chi paret simple de attraessare, ma chi no est privu de transas. Sos motivos de s’atzocchiu sunt in accertamentu. In su logu de s’atzocchiu sunt arrivados sos de sa politzia istradale e sos vigiles de su comune, impignados a cumprendere sos motivos de s’atzocchiu po accrarare sas responsabilidades.

Su nuntzu si est isparghidu in presse meda in sa bidda, dassande chentza paraulas sos chi bistant inie.Supra sos social medas sunt bistadas sas bogadas a campu de affettu e de dolu. Sos tres piccioccos funt connoschidos bene e funt appretziados po su trazu rispettosu e sa gana de s’impignare. Funt insertados in sa sotziedade de s’iscrocca e medas los aiant bidos creschere.

In sinzu de dolu, s’Aquadream at detzisu de suspendere sas attividades. Sos cantzellos de su parcu de s’abba, sunt addurados serrados po tottu sa die. Su personale ancora no creet a su chi est sutzessu, e si est assortadu in d’unu momentu de mudore e collimentu.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22