“ Non mi ispettaia de binchere, mi so impignadu chircande de addurare supra su filu abberinde tottu, bartziande sas antennas, ma non semper funtzionat. Mi intendo deabberu pitticcu affacche a custa binchida. Sos artistas in mustra fint tottu de livellu artu meda, pessonas chi appo semper ammiradu e appretziadu in manera funguda. Bos rendo gratzie po mi aere seperadu in mesu de issos”.

Gai isciet Crisa a s’incrasa de sa binchida. Federico Carta, connoschidu commente Crisa, atretzidu su premiu de grandesa de sa Critica a sa prima Biennale de Arte de Custu Tempus de Ulassai, unu abbenimentu dedicadu a sa memoria de Maria Lai. Su premiu, abbisadu in su mentres de una tzerimonia in su museu Camuc de Ulassai su 29 de austu, est bistadu assinzadu a s’opera sua “Cartogramma”.

S’opera, unu cunsideru artisticu subra s’iscrocca, su cambiamentu urbanisticu e sa minimada de sos abitantes, si annoditat po sa capatzidade sua de ponnere impare sa street-art cun d’unu jubilu forte a su tribagliu de Maria Lai. Crisa at fattu custa istallatzione commente “sorre” de unu tribagliu fattu prima creadu in Matera, a su Museu de Figura de sos Tempos de oe. “Cartogramma” est una geograffia de s’immaginatzione chi cumbidat a binchere sas affrontaduras fisigas, intregande pinturas e figuras de arghidda cun materiales de arreffudu, chi mustrant sos frussos de sos chi si movent e sos ammentos de s’umanidade.

Su riconnoschimentu, accumpanzadu dae unu premiu in dinari de 2.500 euros, est bistadu assinzadu dae su direttore artisticu Gianni Murtase da una cummissione iscientifica de spertos commente Antonello Carboni, Chiara Manca, Damiano Rossi e Chiara Gatti, cust’urtima chi affilat su MAN de Nugoro. In su mentres de sa tzerimonia, cordinada dae sa giornalista Simona SAcioni, bi fint su sindigu Giuanne Soru, sa zunta columale de Ulassai e su Cunsizzu de amministrassione de s’Organizassione Istassione de s’Arte. Sa serana est concruida cun d’unu cuncertu de su sonadore de pranu Guido Coraddu, chi at apparadu paritzos mutzutzulos jazz de artistas sardos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Tzinema sardu, arribat su film”Bandidos e Balentes de Fabio Manuel Mulas

Si sunt faghinde sas represas de su film “Bandidos e Balentes”, su disignu tzinematografficu novu de su regista sardu Fabio Manuel Mulas, chi at a bessire intre pagu tempus. Su film contat un’istoria ambientada in sa Sardigna de su passadu e s’ispirat a sos contos e mudas ligadas a su fenomenu de sos bandidos in s’isula.

Mulas est unu regista e autore sardu chi dae annos tribagliat in su mundu de su tzinema indipendente. In sos tribaglios suos dat attentzione particulare a s’istoria, a sa cultura e su connottu de sa Sardigna. Sa tiza battit supra s’ischermu unu mundu fattu de connottu, gherras e vida in sas zuras internas de sa Sardigna.

Sas mudas sunt ambientadas in sos annos Chimbanta e mustrant comente sa vida de sas pessonas esseret signada dae vindittas e cunfrontos diffitziles intre familias e bandidos. A su tzentru de s’istoria bi sunt pessonas divressas sas vidas de sas cales cambiant propriu pro more de custu clima de tesone e violentzia.

Su film cheret contare non solu su bandizadu ma fintzas sa cultura e sas bistas de s’isula. Sos montes de intro, sas biddas e sas campagnas de sa Sardigna faghent de irfundu a sas mudas de sos attores e mustrant una terra antiga e forte, ligada in manera funguda a su connottu suo.

In su “cast” medas piccioccos sardos, calicunu a sa prima esperientzia, ma fintzas s’attora sarda Caterina Murino, nodida a livellu internatzionale pro sos rolos suos in su tzinema e sa televisione. Sa partetzipassione sua est unu balore in prus po su disignu e at a dare unu contribbudu e faghere biere de prus su film. Sar represas sunt appassionande paritzos logos de s’isula e sunt attirande s’attentzione de appassionados de tzinema e curiosos.

S’intentu de su regista est de contare una pagina de s’istoria sarda pro mesu de unu limbazu tzinematografficu capatze de aunire assione, dramma e connottu. Cun s’essida chi si prevedit in sos meses imbenientes,”Bandidos e balentes” puntat a che leare supra de s’ischermu mannu un’istoria ligada a sa Sardigna in manera funguda, balorizzande s’iscrocca e sas raighinas culturales suas. Su film est fintzas un’occasione pro faghere connoschere a su pubbricu una parte importante de sa memoria istorica de s’isula pro mesu de su tzinema.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22