Sos restos de Frantzisca Deidda, sa femina disparrida dae Santu Sperau in sa prima metade de su mese de Maju, sunt bistados acciappidos. Sas primas indiscressiones indittant chi sas colunas de chirca, cun sos canes moleculares arrivados dae Bologna, eppant fattu s’iscoperta orrorosa.

Sa zura de s’accattu est accanta a su ponte romanu de s’Orientale betza, in s’iscrocca de Santu Idu. Justu in custa zura, in sas dies passadas, fint bistados acciappidos ozettos personales chi fint appartennidos a sa femina de 42 annos: unu bite po sas dentes,unu pettonadore e sos restos de una pelfa.

S’iscumparsa de Frantzisca Deidda, aiat assacchittadu in manera funguda sa comunidade de Santu Sperau. Dae su primu momentu fint partidas sas chircas, cun zente chi cheriat azzuare sa polizia e sos carabineris. S’arrivu de sos canes moleculares, ammanitzados po sighire sas andalas, mancari pitticcas, at marcadu una bortada detzisiva in sas operassiones.

Sos canes, chi arribant dae s’Unidade cinfofila de Bologna, sunt famados po sa pretzisione e sa balidia in s’acciappare zente disparida. Cras, at essere dau s’incarrigu de faghere sa letomia a su duttore legale Roberto Demontis chi est giai andande in su logu in su cale est bistadu acciappidu su corpus. Sa letomia at essere fundamentale po appostivigare sas cajones de sa morte de Frantzisca Deidda. Sas fortzas de s’ordine no escluidini chi s’esamene potat faghere cumprendere partigulares chi indittant si sa femina siat bistada morta. Sa possibilidade chi Frantzisca siat bistada bocchida, bettat un’umbra pius devasta supra custa muda.

In su mentres , sas scruccullas si cuncentrant supra su maridu de Frantzisca, Igor Sollai de 43 annos. Custu manzanu est bistadu interrogadu un’attera borta in galera, inue l’ant postu cun s’accusa de mortoriu e de aere cuadu su corpus. S’interrogu, duradu paritzas oras est bistadu frimmadu e l’ant torrare a faghere lunis. In su mentres de s’interrogu, Sollai at sighidu a narrere chi issu est innotzente, revudande donzi accusa a carrigu suo. Sa deffensa sua est chircande de fraigare una zustificcassione po sa simana de sa disparida de sa muzzere, ma sas proas regortas fintzas a como parent puntare in derettura sua.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sos  tres mastros mannos de su tzinema sardu:identidade e memoria supra s’ischermu mannu.

Intre sos registas sardos prus famados e de signifficu bi sunt Gianfranco Cabiddu, Sarbadore Mereu  e Enrico Pau, tres personalidades differentes po formassione e istile ma postas impare dae su disizu de contare s’isula in sa cumplessidade sua, binchinde friguras de su folklore. Su tzinema insoro at dadu unu contribbudu detzisivu pro fraigare unu contu modernu de sa Sardigna, capatze de faeddare cun sa bista natzionale e internatzionale.

Gianfranco Cabiddu est cussideradu unu de sos ispegilizatores de su tzinema sardu de oe. Sa carriera sua si distinghet po s’attentzione a sa mannesa culturale e litteraria, addia chi po unu ligonzu forte cun sa musica e su teatru. Operas comente Disamistade ant accomettadu temas chi pertoccant a s’istoria de s’isula in manera funguda, comente sa vinditta e sos codices de onore, apparande una mirada critiga ma mai subrana. Cun

La stoffa dei sogni, ambientadu in s’Asinara e ispiradu a Shakespeare, Cabiddu at mustradu sa capatzidade de fundere connottu e universalidade,alcansande reconnoschimentos importantes e candidandesi a premios natzionales. Su caminu artisticu suo est ligadu fintzas a sa frigura de De Andrè. Sarbadore Mereu est invetze una boghe prus deretta e de su tempus nostru. Su tzinema suo est a s’ispissu deffinidu reale e intimu, capatze de contare sa Sardigna dae sas foranias de sas tzittades, de sos zovanos e de sas trasformassiones sotziales.

Cun Ballo a tre passi at tentu unu sutzessu de critica mannu abberu, mentres Bellas Mariposas at conchistadu su pubbricu e sa critiga gratzias a unu limbazu novu e una contassia chi chi ponet impare unu eja e unu no dillezu e dramma. Mereu impittat a s’ispissu su sardu e attores chi non lu faghent po tribagliu, seperu chi dat berteresa e fortza de signifficu a sos films suos.

Enrico Pau si annodittat po un’istile prus poeticu e pensamentosu, deffinidu dae un’attentzione particulare a sa memoria, a sa mannesa de sas feminas e a s’istoria de s’isula. Cun l’Accabbadora at giuttu supra s’ischermu una frigura simbulu de su connottu sardu, accomettande temas diligos cun sensibilidade manna. Su tzinema suo si movet intre realidade e bellesa, apparande bistas cadrias e contos fungudos chi iscumbattant s’identidade de donzunu e de tottus.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22