Unu grupu chi est nàschidu dae un’amigàntzia e dae una passione comuna pro sa mùsica in generale e pro s’isperimentatzione in particulare.  Semus alleghende de is Outcube, band tortoliesa lòmpida oe a su segundu discu produidu dae s’eticheta  “This is core” e intituladu “Anima Liquida”. Su grupu est formadu dae Mauro Aragoni (boghe, percussiones, tastieras, testos), Giuseppe Rigogliuso (chiterra e testos), Elias Porcu (bateria), Salvatore Scattu (bassu) e Emilio Hiernaux (chiterra). Andamus a fàghere una bella chistionada cun su frontman de su grupu.

Mauro, conta∙nos de bois chimbe.

Connosco a Giuseppe dae cando tiraìamus petzi 70 cm. Fatzo mùsica cun issu dae cando tenìamus 11 annos! E is àteros ddos apo connòschidos in is iscolas superiores. Semus unidos che frades!

Ite mùsica iscurtades?

Iscurtamus gèneres diferentes, ognunu de nois tenet is preferèntzias suas. Ddoe est chie iscurtat su death metal, chie su punk, chie su rap, chie sa mùsica eletrònica e gosi sighende. A sa fine non nos si ponimus mai làcanas e iscurtamus totu su chi nos agradat. Comente naro a s’ispissu, sa mùsica est totu bella cando est fata cun su coro!

Cales sunt is artistas chi bos ant influentzadu musicalmente?

Nois non si riferimus a una band ebbia, ma potzo nàrrere chi fortzis, sena nos nde agatare, nos ispiramus meda a is Incubus, a is Litfiba, a is A perfect circle, a is Metallica, a is Nirvana, a is Pink Floyd, a is Timoria, a is Korn, a is Tool, a is Deftones e a is Prodigy.

Comente ddu dias a descrìere su primu discu bostru?

Pro fàghere su primu discu nche amus postu medas annos e creo chi prus de un’album est una compilation, est a nàrrere una regorta de cantzones fatas in perìodos diversos. Est vàriu e unu pagu “psichedèlicu” e cuntenet branos siat in inglesu, siat in italianu.

Allegamus immoe de s’ùrtimu traballu bostru.

S’album nou est pròpiu cussu chi bolìamus: unu traballu melòdicu, romànticu, paranòicu, chi si podet iscurtare cun praghere e bene cuncordadu. Un’album chi tenet unu sentidu e unu caràtere suo, prus che totu pro ite totu is petzos sunt in italianu.

 Ite nde pensades de s’iscena musicale sarda?

S’iscena musicale sarda est interessante meda ma a dolumannu pagu connòschida. Su de bìvere in un’ìsola fortzis non nos agiudat meda. Is grupos milanesos chi cherent aparitzare unu tout afitant unu Fiorinu, pigant e movent. A nois imbetzes nos andat male a nos ispostare pro more de is ispesas. Connosco una meca de band de valore de ogna genia e de paritzas biddas, comente a is Solid Vision, a is Bavarja o a is prus famados Sikitikis. Duncas, in s’ìsula nostra ddoe sunt medas band de grandu mèritu e de balia.

Tenides in programma carchi cuntzertu?

Eja, semus traballende pro fàghere unos cuntzertos ma galu no amus fissadu is datas. Amus a presentare sena duda unu cuntzertu mannu in Tortolì custa istade. Pro is àteras tapas, pro s’ora  est mègius a no nàrrere nudda…

Progetos pro su tempus benidore?

Luego amus a traballare in pitzu de is sìngulos e subra de is video chi amus a lantzare. Semus difatis averiguende unas iscenegiaturas diversas. Su progetu est cussu de non nos firmare mai e de sighire a andare a in antis faghende semper mùsica bella e bona.

Luego, in esclusiva, su vìdeo nou de is Outcube, sa ballada acùstica intitulada “Non può durare per sempre”. Bona iscurtu a totus!

È sardo il motociclista che ha perso la vita in un drammatico incidente avvenuto nel pomeriggio di ieri lungo la passeggiata a mare di Mentone, in Francia. Si chiamava Gianluca Murru, aveva 36 anni ed era originario di Domusnovas, nel Sud Sardegna.

Chef di professione, lavorava in un ristorante a Montecarlo e si era trasferito da qualche tempo in Francia per motivi di lavoro, dopo aver vissuto a lungo a Ventimiglia. Ieri pomeriggio, mentre percorreva in moto la strada costiera in sella alla sua Yamaha R1, in direzione della Francia, ha perso il controllo del mezzo per cause ancora da accertare, impattando violentemente contro uno scooter parcheggiato.

Nonostante i soccorsi tempestivi e i ripetuti tentativi di rianimarlo, per Gianluca non c’è stato nulla da fare. Il suo cuore ha smesso di battere sul posto.