Sos Issohadores de Mamujada: miradores de su connottu de su Carrasegare sardu.

In Mamujada, tzentru pitticcu de sa Barbagia in Sardigna, su Carrasegare no est solu una festa, ma unu ritu chi affundat sas raighinas suas in su connottu de seculos. Intre sas friguras prus ammaghiantes de custas tzelebrassione bi sunt sos Issohadores, friguras tipu chi mustrant su ligonzu intre cultura, comunidade e iscromba de su Carrasegare sardu.

Sos Issohadores tenent sa faina de acciappare sos partetzipantes e los ghiare a sa banda de sa festa. Bistidos cun bistires de su connottu e a s’ispissu accumpanzados dae caratzas de suerzu o pedde, contant s’ordine e su controllu in su mentres de sas isfiladas,incanalande sa fortza de su Carrasegare e garantinde chi su ritu si fettat secundu regulas antigas.

Sa funtzione insoro no est solu pratiga, ma fintzas ideale. In su tempus passadu, sos Issohadores fuint cussiderados friguras chi “arressaiant” e diffendiant sa comunidade dae sos perigulos e dae sos ispiritos malos, accumpanzande su populu a sa banda de unu mudamentu de tottus po mesu de sa festa. Sos Issohadores sunt ligados meda a sos Mamuthones, un’attera frigura conica de su Carrasegare de Mamujada.

No esistit un’Issohadore chentza unu Mamuthone o a s’imbesse: si movent imparis in sas carrelas de sa bidda, creande unu ritmu e unu faeddu intre caratzas e movimentos chi faghent divennere s’isfilada una cosa uniga. Mentres sos Mamuthones, cun sas caratzas insoro de linna trina e sos marratzos supra sas palas, mustrant sa fortza e su connottu, sos Issohadores los accumpanzant e los ghiant, teninde ecchilibriu e controllu supra sa zente.

Oe, sos Issohadores sighint a essere attores de sas tzelebrassiones de Mamujada, movindesi in sas carrelas de sa bidda imparis a sos Mamuthones e cun atteras caratzas de su connottu, intre funes, manteddos decorados e movimentos fattos impare. Sa presentzia insoro testimonzat sa continuidade chi aunit arte, istoria e comunidade, e chi attirat bisitadores dae tottu sa Sardigna e dae forastigu.

Miradores de unu ritu, ma fintzas de sa capatzidade de sa comunidade de trasmittere balores, memoria e identidade culturale intre sas ingendras. Sa frigura insoro nos ammentat cantu su connottu populare potat essere bivu e attivu, e cantu siat importante de lu allocare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22

Mortoriu pustis de sa festa, un’omine de 26 annos cundennadu a 14 annos po su mortoriu de Assemini.

Si serrat cun d’una cundenna a 14 annos de presone su protzessu a carrigu de s’omine de 26 annos chi aiat cunfessadu su mortoriu de Alessandro Cambuca, s’omine de 27 annos mortu cun paritzos corpos de burteddu in su mese de Santu Aini de su 2024 in Assemini, in sa tzittade metropolitana de Casteddu. Su mortoriu fuit bistadu fattu intro de una domo inube su mortu e su chi l’at mortu fuint passande sa notte imparis cun atteros amigos, pustis de essere bistadosa sa festa de santa Greca in Decimo. Unu seru de festa chi si fuit trasformada in disgrassia in sas oras imbenientes a su cuccurale de una briga chi fuit finida cun s’affraccada mortale.

Sa sententzia est bistada fatta a s’accabbada de su protzessu tzelebradu in accurtziadu. In su cursu de s’urtima audientzia, in sa reprica, su Pubbricu Ministeru aiat dimandadu de dare un cundenna prus bassa, dae 17 annos e 4 meses a 14 annos e 8 meses. Su zuighe at istabilidu una pena de 14 annos de presone, riconnoschinde a s’imputadu sas abbrandadas cumpressivas.

Intre sos elementos cussiderados po sa detzisione bi sunt bistados sa cunfessione fatta dae su zovanu fintzas dae su primu mamentu e s’azzudu dadu a sos iscrucculladores, chi aiat permittidu de acciappare s’arma impittada po bocchire Alessandro Cambuca. Unu comportamentu chi at fittadu supra sa balutatzione de sa posissione sua in su protzessu. In su mentres de su dibattimentu, sa defensa aiat bogadu a pizu sa chistione de unu possibbile vissiu de mente a su mamentu de su mortoriu, presentande una perissia de parte secundu sa cale s’imputadu diat aere fattu in su mentres chi non fuit capatze de cumprendere e de bolere.

Una visura chi est bistada discutida in aula e at a podere essere oggettu de atteras balutatziones in sos atteros protzessos chi si ant a faghere.
Como si isettat su depositu de sas resones de sa sententzia, coladorzu de fundamentu po cumprendere in particulare sas resones chi ant giuttu a custa pena. Solu pustis de aere esaminadu sos motivos, sa defensa at a detzidere si presentare appellu contra sa cundenna de primu gradu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22