Beatrix Potter addurat una cona de sa litteradura inglesa, connoschida, non solu po sos libros po pitzinnos , ispantosos meda, ma puru po su contribbudu sou olasticu e abbentadittu in s’arte, in s’iscentzia e in s’ambiente. Sas oberas suas sighint a ispirare ingendras de zente chi legget in tottu su mundu, dande vida a films, ispettaculos in su teatru e in sa televisione..

Divennida famosa po sos suos “little-books”, oe cunsiderados commente particulares de sa litteradura po sos pitzinnos, Beatrix Potter, at ischidu ponnere a pare abilidade,s’arte de contare e talentu artisticu, donande a su pubbricu operas tottus illustradas cun colores a base de abba. Ma s’eredidade sua andat pius a addaenantis de sa pagina imprentada: cun s’inari de sas pubbricassiones suas, Potter at comporadu terrinos in su Lake District e los at donados a sa National Trust po los diffendere dae s’industrialissasione ambitziosa de cussu tempus.

Una de sas primas a impittare su merchandising, s’accadessidu ispantosu de su primu libru de Peter Rabbit in su 1905 at marcadu su cumintzu de unu fenomenu in tottu su mundu. Cun pius de 150 miliones de libros bendidos dae cando est bistadu pubbricadu e bortadu in 35 libas divressas, su zeniosu coniglieddu est diventadu una cona de sa litteradura po so pitzinnos.

Sas illustratziones brillantes de Beatrix Potter, sun custoidas cun attentzione in su Victoria & Albert Museum, e sos istudios suos in su campu de s’antunna sunt espostos a su Armitt Museum and Library de Ambleside e a su Perth Museum and Art Gallery de Perth.

Solu in su 2024, ammos assistidu a sa prima bortada in sardu de sos contos de Beatrix Potter, gratzias a su tribagliu forrogosu de Stefania Carta e Alessio Pani. Custu volumene in duas limbas, intitoladu “Piricu Cunilliu Pilete e ateras Contassias”, presentat chimbe istorias e una poesia chi bient commente interpretes sos moddes e ciascosos cunillieddos fattos naschere dae Beatrix Potter.

Accanta a su testu in sardu, acciappamos s’originale in inglesu, unu retrattu de Beatrix e unu elencu de inglesu e sardu, tottu accumpanzadu dae sas illustratziones brillantes a colores de Potter. Pensadu po sos piust pitticcos, cun mesuras de su libbru e istripas chi andant bene po s’edade insoro, custu libru si proponnet commente unu istrumentu de educassione pretziosu, chi introduidi sos zovanos lettores sardos, a su mundu incantadu de Beatrix Potter, azzuandelos a imparare siat su sardu siat s’inglesu in manera ispassiosa e a sa cale faghet piaghere de partetzipare.

Sa vida carraffale de Beatrix Potter, femina attrivida chi at ischidu bessire a fora in d’unu mundu dominadu dae sos omines, podet essere un’ispirassione e unu esempiu po sos pitzinnos de oe. S’istoria sua cumproat chi fintzas in cuntestos sotziu-culturales diffitziles est possibile sighire sos sonnios de onzunu e faghere sa differentzia in su mundu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Tzinema sardu, arribat su film”Bandidos e Balentes de Fabio Manuel Mulas

Si sunt faghinde sas represas de su film “Bandidos e Balentes”, su disignu tzinematografficu novu de su regista sardu Fabio Manuel Mulas, chi at a bessire intre pagu tempus. Su film contat un’istoria ambientada in sa Sardigna de su passadu e s’ispirat a sos contos e mudas ligadas a su fenomenu de sos bandidos in s’isula.

Mulas est unu regista e autore sardu chi dae annos tribagliat in su mundu de su tzinema indipendente. In sos tribaglios suos dat attentzione particulare a s’istoria, a sa cultura e su connottu de sa Sardigna. Sa tiza battit supra s’ischermu unu mundu fattu de connottu, gherras e vida in sas zuras internas de sa Sardigna.

Sas mudas sunt ambientadas in sos annos Chimbanta e mustrant comente sa vida de sas pessonas esseret signada dae vindittas e cunfrontos diffitziles intre familias e bandidos. A su tzentru de s’istoria bi sunt pessonas divressas sas vidas de sas cales cambiant propriu pro more de custu clima de tesone e violentzia.

Su film cheret contare non solu su bandizadu ma fintzas sa cultura e sas bistas de s’isula. Sos montes de intro, sas biddas e sas campagnas de sa Sardigna faghent de irfundu a sas mudas de sos attores e mustrant una terra antiga e forte, ligada in manera funguda a su connottu suo.

In su “cast” medas piccioccos sardos, calicunu a sa prima esperientzia, ma fintzas s’attora sarda Caterina Murino, nodida a livellu internatzionale pro sos rolos suos in su tzinema e sa televisione. Sa partetzipassione sua est unu balore in prus po su disignu e at a dare unu contribbudu e faghere biere de prus su film. Sar represas sunt appassionande paritzos logos de s’isula e sunt attirande s’attentzione de appassionados de tzinema e curiosos.

S’intentu de su regista est de contare una pagina de s’istoria sarda pro mesu de unu limbazu tzinematografficu capatze de aunire assione, dramma e connottu. Cun s’essida chi si prevedit in sos meses imbenientes,”Bandidos e balentes” puntat a che leare supra de s’ischermu mannu un’istoria ligada a sa Sardigna in manera funguda, balorizzande s’iscrocca e sas raighinas culturales suas. Su film est fintzas un’occasione pro faghere connoschere a su pubbricu una parte importante de sa memoria istorica de s’isula pro mesu de su tzinema.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22