Peri ocannu s’at a torrare a fàghere su torneu istadiale de Pallavolo de plàia, s’eventu prus isetadu de s’istade. Su campionadu, nàschidu dae s’initziativa de is amantiosos de custu isport chi cada istade prenent is campos a probe de mare, est diventadu un’adòbiu de grandu interessu pro professionistas e apassionados de  s’Ogiastra e finas de sa Barbàgia. Medas is iscuadras prontas a s’afrontare cada sero in su campu isportivu de Gelisuli, tra làgrimas e suore, regalende a is ispetadores ispàssiu e disaogu.

S’adòbiu isportivu, lòmpidu giai a sa de chimbe editzione, cheret cummemorare sa bonànima de  Fabio Pitzalis. Su torneu si displigat segundu sa fòrmula de su 4X4 mistu, e apenas incumentzadu faghet a bìdere is primos ispantos. Giai dae is primas iscutas su livellu si presentat giai artu gràtzias a sa partetzipatzione de unu muntone de veteranos acostagiados dae medas giovànos de bonas promissas. Custa cumpetitzione ogna sero at a regalare a is ispetadores oras de emotzione e de bonu isport, ma is mègius iscuadras ddas amus a pòdere bìdere petzi  tra su 9 e su 10, est a nàrrere in sa fase preliminare de su torneu, ocannu articulada in cunforma a sa modalidade clàssica de su girone a s’italiana. In sa prima fase de sa gara s’ant a afrontare duas iscuadras chi ant iscaladu sa classìfica in pagu tempus, sa “Turismar” de Luca Ammendola e Alessio Aresu e sa nuorese “Socrates” de Franco Filia, chi pròpiu eris sero si sunt afrontadas pro prima bia in su campu e nois de Vistanet amus cumpudadu sa partida in contu bostu. Custa sa crònaca:

Pagos faeddos a in antis de s’adòbiu, petzi cuntzentratzione e mudìmene. Ognunu ischet ca non podet fàghere faddina. Puntos fatos a sa renfrusa chi s’intrèvenant a ischiatzadas chi ispantant su pùblicu. Sa potèntzia fìsica de su foramanu de s’iscuadra de is “Socrates” faghet tìmere a totus, francu a su muru de sa “Turismar”,  ordinadu e eficatze, denneghende unu muntone de puntos a is aversàrios e faghende∙nde totalizare àteros pro issos etotu. E cando s’iscuadra s’agatat apretada, mescamente in sa serrada de su set, Ammendola est capassu de pigare a sa manu s’iscuadra e de leare a domo su resurtadu. Cando in fatu sa fortza non bastat prus tando is duas iscuadras incumentzant a giogare cun malìtzia, cun mòvias farsas e pallonetos: est tando chi initziat s’ispetàculu. Cun grandu acòrdiu tra s’artziadore e s’ischiatzadore de is “Socrates”, is nugoresos mustrant s’atza issoro e renessent a agatare is fortzas chi crediant de àere ispatzadu: su segundu set est s’issoro.  Immoe non si podet fàghere perunu isbàlliu e totus dd’ischent. Su suore calat a istidda a istidda, is mùsculos sunt istrirados finas su màssimu ma nemos intendet s’istrachesa pro ite niunu bolet pèrdere; pagos faeddos in s’ora de pasu de su time out, petzi isprenetu e atza meda. Tra is duas iscuadras immoe est gherra aberta. Pallonetos, bòtzas segadas e piatzadas e sa “Turismar” nche isciaddet in un’ibitu a is aversàrios. Sa lòmpida est indedda e ischent de dda pòdere aguantare. Cumandados dae Ammendola, is cumpàngios boddint unu puntu fatu a s’àteru e concruent sa partida leande∙si a domo duos puntos  chi ddis faghent balangiare su primu posti in sa classìfica.

Sa cuntentesa de is binchidores però no est meda. Difatis ischent chi su torneu est galu longu e chi in custu isport su resurtadu si podet furriare in deretura. Bos amus a ischire finas de is àteros adòbios.  Pro como sa classìfica est custa:

SCUADRA    PUNTOS

Turismar    15

Socrates    13

Serra Ceramiche    13

Frailis Animazione    12

Eureka    9

Marmock Beach    9

La Baia    7

Titanic    0

Falegnameria Pani    0

---

© RIPRODUZIONE RISERVATA

Tragedia nella notte lungo la strada provinciale 15 che collega Sassari a Ittiri. A perdere la vita è stato Luigi Pala, operaio meccanico di 43 anni, residente a Sassari e originario di Usini.

Secondo le prime ricostruzioni, l’uomo si era fermato poco dopo il bivio per Usini a causa di un guasto al proprio veicolo. Sceso dall’auto, si trovava a piedi sulla carreggiata e stava probabilmente cercando aiuto quando è stato investito da un’auto in transito.

L’impatto è stato violento: Luigi Pala è stato travolto e scaraventato sull’asfalto. Il conducente del veicolo si è immediatamente fermato per prestare soccorso e ha allertato i servizi di emergenza.

Sul posto sono intervenuti i sanitari del 118, ma purtroppo per il 43enne non c’è stato nulla da fare. Presenti anche i carabinieri e i vigili del fuoco per i rilievi e la gestione della scena dell’incidente.

La Procura di Sassari ha aperto un’inchiesta per chiarire con esattezza la dinamica dei fatti. L’auto coinvolta nell’investimento e la salma sono state poste sotto sequestro, mentre nei prossimi giorni verrà eseguita l’autopsia.

Luigi Pala lascia la moglie. Una tragedia che ha colpito profondamente la comunità locale, lasciando sgomento tra familiari, amici e conoscenti.