Su DNA est pius resistente de cantu pensemmus: iscopertas novas revolussionant sa cumpresa de su genoma umanu.

Un’istudiu de pagu tempus faghet, pubbricadu supra de sa rivista Science at iscopiadu chi su DNA umanu tenet una resistentzia chi surprendet a sos cambiamentos istrutturales, agguantande fintzas s’iscartamentu de fileras geneticas longas, bastet chi sos genes essentziales po faghet bivere sa tzellula addurent innidos.

Custu risurtadu istravanadu dipendet dae su “remix” pius mannu de genomas umanos chi siat mai bistadu fattu, un’operassione cumplicada de intzennieria genetica fatta supra linias mannas de tzellulas umanas manizadas in laboratoriu.

Sa chirca est bistada giutta addaenanti dae unu team internatzionale cumpostu dae iscientziados chi ant impittadu una tennica avantzada meda de “editing genetico”, una cosa nova fatta cun istrumentos molecolares de sa CRISPR. Custa tennologia, medas bortas deffinida commente unu “acciappa e remplasa” moleculare, permittit de faghere cambios pretzisos a su DNA, torrande a iscriere fileras geneticas novas cun d’unu livellu de pretzisione chi non tenet cabidianos.

Applicandelu a lineas de tzellulas umanas manizadas in laboratoriu, sos chircadores ant introduidu pius de chentu arteratziones occasionales a s’istruttura de su genoma de donzi tzellula. Custos cambios ant incluididu destrussiones,addoppiaduras, e bortads, su cambiu de s’orientamentu de sas fileras. A sa concruida, su team at recabadu mizzas de variantes de s’istruttura de su genoma umanu, finghinde paritzas possibilidades de sas imberriaduras chi si podent abberguare in manera naturale o in maladais coment su male manicadore.

Po mesu de tennicas avantzadas sos iscientziados ant potidu biere s’effettu chi custas curressiones tenent supra sa vida de sas tzellulas. Sos risurtados sunt bistados aggiocantes: sos cambios istrutturales diventant mortales solu cando ponent impare sos genes essentziales po sa vida de sas tzellulas. Custu risurtadu tenet cunseguentzias importantes meda po cumprendere sos puntos de tuccada moleculares de maladias meda.

Sas destrussiones supra unu logu mannu, non paret chi potant influentzare s’espressione genica, cheret narrere su protzessu chi bortat sas novas chi bi sunt intro de sos genes in “proteine funzionali”. Tottu custu indittat chi su genoma umanu tenzat una capatzidade de agguantare e de si adattare a arterassiones meda, bastet chi sos genes vitales addurent sanos.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Sas Prendas Arkeològicas de Cràbas ant a èssere sas printzipales in Danimarca.

Unu pùbbricu meda e abbizosu at pigadu parte giòvia coladu a s’Istitutu italianu de Cultura de Copenaghen a s’addobiu dedicadu a sas prendas arkeològicas de Cràbas e a su Parcu arkeològigu naturale de su Sinis, cunfirmande s’interèssu forte internatzionale pro s’istòria e s’identidade de sa
Sardigna. S’initziativa, insertada in s’abbenimentu “Sardigna: s’istòria, sa trama” e fatta gràtzias a sa collaboratzione intre assòtzios culturales e
istitutziones, at rapresentadu una occasione importante de faveddu po bandire su patrimòniu sardu in fora de s’isula.

Sa serana at postu in lughe cantu siat importante contare sa Sardigna a foras de sos assettios regionales e natzionales, non solu comente logu turìsticu ma comente logu de tziviltades antigas, de iscobertas arkeològicas de importu internatzionale e de connottos culturales ancora arradigadas in manera funguda in su presente.

Po mesu de su contu de sos logos printzipales de su Sinis, dae Tharros a sa zura arkeològiga de Mont’e Prama, passande pro museos e logos chi
rappresentant s’iscrocca, su pùblicu danesu at pòtidu cumintzare unu viàzu ideale intre coladu e presente, cumprendinde su balore universale de unu
patrimòniu chi non apartenet solu a sa Sardigna ma a totu su cadinu de su Mediterràneu.

Accanta a s’arkeologia, logu meda est bistadu dedicadu fintzas a sas issidas artìstigas de oe, dae su tzinema a sas artes immaginativas fintzas a sa
mùsica, evidentziande comente sa cultura sarda non siat un’erèntzia cristallizzada in su tempus coladu ma una realidade bìva, capatze de si rennovare e faeddare cun su presente. Custu intrizu intre istòria e moda afortigat su nuntzu de una Sardigna chi cambiat, cabosa de sas raighinas suas e a su matessi tempus aberta a su mundu.

Abbenimentos comente custu dimustrant s’importu de sa cooperatzione intre istitutziones, assòtzios culturales in su fraigare caminos de balorizatzione cumpartzidos e chi durant. Leare sa cultura sarda a su forastigu cheret nàrrere difatis afortigare sos ligàmenes cun sas comunidades internatzionales, favoressere sa connoschèntzia pare-pare e dare unu contribbudu a una diplomàtzia culturael fundada subra su rispetu e s’iscàmbiu.

Attività realizzata con il contributo della Regione Sardegna – IMPRENTAS 2024- 2025.LR22/2018, art.22”