Una comuna chi rispetat s’ambiente, chi donat cura a is consumos energèticos suos e abbassat is emissiones puntende totu a una generatzione noa de fontes rinnovàbiles.

Est custu su sentidu de su PAES LOCERI (Pianu de Atzione pro s’Energia Sustenìbile de sa Comuna de Loceri) su documentu aparitzadu dae sa Comuna de Loceri e aprontadu dae Raffaello Possidente, Stefano Sollai, Debora Deiana Lecca e Danilo Vacca chi cunsistit in una definitzione de un’istrategia noa pro otènnere una mèngua de is emissiones de CO2 de a su manucu su 20% intro su 2020. Su progetu, in rispetu cun su “Patu de is Sìndigos”, s’initziativa sutascrita dae is tzitades europeas chi s’impignant a persighire, a livellu locale, is tareas de sa polìtica energètica cominitària , est istadu acumpridu cun s’agiudu tècnicu de sa S.E.S.Co. srl, s’Isportellu pro s’Energia Sustenìbile de Confartigianadu, e cun sa partetzipatzione de totu sa comunidade loceresa. Cun s’impreu de su Paes sa Comuna ogiastrina si ponet a tìtulu prenu in sa retza europera de is 4539 Comunas (2299 in Italia e 181 in Sardigna) chi ant detzisu a manera voluntària incumentzare un’àndala de eco-cumpatibilidade e de ricunversione energètica de su territòriu issoro.

Soddisfadu meda su sìndigu de Loceri, Ivo Deiana, chi in sa lìtera de presentada de su traballu a sa bidda, at regordadu comente su tema de sa calidade de s’ambiente e de su territòriu siat semper istada una de is punnas printzipales de s’amministratzione sua, impignada a donare rispostas de significu e puntuales a cumentzare dae su programma de su mandadu amministrativu. Totu su progetu si podet iscarrigare dae su giassu internet ufitziale de sa Comuna.

Casteddu, si ponet in lughe commente unu faru de abbonidade in sa Sardigna de oe. S’urtimu esamene de sos elementos chi at frunidu su Dipartimentu de sas finantzias de su Mef, contat chi custa cittade incantadora est supra de sa lista po redditu mesanu,annodditandesi commente s’unica in sa regione chi tenet unu redditu mesanu pius
fungudu de sa media natzionale. Bell’e gai, custa realtade luminosa est accumpanzada dae umbras de differentzias de accolomia, commente evidentziadu dae sa situassione de Carbonia, sa cale, a su contrariu, est sa cittade pius male posta po su redditu.

In su cuadru de s’accolomia chi b’est in sas dichiaras de sos redditos de su 2023 chi faghent riferimentu a sos redditos de su 2022, bessint a pizzu differentzias importantes in s’accolomia de sa Sardigna e de tottu s’Italia.
Bell’e chi una creschida bassa de s’accolomia, su redditu mesanu supra su cale si pagant sas tassas in Sardigna, est de 19.411,35 euros, registrande unu creschimentu de su 4,4% supra de s’annu passadu. Bell’e chi custu creschimentu est sutta de sa media natzionale, chi marcat unu pius fungudu 7,4%, e est attesu meda dae sos datos de sa Lombardia, chi est sa prima po redditu mesanu in pius, po donzunu, cun d’unu +10,8%.

In d’unu cunfruntu a livellu natzionale, sa Sardigna si ponet a metade de sa lista po redditu mesanu, ma cando si cunfruntat cun sa Lombardia, sa distanzia est pius evidente: su redditu mesanu de sa Sardigna est solu su 72% de cussu de sa Lombardia. Custa differentzia, mancari non siat unu ispantu, po Mauro Carta, presidente de sas Acli regionales de sa Sardigna, est una porfia de s’accolomia totta de affrontare.

Sos meccanismos regionales non sunt solos, ma si reflettent in su cunfruntu natzionale. Mentres sa Calabria est a sos urtimos postos de sa lista po redditu mesanu, regiones commente sa Provintzia autonoma de Bolzano, su Lazio,s’Emilia Romagna e su Piemnote, sunt a sos primos postos cun redditos po donzunu pius artos de 24.000 euros.

Bell’e chi sos isforzos po sa creschida de s’accolomia, sa creschida de su redditu mesanu in Sardigna est de sos pius modestos, cun solu sa Liguria e s’Umbria chi tenent una creschida pius bassa cun su (+3,9%). Sas regiones
cun sa creschida pius arta sunt sa Lombardia, su Lazio e sa Valle d’Aosta, mancari custa creschida siat bistada giai mandigada dae su creschimentu de sos pretzios.

In pius, sos istudios supra su redditu dispostu de sas famiglias chi consumant, evidentziant una realidade meda pius cumplessa. Sa Sardigna est a su postu 14 supra de 20 regiones, cun d’unu redditu disponibile po donzunu chi est solu s’84,9% de cussu de s’italianu mediu. Custu cheret narrere chi mentres un’italianu mediu tenet apparitzadu 100 euros po sas ispesas, unu sardu mediu nde tenet solu 84,9.

Custos datos non solu mustrant unu retrattu de s’accolomia de sa Sardigna, ma pesant puru chistiones de sa sociedade e de s’accolomia importantes meda, chi dimandant una particulare attentzione dae parte de su Guvernu e de sa sotziedade tzivile. Sa frorentzia de Casteddu est de certu unu faru luminosu, ma est puru un’invitu po considerare e affrontare sas porfias de s’accolomia chi tambene trumentant medas atteras zuras de sa Regione.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22