Maria Alessandra Pelagatti est sa femina sarda 2025: una carriera a su servitziu de sa zustissia.

In sa die dedicada a sas feminas, s’8 de martu, Maria Alessandra Pelagatti est bistada signalada cun su titulu de Femina Sarda 2025. Sa tzerimonia, apparada dae su Lions Club Lioness de Casteddu, est bistada fatta in s’Aula de su Cunsizzu Comunale de Palattu Bacaredda, inube
zuighes, autoridades e tzittadinos si sunt postos impare po tzelebrare su percursu suo proffessionale e umanu.

Su premiu Femina Sarda 2025 li est bistadu dadu po s’impignu suo in sa tutela de sa legalidade. Su motivu, fittadu supra sa targa chi li est bistada dada intre sa tzerimonia, at evidentziadu sa dedissione sua po sa zustissia,mentovande fintzas unu diciu de Winston Churchill:”Sas lezes sunt sas raighinas de sa vida in comune tzivile nostra.”

In sa die de sa Festa de sa Femina, Pelagatti at cherfidu ammentare duas figuras de fundamentu in su caminu suo: Maria Cocco, sa deputada sarda
chi in su 1963 fit bistada sa prima a firmare sa leze chi at abbertu sas giannas de sa zustissia a sas feminas, e babbu suo, chi l’aiat animada a istudiare Giurisprudentzia in d’unu momentu de s’istoria in su cale sa presentzia de sas feminas in custu logu fit ancora predissada.

Addia su tribagliu suo po frimmare sa criminalidade, Pelagatti at favoressidu s’insertamentu de zovanos laureados in sas materias de zustissia e accolomicas intro de sa procura de Casteddu, apparande po issos una dischentia de ses meses po arricchire sa formatzione insoro. Un’initziativa chi est bistada un’occasione importante meda po medas zovanos sardos.

At in pius rennovadu sos appitzigos intre sa Magistradura e s’Istampa, introduinde maneras noas de comunicatzione po abbilantzare su dirittu a
s’informatzione cun sa tutela de sas scruccullas. In su mentres de sa tzerimonia, Pelagatti at fintzas accommettadu sa situatzione diffitzile de oe de sos zuighes, chi medas bortas sunt accusados de essere in mesu de sa politica.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Sa Dea Mama: una de sas divinidades prus antigas de sa Sardigna.

Sa Dea Mama est una de sas friguras prus antigas e ammaghiantes de s’istoria de sa Sardigna. Si trattat de una divinidade feminina chi pro sas populassiones de sos tempos antigos mustraiat sa vida, sa naschida e sa saliosidade. Sos archeologos ant acciappidu medas istatueddas chi la mustrant in paritzos sitos de s’isulas, sinzu chi custa frigura teniat unu rolu importante meda in sa religione e sa cultura de sas comunidades antigas. Custos oggettos antigos sunt de mizza e mizza annos faghet, meda prima de sa tzivilidade nuragica.

Sas istatueddas de sa Dea Mama sunt casi semper pitticcas e fattas de terra cotta o in pedra. In casi tottus sas istatuas su corpus femininu est meda evidentziadu, cun tittas, bentre e costazos evidentziados. Custas formas non fuint unu particulare artisticu simple, ma teniant unu signifficu forte meda. Serbiant difattis a mustrare sa capatzidade de sa femina de dare sa vida. Pro sas populassiones antigas sa femina fuit bida comente una frigura sacra pro itte mustraiat sa naschida, sa creschida e s’andare a daenantis de sa comunidade.

In cussu tempus sa vida de sas pessonas fuit ligada a s’istrinta cun sa nadura. Sas comunidades biviant mescamente de laurantza e pesadura e dippendiant de su tottu dae sa saliosidade de sa terra.Si sos campos produiant pagu o si sos animales non proliffigaint, sa vida de sas biddas fuit in perigulu. Po custu motivu, sa saliosidade fuit cussiderada un’elementu de fundamentu e sa Dea Mama mustraiat propriu custa fortza de sa nadura capatze de ingendrare e nudrire sa vida.

Est probabbile chin sas istatueddas benzerent impittadas in su mentres de ritos religiosos o tzerimonias ligadas a sos mamentos prus importantes de sa vida de sa comunidade, comente sa semenadura, su regortu o sa naschida de sos pitzinnos. Pro mesu de custos ritos sas populassiones dimandaiant affianzu, bundantzia de sos regortos e primorosidade po sas biddas.

Sa Dea Mama fuit duncas bida comente una frigura amparadora chi garantiat s’ecchilibriu e su benessere. Intre sos oggettos prus connoschidos bi est sa Dea Mama de Turriga, un’istatuedda in terracotta de su terzu millenniu A.C. Sa frigura est bistada fatta sezzida cun sas manos supra de su bentre, unu gestu chi mustrat in manera crara su tema de sa maternidade e de s’ingendra de sa vida.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22