Sa Troppa Tattari torrat in Libano: sue de battoro mandados a sa ghia de su logu Ovest de Unifil.

In su mese de martu sa Troppa Tattari at a tennere pro un’attera borta unu rolu tzentrale in sa bista internatzionale, ghiande sue de battoro incarrigos in Libano pro s’incarrigu UNIFIL. Sos Dimonios sunt bistados giammados pro ghiare sa parte italiana e conduire su Logu Ovest, una parte importante meda de s’apparitzu de sas Natziones Unidas posta in sa Blue Line, sa linia chi iscropat s’iscrocca libanesa dae cussa israeliana e chi est unu de sas affrontaduras prus bischidas de su Mediu Oriente.

Pro sestare tottu s’operassione bi at essere su generale Andria Fraticelli, chi at a cordinare una fortza multinatzionale de casi 2.800 Caschi Blu . Est unu apparitzu complicadu e padriu, incarrigadu de garantire firmesa in d’una zura chi istoricamente est esposta a tesonese e accreschimentos de repente.

Su contribbudu italianu at essere de milli sordados, cun d’una presentzia de signifficu de pessonale de sa Troppa Tattari, chi at esser sa mettade de sos italianos. Sa partecipassione at a tennere assettios de fundamentu comente su Cumandu de Troppas, su 152° Unidade de Fanteria, s’Unidade Logistica, su 5° Zeniu Isconzadores e su 45° Setzione Cumandu e Accottu Calculadu, elementos netzessarios po assigurare capatzidade operativa, accotzu tennicu e cordinamentu in su terrinu.

S’incarrigu at a tennere comente puntu de arrivu prioritariu s’attuatzione de sa Risoluzione 1701 de su Cunsizzu de siguresa de s’ONU, po poderare sa fine de su fogu, prevennere atteras inimigantzias e diffendere sa populatzione tzivile. Sa torrada de sos militares sardos arribat pustis de unu mandadu cabidianu delicadu meda, sinzadu dae una fase de tesone forte intre sas militzias de Hezbollah e s’esercitu israelianu, in su mentres de sa cale sa Troppa si est movida in d’unu cuntestu de istabbilidade manna.

Cun custa responsabilidade nova, sa Troppa Tattari cunfirmat s’esperientzia sua in sos logos internatzionales prus cumplicados, affortigande su contribbudu italianu a sa siguresa de tottus e affortigande su rolu de sas Fortzas Armadas comente mesu de firmesa e coperassione in zuras importantes po s’ecchilibriu de tottu su mundu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22

Sos  tres mastros mannos de su tzinema sardu:identidade e memoria supra s’ischermu mannu.

Intre sos registas sardos prus famados e de signifficu bi sunt Gianfranco Cabiddu, Sarbadore Mereu  e Enrico Pau, tres personalidades differentes po formassione e istile ma postas impare dae su disizu de contare s’isula in sa cumplessidade sua, binchinde friguras de su folklore. Su tzinema insoro at dadu unu contribbudu detzisivu pro fraigare unu contu modernu de sa Sardigna, capatze de faeddare cun sa bista natzionale e internatzionale.

Gianfranco Cabiddu est cussideradu unu de sos ispegilizatores de su tzinema sardu de oe. Sa carriera sua si distinghet po s’attentzione a sa mannesa culturale e litteraria, addia chi po unu ligonzu forte cun sa musica e su teatru. Operas comente Disamistade ant accomettadu temas chi pertoccant a s’istoria de s’isula in manera funguda, comente sa vinditta e sos codices de onore, apparande una mirada critiga ma mai subrana. Cun

La stoffa dei sogni, ambientadu in s’Asinara e ispiradu a Shakespeare, Cabiddu at mustradu sa capatzidade de fundere connottu e universalidade,alcansande reconnoschimentos importantes e candidandesi a premios natzionales. Su caminu artisticu suo est ligadu fintzas a sa frigura de De Andrè. Sarbadore Mereu est invetze una boghe prus deretta e de su tempus nostru. Su tzinema suo est a s’ispissu deffinidu reale e intimu, capatze de contare sa Sardigna dae sas foranias de sas tzittades, de sos zovanos e de sas trasformassiones sotziales.

Cun Ballo a tre passi at tentu unu sutzessu de critica mannu abberu, mentres Bellas Mariposas at conchistadu su pubbricu e sa critiga gratzias a unu limbazu novu e una contassia chi chi ponet impare unu eja e unu no dillezu e dramma. Mereu impittat a s’ispissu su sardu e attores chi non lu faghent po tribagliu, seperu chi dat berteresa e fortza de signifficu a sos films suos.

Enrico Pau si annodittat po un’istile prus poeticu e pensamentosu, deffinidu dae un’attentzione particulare a sa memoria, a sa mannesa de sas feminas e a s’istoria de s’isula. Cun l’Accabbadora at giuttu supra s’ischermu una frigura simbulu de su connottu sardu, accomettande temas diligos cun sensibilidade manna. Su tzinema suo si movet intre realidade e bellesa, apparande bistas cadrias e contos fungudos chi iscumbattant s’identidade de donzunu e de tottus.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22