Su faghidore Alessio Cuboni, naschidu in Ozzastra e amadu meda dae sa comunidade, at segudadu unu iscopu importante, cun su sou curthumetraggiu drammatigu-horror “Liver”, chi est bistadu seperadu po partetzipare a su Los Angeles Italia Film Festival.

Custu festulanu est una vetrina de grandesa po sas novas primorosias italianas in su mundu de su tzinema, e benit prima de sa notte de sos Oscar, e si isboddiat in su famadu Chinese Theater in sa Walk of Fame, cun s’ accottu de sos organismos pubbricos de importu mannu commente su Ministeru de sa Cultura, su Consoladu Italianu de Cultura in Los Angeles.

Su curthumetraggiu, ispartidu dae pagu tempus, at giai alcansadu reconnoschidas e intzididas a atteros Festival de importu, commente su David de Donatello e su Trieste Scienze +Fiction Festival 2023, s’abbenimentu pius mannu de s’Italia, dedicadu a sa iscientzia fantasiosa e a su fantasiosu.

Su tema tzentrale de “Liver”, iscrittu dae Cuboni in su mentres de sa pandemia, appartenet a sas mesuras urtimas chi semus dispostos a leare po sas pessones chi amamos. Su protzessu de su crompimentu de su film est duradu tres annos, mustrande s’impignu e sa passione de su faghidore e de sos cumpanzos suos.

Su cast est cumpostu dae attores prenos de talentu commente Ruby Kammer, Maurizio Pulina e Christiant Iansante, s’urtimu connottu po sas boghes suas usadas po las cambiare in logu de attores famados meda commente Bradley Cooper,Ewan McGregor e Christian Bale, addìa a essere sa boghe contante de su curthumetraggiu.

Alessio Cuboni si est occupadu non solu de sa faghidoria, ma puru de sas iscenas e de sa artziada de su film, mentres su caudillu de sa fotografia est bistadu Andrea Folino e sos effettos chi si podent biere sunt bistados cuntipitzados dae Alessandro Fele. Sas musicas sunt bistadas assentadas dae Antonio Manca e Roberto Comida, mentres s’iscenografia e sos costumenes sun bistados curados dae Claudia Puggioni.

Sa promotzione de su curthumetraggiu est disposta online e apparat unu assazzu de sos ambientes cadrios e de sos temas affaniarzos trattados in “Liver”. Cun custu isseperu a su Los Angeles Italia Film Festival, su faghidore ozzastrinu Alessio Cuboni e sos cumpanzos suos casi tottus sardos, sighint a faghere brillare su tzinema de s’isula e italianu supra unu cataffale de livellu internatzionale.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

In s’ambiente carrigu de emossiones de sa parrocchia de Istella Maris, s’artista prenu de talentu naschidu in Tortulè Mario Lai, at in finis cussinnadu una copia pretzisa de sa Cresia de Istella Maris a su parrocu sou, don Filippo Corrias. Naschidu in su 1954, Lai si delettat dae tempus a faghere monumentos de sa tzittade, mustrande una destresa e una passione chi lu marcant.

S’amore sou fungudu po sas bellesas de sa idda sua,Tortulè, si biet a subraera in sas operas chi faghet, donzuna prena de diligu e de unu apegu unicos.

Giai in passadu, s’abilidade artistica sua at acciappidu issida in sa copia de sa sea de sant’Andria, cussinnada a sa parrocchia ghiada dae don Crobeddu,coberande ammirassione e appretziamentu da tottu sa comunidade. Intames, custa borta, s’impignu sou si est cuncentradu supra de sa Cresia de Istella Maris.

Pustis de meses longos de dedissione e impignu, su fruttu de su tribagliu sou est bistadu bocadu a campu a sos ogios de sa comunidade sua. Sa Cresia de Istella Maris, fraigada in su 1966, torrat a bida como in tottu sa magnifficentzia sua, po mesu de custa copia fatta a manu. Donzi partigulare, dae su maestosu campanile a sos cumplicados tarassios de su portale, est bistadu copiadu cun abilesa e cura de sos particulares pius pitticcos, testimonzande s’amore e su rispettu chi Lai tenet po su patrimoniu de sos progettos de sa tzittade sua.

Usande taulas cun pius pizos, s’artista at ischidu acciappare s’essentzia e s’ambiente sacru de custu logu de cultu. Sos internos de sa Cresia, riccos de figuras e istoria, sunt bistados rendidos cun d’una pretzisione chi at aggioccadu, leandeche sos osservadores in d’una devossione e ispiritualidade fungudas.

Donzi angulu, donzi arcu e donzi pintura a friscu sunt bistados copiados cun d’una fidelidade istravanada, donande a sos ispettadores un’esperientzia de visione unica e chi istrasinat. S’integru de custa opera de arte est bistada accollida cun galabera e ingraenzu dae parte de sa comunidade de sa parrocchia, chi at pottidu iscoperrere sa bellesa e s’importantzia de su propriu logu de cultu po mesu de sos ogios de s’artista.

Gratzias a su talentu e sa dedissione de Mario Lai, sa Cresia de Istella Maris sighit a bivere e ispirare cussos chi si
accostant cun fide e devossione, mentres s’amore de s’artista po sas bellesas de Tortulè, brillant po mesu de donzi elementu de sa creassione sua, assentande s’istoria e religiosidade de sa tzittade.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22