Un’acòrdiu interistitutzionale tra is Comunos ogiastrinos, Provìntzia Ogiastra e Regione Sardigna, custa est sa proposta de su sìndigu de Gàiru, Roberto Marino Marceddu, in una lìtera aberta indiritzada a is sìndigos a su Presidente de sa Provìntzia, a is consigieris regionales, a is partidos e a is sindacados ogiastrinos, a is assòtzios, a is organizatziones e a totu is tzitadinos. A bisu de Marceddu, pro arrèere sa derrota de s’Ogiastra no est a isetare a is bandos programmàticos noos UE 2014-2020 de s’Unione Europea ma, comente est essidu a campu dae is addòbios de su Coordinamentu de is sìndigos, est pretzisu a inghitzare sa sighente atividade:

1. Regorta de istrumentos de pianificatzione acumpridos fintzas a como in su territòriu, isfrutende finas sa disponibilidade donada dae sa Diretzione Urbanìstica de sa Regione;

2. Interessamentu de is Sìndigos pagu ativos o semper ausente in su Coordinamentu, de is consigieris regionales de su territòriu, de is fortzas sotziales, de is sòtzios presentes in Ogiastra, etzètera, pro more de fàghere un’acòrdiu interistitutzionale vinculante pro is partes interessadas, gosi comente prevìdidu pro is àtera àreas de sa Sardigna chi sunt in crisi;

3. Elaboratzione a òpera de totu cantu su territòriu, a manera unitària, de una proposta de “Progetu pro s’Ogiastra”, ogetu de s’acòrdiu mentovadu in su puntu pretzedente e finalizada a s’insertada in unu Programma Operativu ispetzìficu pro s’Ogiastra, a manera preventiva a s’inghitzu de sa Programmatzione UE 2014-2020.

4. Organizatzione de un’addòbiu in is primas 15 dies de su mese de abrile 2013, sinergia intre sa Provìntzia e su Coordinamentu de is Sìndigos, a sa cale est pretzisu cumbidare totu is atore locales, in vista de s’inghitzu cuncretu de is atzione mentovadas.

5. Inghitzu de is cuntatos imbenientes cun su Ministru Barca (o de su chi at a bènnere a pustis de issu) pro averiguare sa possibilidade de un’Acòrdiu Interistitutzionale finalizadu a s’acumprimentu de su Progetu pro s’Ogiastra.

S’isperu de Marceddu est chi “sa Provìntzia e is duos consigieris regionale tèngiant unu rolu de primu pianu, comente cussu de su Presidente Cherchi e de àteros parlamentares e consigieris de su Sùlcis, pro agiudare a su territòriu e donare su cuntributu chi serbit pro s’acumprimentu de custa punna istratègica e de importu mannu pro sa vida de s’àera ogiastrina, corpida, comente testimoniadu dae meda indicadores dae unu totale derrota econòmica”.

Week end in famiglia in Sardigna: 5 esperietnzias chi non si podent ismentigare intra natura, abbentura e cultura.

Sa Sardigna no est solu mare cristallinu e relax: est puru unu logu perfettu po sas famiglias chi disizzant bivere esperientzias ammaghiantes, educativas e ispassiosas umpare sos fizzos insoro. Donzi week end si podet revertire in d’una occasione po iscoperrere s’isula cun ogros novos. Inoghe chimbe propostas po unu fine de chida cun su tempus de calidade de bivere intre babbos, mamas e fizzos.

Unu de sos logos pius faschinosos po incumintzare est su Parcu Naturale de Molentargius, a pagos minutos dae su tzentru de Casteddu. Est una de sas oasis pius importantes de s’Europa po  sa tutela de sos puzzones chi istant in abba, inube est possibile passizzare o pedalare accanta a sos istagnos populados da chentinaia de mangones rubios.

Po chie disizat un’esperientzia pius istorica, unu logu chi non si podet ismentigare est Su Nuraxi de Barumini, su pius connoschidu de sos nuraghes sardos e Patrimoniu de s’Umanidade Unesco. Sos pitzinnos si podent divertire a iscumbattare sos passizos misteriosos e sas turres de pedra, immaginandesi comente archeologos de su passadu.

Po chie amat s’adrenalina in siguresa, su cunsizzu est de andare a s’Alighera e passare una die a su Parcu Avventura. Postu intre de unu pinedu bellu meda, su parcu apparizat caminos suspesos intre sos arbures cun livellos de difficultade divressos.

Si invetze s’idea est de si godire su mare ma aggiunghindebi fintzas un’iscumbattamentu sas plajas de s’Ozzastra sunt su seperu zustu. Localidades comente Cea, Lido de Orrì o Santa Maria Navarrese offerint plajas seguras, fundos bassos e abbas trasparentes chi andant bene meda po sos pizzinnos, ma fintazs medas possibilidades de attividades extra. Po finire, po chie cheret faghere connoschere a sos pitzinnos sos animales agrestes de sa Sardigna, no si podet perdere una bisita a su Parcu Faunistico de Monte Arcosu, a pius pagu de un’ora dae Casteddu.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22