Bandidos e Balentes 2:sa Sardigna torrat interprete de s’ischermu mannu.

Pustis de aere binchidu 191 premios internatzionales e su riconnoschimentu de sa critiga in New York, Manuel Mulas torrat a contare sa Sardigna cun sa secunda parte de su cult suo “Bandidos e Balentes. Su codice no iscrittu”. Su capitulu novu si intitolat “Bandidos e Balentes 2. Sa resa de sos contos” e promittit de affundare sos ispettadores in d’unu thriller fattu de corazzu, faidas e bistas chi che bogant s’alenu.

Sos primos ciak ant essere su prossimu beranu, cando sa Sardigna si bestit de sos colores pius cadrios suos. Intre sos logos seperados, logoso chi parente bessidos dae una cartolina: su Parcu Natzionale e sa Zura diffendida de s’Asinara, sa Barbagia de Ollolai, su buscu de Burgos in su Goceano, e de sicuru Bono, bidda in sa cale est naschidu Mulas.

Su film rucrat 50 annos, dae sos annos 50 a sos annos 70 fintzas a su 2000, po contare sa tesone intre sos zovanos Bandidos e sas animosas Balentes.Leande ispirassione dae istorias beras, Mulas fraigat unu contu riccu de corpos de iscena e momentos de istress, accumpanzados dae su pop rock de sa band nugoresa Ammerare.

Su cast at essere casi de siguru tottu fattu dae attores chi non lu faghent po mestieri: caras autenticas de sa Sardigna e de sa Campania, intre sos cales Zuseppe Tanda, pesadore zovanu de Benetutti,interprete mascrinu. No mancant riconnoschimentos a boghes mannas de s’isula comente Maria Carta e Andrea Parodi, e puru momentos curiosos de isteddas internatzionales gratzias a su meta tzinema.

“No cherzo contare sa Sardigna de sos logos comunes supra sos bandidos e sos sequestros” narat Mulas. Cun su primu film aiat giai surpresu su mundu de su tzinema indipendente, binchinde in New York e poninde sa Sardigna sutta sas lughes internatzionales. Su sequel promittit un’abbentura chi aunit istoria, dramma e bistas unicas: unu biazu in su coro de sa Sardigna, intre corazzu, connottu e misterios de iscoberrere, inube donzi corongiu e donzi buscu divennint parte de un’istoria cadria e unica.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Continuidade de s’iscrocca, billettos a pagu preziu fintzas po sos familiares de sos chi bistant in Sardigna.

Si podent comporare da oe sos billettos in continuidade de s’iscrocca riservados a sos familiares de sos chi bistant in Sardigna. Sa novidade est po su sistema de pesos de servitziu pubbricu chi regulat sos collegamentos aereos da e pro s’isula e accreschit su numeru de pessonas chi podent godire de sos pretzios aggevolados.

Sos billettos si podent comporare po sos bolos dae su 29 de martu, die in sa cale at a bintrare in fortilesa su sitema novu de sa continuidade de s’iscrocca. Cun custu seperu sa Sardigna reconnoschet su dirittu de biazzare a pretziu bassu, non solu a chie bistat in s’isula, ma puru a chie, mancari bivat in d’unu atteru logu, tenet unu ligonzu istrintu cun chie bistat in Sardigna.

S’assessora regionale a sas Carraduras Barbara Manca at nadu chi si trattat de unu passu in daenantis importante meda pro itte affortigat su cuntzettu de continuidade de s’iscrocca e tenet contu de su balore de sas famiglias in d’una iscrocca de isula comente sa Sardigna. Su risurtadu est fruttu de su tribagliu leadu a daenantis dae sa Regione Autonoma de sa Sardigna impare cun su Ministeru de sas Infrastrutturas e de sas Carraduras e sa Cummissione Europea, rispettande sas regulas europeas po sos collegamentos garantidos dae s’Istadu.

Ant a podere godire de sos pretzios aggiudados, cun d’unu accreschimentu minimu in cunfrontu a cussos istabilidos po sos chi bistant inoghe, ma cun d’unu pretziu massimu giai istabilidu, sos parentes fintzas a su terzu gradu. At a serbire a fizzos, babbos e mamas, frades e sorres, giagios e nepodes,tios e atteros nepodes. S’azzudu balet fintzas po maridos e muzzeres e po sos fizzos de sos famigliares chi tenent dirittu a s’iscontu.

Sa misura punnat a alcansare chie at dassadu sa Sardigna po motivos de tribagliu o de istudiu ma sighit a mantennere unu ligonzu forte cun s’isula, gai comente sas famiglias chi bivent partidas intre regiones divressas. S’intentu est de faghere divennere prus simple e prus pagu caru su viazu po chie depet torrare a domo pro motivos famigliares.

Sa cabuda de sos billettos a pretziu bassu affortigat duncas su dirittu a si podere movere in d’una regione chi po sa posissione geografica sua depet faghere sos contos cun collegamentos prus cumplicados e caros in cunfrontu a atteras zuras de s’Italia, azzuande non solu sos chi b’istant ma fintzas sas famiglias insoro.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22