Sos tres museos de sos cales non si podet perdere s’occasione de los bisitare in Sardigna: unu viazu in s’istoria, s’arte e identidade de s’Isula.

Sa Sardigna est una terra ricca de bellesas naturales, connottu millenariu e unu patrimoniu culturale istravanadu. Addia sas plajas suas chi sunt de cartulina, s’isula apparat fintzas una bista museale abberu manna, chi permittit de iscoperrere sas raighinas suas pius fungudas. Accò tres museos chi non si poden perdere po chie disizat de connoschere s’animu pius beru de sa Sardigna.

Museu Archeologicu Natzionale de Casteddu – Casteddu

Accontzadu in su coro de sa capitale sarda, intro de sa Tzittadella de sos Museos, su Museu Archeologicu Natzionale de Casteddu est su museu pius importante de sa Sardigna po cantidade e calidade de sos oggettos. Su caminu espositivu ammuntat unu tempus longu meda, chi andat dae su tempus passadu attesu meda fintzas a s’edade Bizantina, cun d’una istravanada collessione de oggettos chi arribant dae sos nuraghes, intre sos cales bi sunt sos tzelebres Zigantes de Mont’E Prama, – Istatuas de pedra artas pius de duos metros, unicas in sa zenia insoro in su Mediterraneu.

Museu Etnograficu Regionale “Sa Corona Arrubia”- Lunamatrona

Accontzadu in sa Marmilla, in su sud de sa Sardigna, su Museu Naturalisticu de s’Iscrocca “Sa Corona Arrubia” est unu de sos logos culturales pius de importu po chie cherete iscoperrere su ligonzu fungudu intre omine, natura e connottu. Cuberradu in d’unu vraicu modernu intre sa bista de sa Giara, su museu proponnet unu viazu in sa cultura de sos massajos e pastores de sa Sardigna, cun apparadas cun sas cales si podent achere, fraigos novos de logos de campagna e buttegas po imparare.

Museu de su Costumene – Nugoro

Su Museu de su Costumene de Nugoro, oe connoschidu comente Museu De su Costumene e de su Connottu Populare Sardu, est una colada pretzisa po chie si cheret affungare in su connottu e s’identidade sarda. Est su pius importante museu etnograficu de s’isula, cun d’una collessione ricca meda de bestires de su connottu, prendas, pannos, istrumentos musicales, caratzas de carrasegare e oggettos chi si inpittant donzi die.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Sos  tres mastros mannos de su tzinema sardu:identidade e memoria supra s’ischermu mannu.

Intre sos registas sardos prus famados e de signifficu bi sunt Gianfranco Cabiddu, Sarbadore Mereu  e Enrico Pau, tres personalidades differentes po formassione e istile ma postas impare dae su disizu de contare s’isula in sa cumplessidade sua, binchinde friguras de su folklore. Su tzinema insoro at dadu unu contribbudu detzisivu pro fraigare unu contu modernu de sa Sardigna, capatze de faeddare cun sa bista natzionale e internatzionale.

Gianfranco Cabiddu est cussideradu unu de sos ispegilizatores de su tzinema sardu de oe. Sa carriera sua si distinghet po s’attentzione a sa mannesa culturale e litteraria, addia chi po unu ligonzu forte cun sa musica e su teatru. Operas comente Disamistade ant accomettadu temas chi pertoccant a s’istoria de s’isula in manera funguda, comente sa vinditta e sos codices de onore, apparande una mirada critiga ma mai subrana. Cun

La stoffa dei sogni, ambientadu in s’Asinara e ispiradu a Shakespeare, Cabiddu at mustradu sa capatzidade de fundere connottu e universalidade,alcansande reconnoschimentos importantes e candidandesi a premios natzionales. Su caminu artisticu suo est ligadu fintzas a sa frigura de De Andrè. Sarbadore Mereu est invetze una boghe prus deretta e de su tempus nostru. Su tzinema suo est a s’ispissu deffinidu reale e intimu, capatze de contare sa Sardigna dae sas foranias de sas tzittades, de sos zovanos e de sas trasformassiones sotziales.

Cun Ballo a tre passi at tentu unu sutzessu de critica mannu abberu, mentres Bellas Mariposas at conchistadu su pubbricu e sa critiga gratzias a unu limbazu novu e una contassia chi chi ponet impare unu eja e unu no dillezu e dramma. Mereu impittat a s’ispissu su sardu e attores chi non lu faghent po tribagliu, seperu chi dat berteresa e fortza de signifficu a sos films suos.

Enrico Pau si annodittat po un’istile prus poeticu e pensamentosu, deffinidu dae un’attentzione particulare a sa memoria, a sa mannesa de sas feminas e a s’istoria de s’isula. Cun l’Accabbadora at giuttu supra s’ischermu una frigura simbulu de su connottu sardu, accomettande temas diligos cun sensibilidade manna. Su tzinema suo si movet intre realidade e bellesa, apparande bistas cadrias e contos fungudos chi iscumbattant s’identidade de donzunu e de tottus.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22