Una tzerimonia sulenne po sos 110 annos de sa Brigata Tattari. Sapadu manzanu, in sa curnisa ammajosa de Pratta de Italia, Tattari at onoradu sa Brigata Tattari, tzelebrande sos 110 annos dae sa costitussione sua. Unu abbenimentu carrigu de emossione e braga, chi at bidu sa partetzipassione de paritzas autoridades tziviles e militares, in mesu de sas cales sa Presidente de sa Regione Sardigna, Alessandra Todde, e sa viceministra a sa defensa, Isabella Rauti.

Presentes fintzas 100 tzittadinos, chi cun su calore insoro ant creffifu faghere de testimonzos cunfirmande de essere a curtzu e sa ingraentzia de sa comunidade sarda po sa Brigata, dae semper figura de balentia, sacrifitziu e dedissione.

Sa tzelebrassione at leadu unu signifficu fintzas pius fungudu pro itte sa Brigata Tattari est torrada dae pagas dies dae s’impignu Unifil in Libano, un’operassione de importu internatzionale mannu chi l’at bida impignada in d’unu logu meda chidrinu.

In su discursu suo, sa vice ministra Rauti at evidentziadu su rolu importante chi ant tentu sos sordados tattarinos in su controllu de s’impignu e de su cumandu in d’unu momentu cumplicadu meda po sa firmesa de cussu logu. Fintzas dae s’incumintzu, in su 1915, sa Brigata Tattari est bistada sa braga de sa Sardigna, distinghindesi po su valore suo in ambas sas gherras mondiales e in sos medas impignos internatzionales de paghe. Formada po sa parte pius manna dae zovanos sardos, est semper bistada nuntziu de sos balores de lealidade, onore e sentidu de su dovere, incarnande s’ispiritu chertadore e forte de sa terra sua de naschida.

Sa frase tzelebre sua in limba sarda, “Fortza Paris”, est divennida unu muttu chi unit sos tattarinos e totta sa Sardigna, signu de una fortza chi non si arrendet in daenanti a sas difficultades.

Sa tzerimonia est bistada unu momentu de consideru fungudu supra su rolu de sas Fortzas Armadas e su contribbudu chi sa Brigata Tattari sighit a apparare, non solu in logos de gherra, ma fintzas in operassiones umanitarias e de paghe.

Tattari at creffidu donare a sos omines e sas feminas suos in divisa, ammentande chi in daesegus de donzi operassione bi est unu sacriffissiu mannu meda, ma puru unu sensu de appartenentzia e dedissione a sa natzione forte meda comente fintzas a sa comunidade internatzionale.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Gorropu, su baccu pius devuccu d’Europa: ispettaculu nadurale inUrzulei.

A pagos kilomteros dae Urzulei, si abberit una de sas prendas naturales pius istravanadas de sa Sardigna: su Baccu de Gorroppu cunsiderada una de sas pius devuccas de Europa e intre sas pius mannas de su Mediterraneu. Cun trempas vertigales chi passant sos 400 metros de artaria e una larghesa chi in  carchi puntu arrivat a pagos metros, Gorroppu, apparat un’ispettaculu unicu a sos appassionados de trekking e nadura agreste.

Su baccu si acciapat intro de su Supramonte, un’iscrocca de bellesa chi non si podet creere e ricca de biodiversidade. S’intrada printzipale est dae Urzulei,po mesu de unu caminu intre elighes,orroalis e unu prantamine mediterraneu, tipicu de su Supramonte. Sa camminada, de casi tres kilometros intre andare e torrare, dimandat attentzione e unu minimu de preparatzione de su fisicu, ma donat bistas chi che bogant s’alenu e sa possibilidade de abbaidare castas raras de flora e fauna.

Gorroppu no est solu unu logu de balore mannu po sa nadura, ma puru culturale: in cussos logos si agattant testimonias archeologicas de su Neoliticu, comente tumbas de zigantes e biddizzolos nuragicos antigos, chi faghent divennere su logu unu puntu de addobiu intre nadura e istoria.
Po chie bisitat sa Sardigna, unu trekking a Gorroppu mustrat un’esperientzia forte, capatze de ponnere umpare adrenalina, bellesa de sa bista e accabussu in su connottu locale. Su baccu est fintzas unu modellu de sa netzessidade de sa tutela de s’ambiente: s’amparu de sas trempas, de sos caminos e de su prantamene a inghiriu est de fundamentu po garantire chi custu patrimoniu addureta cunservadu po sas ingendras de su tempus benidore.

Sa zura est atzessibile tottu s’annu, ma sos meses de beranu e de s’attonzu sunt ideales po su trekking, cando sas temperaduras sunt pagu cardas e sos turistas sunt pius pagos. Sas ghias locales apparant percursos siguros e devuccamentos.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22