Sapatu intrante, su Teatru Garau de Aristanis si at a trasformare in d’unu logu de emossiones cadrias e de memoria cundivisa, cuberrande “Abbratzande Chiara”, un’abbenimentu musicale e de poesia dedicadu a Chiara, sa pizzinna de 13 annos de Silì chi est disparida in manera drammatiga duos annos faghet.

S’arrisu de Chiara sighit a lutzigare in sos coros de sos familiares suos, de sos amigos e de tottu sa comunidade aristanesa, e custa serana cheret essere una manera po mantennere bivu cussu ammentu, revertinde su dolore in d’unu nuntzu de amore e isperantzia.

Sa tzerimonia, chi si at a tennere su 17 de frearzu a sas 20.30, naschet dae s’initziativa de su babbu de sa zovana, cun s’accottu de s’iscola media inube Chiara istudiaiat e de paritzas realidades artisticas e culturales de s’iscrocca. S’idea est cussa de creare un’abbratzu de tottus po mesu de sa musica e de sa poesia, apparande unu momentu de consideru e po istare imparis.

Sa serana at a biere puru sa partetzipassione de paritzos cussertos e ballumenes de musica de su logu, chi si ant acchidare supra su cataffale po dare vida a unu cuntzertu cadriu e prenu de signifficu. Donzi nota sonada e donzi versu retzitadu at essere unu tasseddu de unu musaigu emotivu, chi cheret tzelebrare non solu sa vida rugrada de Chiara, ma fintzas sa fortza de s’amore e de s’ammentu.

A faghere divennere fintzas pius cadria sa serana ant a essere sas poesias chi ant accumpanzare sos momentos musicales, creande unu faeddu fungudu intre sa musica e su sentidu, in d’unu percursu chi cumbidat su pubbricu a si frimmare, ascurtare e ammentare. No at essere solu unu cuntzertu, ma unu ritu beru e propriu tottus impare, in su cale tottu sa comunidade at a podere espressare su dolore suo, s’essere impare a sa famiglia de Chiara e sa voluntade de no ismentigare.

In su mudore chi bi at essere prima de donzi mustrada, su pubbricu at essere cumbidadu a meledare supra sa debilesa de sa vida e de s’importantzia de contivizare emossiones e accottu. Custu abbenimentu est unu ponte intre su passadu e su tempus benidore, una manera po revertire su dolore in isperantzia.

Sa partetzipassione a s’abbenimentu no at essere solu unu donu a Chiara, ma fintzas unu nuntzu potente: sa memoria de una vida zovana e lucorosa non si depet istudare, ma sighire a ispirare zestos de amore e attentzione a sos atteros.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Sa torrada de s’ora legale intre vantazos praticos e discumbenios pitticcos a s’incumintzu.

Cun s’arrivu de su beranu torrat fintzas una de sas mudas prus nodidas de s’annu. In sa notte intre sapadu 28 e dominica 29 martu sas lantzittas de sos relozos ant devere essere movidas a daenantis de un’ora. Custu determinat una notte prus curza e duncas un’ora de sonnu in mancus, mancari pro chie impittat telefoneddos e computer su coladorzu at essere in automaticu chenza deppere intervennere.

S’ora legale bi est in Italia dae su 1966. Est bistada fatta po irfruttare menzus sa lughe de su sole in sos meses de beranu e istiu, cando sas dies si allonghiant. Poninde a daenantis s’orariu si tenet prus lughe in sas oras de su sero, minimande gai sa netzessidade de impittare sa lughe artifitziale. Custa cosa battit beneffissios importantes.

Su primu est pro su risparmiu de energia, pro itte si azzendent prus pagu sas lughes in sas domos e sas tzittades, minimande gai sa netzessidade. Ma no est s’unica cosa positiva. Sas dies parent prus longas e custu cambiat fintzas sos imbitzos de sas pessonas. Si tenet prus tempus po istare in fora, po faghere attividade fisica oppuru pro si abbambiai pustis de su tribagliu o s’iscola. Fintzas sa vida sotziale nde tenet unu vantazu.

Non bisonzat peroe de s’ismentigare sas cosa prus pagu positivas. Sa muda de s’orariu podet creare carchi difficultade in sas primas dies. Carchi pessona s’intendet prus istracca,faghet fadiga a s’indischidare su manzanu o tenet problemas a si drommire su sero. Podent apparessire fintzas alteriosidade e difficultade a si cuncentrare. Sas pessonas prus sensibiles sunt a s’ispissu sos pitzinnos, sas pessones giai istraccas e chie tenet problemas de sonnu.

Pro issos, s’abesare dimandat carchi die in prus. Mancari custos problemas a s’incumintzu, s’ora legale sighit a essere impittada pro itte sos benefissios totales sunt cussiderados prus mannos. Pustis de pagas dies su numeru prus mannu de pessones si abbituat a s’orariu novu e torrat a incumintzare sas attividades chena problemas particulares.

Pro congruire, su coladorzu a s’ora legale est unu cambiu pitticcu chi dimandat unu tempus curtzu pro si adattare, ma chi apparat acchittos beros in sa vida de donzi die. Seros prus longos,impittu prus mannu de sa lughe naturale e sas opportunidades de bistare in fora faghent de custu tempus unu de sos prus appretziados de s’annu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22