Ogna istade in Ussassa si aparitzat un’eventu de meda importu e isetadu dae totus. Sa protagonista de custu acontessimentu est sa “corcoriga”, chi benit presentada a is abitantes de sa bidda e a is turistas in ghetos diferentes e chi donat s’iscusa pro andare a bisitare custu tzentru montanu galanu. Sa Festa de sa Corcoriga est aparitzada in ocasione de sa luna manna de su mese de cabudanni e est istada pensada dae sa Comuna de Ussassa in collaboratzione cun sa Pro Loco, cun su Bancu de Sardigna e cun s’Assòtziu Tempra Arrùbia. Una die sola de festa, duncas, ma carca de emotziones: su 15 de cabudanni. S’at a printzipiare a is 9 e mesu de mangianu cun s’espositzione de is corcorigas traballadas e cuncordadas a totu dovere. A is 10 chie dd’at a bòllere at a pòdere andare a bisitare is sitos archeològicos de su tzircùitu. A pustis pràngiu ddoe at a èssere su cuncursu de sa “Sa Crocoriga Folada”. A is 17 s’at a connòschere su nùmene de su binchidore de su cuncursu chi at a èssere premiadu. Sa festa s’at a concruire cun sa cumpangia teatrale “Fueddu e Gestu”, chi a is 21.30 at a presentare un’ispetàculu fatu de dansa e de poesia.

Notte de maghia a s’unipol Domus: su Casteddu dominat su Verona.

Una serana de incornissare po su Casteddu e sos tiffosos suos. Sapadu sero s’Unipol Domus si est revertida in d’unu teatru de emossiones, inube sos ruju e blau ant dadu vida a una prestassione de macchine contras su Verona, fatta de intensidade, calidade e personalidade manna. Una partida chi at addurare istampada in sa memoria de su pubbricu casteddaju pro su giogu espressadu e su tremesu mustradu dae s’isquadra.

Fintzas dae sos primos mamentos su Casteddu at leadu in manos su pallinu de su giogu, pressande in artu e apprettande sos veronesos a si difendere. S’isquadra at mustradu ideas craras, movimentos lestros e una cumpattesa manna intre sas partes, dande s’impressione de potere corpare in cale si siat mamentu. Su goal de su vantaggiu, arrivadu in su primu tempus, at premiadu una manovra lurinosa e bene fraigada, faghinde iscoppiare s’istadiu.

Prima de sa fine de su primu tempus est arrivadu fintzas su secundu goal, cun d’una giogada ispettaculare chi at azzessu in manera deffinitiva sa galabera de s’istadiu. Unu goal cona de sa serana, capatze de arregare tennica, corazu e calidade, chi at mandadu su Casteddu a si pasare cun d’unu vantaggiu meritadu e su controllu prenu de sa partida.

In su secundu tempus sos ruju e blau non ant minimadu su ritimu. Antzis, ant sighidu a ispinghere cun determina,approffittande fintzas de sas difficultades de su Verona, chi fuit adduradu in deghe omines. Su Casteddu at controlladu sa boccia cun maduridade,cambiande defensa e attaccu, chentza mai dare s’impressione de cherrere amministrare su risurtadu.

Commente passaiant sos minudos sunt arrivados atteros duos goals, fruttu de cuncentratzione e de frittesa, chi ant serradu in manera deffinitiva sos contos e revertidu sa partida in d’una festa bera pro su pubbricu de domo. Donzi retza est bistada accollida cun d’unu sderroccu, accumpanzadu dae su attinu de abbaidare una de sas prestassiones prus accabbadas de s’istagione.

Addia de su risurtadu, a corpare est bistadu s’ispiritu de s’isquadra: unu Casteddu unidu, cravosu, capatze de si azzuare e sacrifficare, ma fintzas de divertere e si divertere. Una bittoria chi dat cunfiantza, morale e cunfirmat sa creschida de sa truma, mandande a daenantis cun fortza sas ambitziones ruju e blau.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22