Accòrdu Istadu-Regione: si serrat sa contierra subra de sas intradas, in arribbu 1,39 miliardos pro sa Sardigna.

Est bistadu firmadu s’accòrdu chi ponet fine a sa contierra longa intre sa Regione Sardigna e s’Istadu subra de sas tassas  devidas a s’Ìsula. A pustis de annos de contierra e unu tribagliu tènnicu-zurìdicu cumplessu, s’accordu assinzat a sa Regione 1 miliardu e 390 milliones de èuros ispartidu in sos  battoro annos imbenientes.

Sa bortada est arribada a pustis de un’addobiu in Roma intre sa presidente Alessandra Todde, s’assessore a su Bilanciu Zuseppe Meloni e su ministru de s’Accolomia Giancarlu Giorgetti.

Pustis est bistadu cunvalidadu su documentu tènnicu chi serrat sas cosas pendentzias pro sa simana 2010-2024 chi accansat fintzas sos primos annos benidores, serrande  una contierra totale istimada in casi 1,7 miliardos.

S’accòrdu prenettat in prus s’abertura de duos cussìzzos tènnicos: unu pro deffinire cun pretzisione sos fundorios de su capìtulu 1200 de su bilanciu istatale, in manera de  iscansare  gherras novas in sos annos benidores; s’àteru dedicadu a su tema de s’insularidade, cun s’intentu de istabilire sos mecanismos cumpensativos de sa perdida  de fundamentu de sa Sardigna. Pro custu campu  si prenettant 100 milliones in prus pro donzunu de sos duos annos a pustis de s’intesa.

Subra de su pranu finantziàriu, sa Regione at alcansare 850 milliones de èuros a cumpensu de sos azzudos fiscales creschidos fintzas a su 2024. S’ispartidura at a èssere partzida cun d’una prima cuota importante in su 2025, sighida dae contribbudos donzi annou fintzas a su 2029.

A custa summa s’agiunghent àteros 170 milliones a s’annu pro duos annos a pustis de sa firma. In su mentres, ant a èssere torrados a attivare sos cunsizos giai creados pro aggiorronare sa cantidade de sos costos de s’insularidade e deffinire sos fundorios novos de partetzipatzione a sas tassas istatales balidas dae su 2027.

S’intesa afortigat fintzas sa capatzidade operativa de s’amministratzione regionale. Sunt autorizadas assuntziones a tempus subrasseidu pro unu màssimu totale de 32 milliones, destinados a sa Regione e a s’Agenzia Forestas pro atividades de prevenzione de sos fogos, controllu de s’iscrocca e protetzione tzivile, chentza fittare  sas laccaneras de ispesa. Est in prus prenettada una deroga a sos vìnculos de assuntzione, cun màrghines allargados fintzas a su 2028 e una torrada a sos modellos normales in sos annos imbenientes.

Attività realizzata con il contributo della Regione Sardegna – IMPRENTAS 2024- 2025.LR22/2018, art.22”

Ulassai si preparat a sa Biennale de arte de custos tempos.

Ulassai si preparat a accasazare un’edissione nova de sa Biennale de arte de custos tempos, un’addobiu culturale chi in sos urtimos annos est assuminde unu rolu semper prus importante in sa bista artistica de sa Sardigna. S’abbenimentu at a partire su 21 de martu, revertinde pro paritzos meses sa bidda ozzastrina in d’unu logu de addobiu pro artistas, istudiosos, appassionados e bisitadores chi arribant dae donzi parte de s’isula e non solu.

Mustras, istallatziones, addobios e mamentos de cunfrontu ant a animare sos logos de sa bidda, apparande a su pubbricu s’occasione de si accostare a s’arte de custos tempos e de iscoperrere limbazos creativos novos. Sa Biennale est dedicada a sa frigura de Maria Lai, una de sas prus importantes artistas italianas de su Noighentos e ligada in manera funguda a sa terra sua de issida. Ulassai est difattis sa bidda in sa cale s’artista est naschida e inube at dassadu unu signu forte meda pro mesu de paritzas operas chi negossiant cun sa bista e sa comunidade.

S’edissione de su 2026 de sa Biennale at a tennere comente tema sa lettura de un’opera de arte. S’intentu est cussu de cumbidare su pubbricu a abbaidare sas operas cun meda prus attentzione, chircande de cumprendere sos signifficos e sos nuntzos. Sa derettura artistica de s’abbenimentu est intregada a Gianni Murtas,
cun sos curadores istranzos Giannella Demuro, Ivo Serafino Fenu e Francesca  Sassu. Su tribagliu insoro at giuttu a sa creatzione de unu programma chi ponet impare artistas e operas capatzes de faeddare cun s’iscrocca, cun s’istoria de sa bidda e su pensamentu artisticu de Maria Lai.

A sa Biennale ant a partetzipare prus de vinti artistas chi arribant dae tottue, donzunu cun su propriu limbazu e sa propria chirca. Sas operas ant essere ispartas in paritzos logos de sa bidda, non solu in logos museales ma fintzas in atteros logos culturales e in carchi zura in fora.Custu at a permittere a sos bisitadores de iscoperrere Ulassai: sa Biennale est fintzas un’occasione importante po balorizzare s’iscrocca de s’Ozzastra e favoressere su turismu culturale.

Manifestassiones comente sa Biennale mustrant comente sas biddizolas potant divennere logos de interessu culturale mannu cando resessint a balorizzare s’identidade e su patrimoniu propriu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22