Sa rassigna  “Miradas in su presente” (Sguardi sul presente) firmada dae “Rossolevante” est lòmpida giai a sa de sete editziones. Sa cumpangia teatrale tortoliesa proponet pro custu atòngiu bator ispetàculos galanos, in iscena pro prima in su Teatru Santu Frantziscu de Tortolì e in fatu (dae su mese de idas) in Lanusè.  S’incumentzat sàbadu 15 de cabudanni cun s’ispetàculu “Stop Making Sense”, firmadu dae Juri Piroddi e dae Silvia Cattoi, segunda parte de su progetu teatrale “In movimentu” (In movimento), dedicadu in custu casu a sa disabilidade. Sàbadu 22 de cabudanni (a is 20.45) in su palcu de su Santu Franatziscu at a èssere su regista famadu  Ennio Ruffolo chi, in collaboratzione cun Fabio Fiandrini, at a presentare a su pùblicu “Love car”: in intro de una vetura ant a èssere propostos a is ispetadores temas dìligos comente cussu de s’eutanasia. Su de tres ispetàculos est prevìdidu pro sa meritzada de domìniga 30 de cabudanni. A is 19.00, difatis, at a andare in iscena “The shit”, òpera degli de is atores e registas Cristian Ceresoli e Silvia Gallerano, chi s’annùntziat giai de grandu efetu iscènicu. A serrare sa rassigna “Miradas in su presente 2012” (Sguardi sul presente 2012) at a èssere su 28 de ladàmene a is 19.00 s’ispetàculu de Giuliana Musso “Sa fàbrica de is prèides” (La fabbrica dei preti), un’iscumbata teatrale fata in pitzu de sa vida de unos seminaristas de is annos Chimbanta. Duncas un’atòngiu prenu de adòbios cun su teatru de calidade. Nois no amus a mancare!

Cun s’arrivu de s’ istagione turistica noa, s’attentzione est posta supra su comune de Tortolì, chi at annunziadu cun galabera meda sa torrada de msos viazos de su Trenu Birde istoricu de sa Sardigna in s’ispantosu camminu Arbatax-Tortolì-Lanusei.

Custa initziativa est un’occasione unica in sa zenia sua, po iscumbattare sas bellesas de sa Regione in manera ammaghiante. Su Trenu Birde est unu bera e propia prenda, una gianna po unu viazu in su tempus passande in mesu a bistas chi che bogant s’alenu e testimonzas istoricas chi ammaghiant e incantant.

Partinde dae su 14 de lampadas, su trenu ad a torrare a pigare sos viazos, apparande a tottus sa possibilidade de bivere sa maghia de custa esperientzia. Ma sas novidades non finint inoghe: cust’annu, in pius de sas cursas regulares in su fine de sa chida, sa chenapura e sa dominica, si sunt baludande atteros isseberos de viaos a nolu.

Custa moddesa at a permittere de assulenare sas esigentzias de sos bisitadores e de arricchire de pius s’esperientzia totale de sos turistas chi disizzant de iscumbattare sa Regione nostra in manera pius personale e istuvuccada.

Su sutzessu de custa initziativa est su risurtadu de un’impignu leadu dae tottus e de una bisione cumone. Su Comune de Tortolì espressat unu ringratziamentu sincheru a tottu cussos chi ant permittidu custu servitziu: dae su direttore generale de s’ARST, Carlo Poledrini, a su Presidente de sa Fundatzione Elso Rei, a sos sindicos de s’iscrocca e a sos membros de sa matessi Fundatzione. Est bistadu gratzias a s’impignu custante insoro e a s’attentzione insoro a sas esigentzias de sa comunidade e de sos chi tribagliant in su campu de su turismu, chi semus capatzes de apparare custa istravanada occasione de viazu.

Un’atteru afficcu de nodare est sa nomina dae pagu tempus de Segretariu de sa Fundatzione Trenu Birde istoricu de sa Sardigna, de su sindicu de Tortolì, Marcello Ladu. Custu riconnoschimentu evidentziat s’impignu de sa tzittade po favoressere e preservare custu patrimoniu culturale unicu, garantinde sa continuidade e s’isviluppu benidore.

Imbidamos tottu sos appassionados de viazos e de sa bellesa naturale a iscoperrere sas meravizzas de su percursu de su Trenu Birde. Custu viazu, promit de essere un’esperientzia chi non si podet ismenticare, permittinde a tottus de si affundare in sa bellesa e in s’istoria de sa Sardigna, in manera unica e ispantosa. Addurade prontos a bos faghere incantare dae sas bistas claras chi che bogant s’alenu e dae sas emossiones chi solu unu viazu cun su Trenu Birde podet donare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22