Sa cantone “Tuta Gold” de Mahmood, dragomannu de sa porfia de su Festival de su 2024, at acciappadu s’attentzione de sas undas de sa radio, ingiarinde sa filiera cun d’una furrida impressionante, mustrande su magnetismu unicu de sa musica sua.

Non solu “Tuta Gold” at dominadu sas trasmissiones de sas radios italianas, ma si est puru balanzada unu postu de onore in sa filiera de sas Top 50 Global de Spotify, essende s’unica cantone italiana a accattare custu umiadroxu. Commo, sa cantone si posissionat cun braga a su numeru 41 de sa filiera de su globbu, pustis de aere balanzadu 10 posissiones in solu 24 oras. Parallelamente, in sa Top 50 Italia de Spotify, “Tuta Gold” brillada a su secundu postu, commente testimonzat s’alluttu accottu de su pubbricu natzionale in su cunfrontu de s’artista.

Custu triunfu carraffale, est solu su cumintzu de una filiera longa de sutzessos chi si acciarana po Mahmood, su cantante de issidas sardas(da parte de sa mama), chi at incantadu sa Sardigna, puru gratzias a sa cropa cun sos Tenores de Bitzi in su Festival.

Sa partetzipazione sua a su Festival de Sanremo, no est solu unu momentu importante meda in su presente, ma faghet fintzas de trampulu po unu benturu galu pius luminosu. S’album nou chi ata a bessire fra pagu “In sos giacchidorzos de sos atteros”, bessidu su 16 de Frearzu, promittit de acciappare s’attensione de unu pubbricu mannu meda, signande una ghirada triunfale a distanzia de tres annos dae su famadu tribagliu capidianu, “Ghettolimpo”.

Ma Mahmood non tenet nissuna intentzione de abbaccare: Su cantante at puru fattu registrare sa endida de tottu sos billettes po duas dies a su Fabrique de Milano, su 17 e 18 de maju 2024, commente parte de su giru sou “Friends and Partners”. E sos ispantos non finint innoghe: at annunziadu unu ispetziale a su Forum de Milano programmadu po su mese de Santu aini, paris a atteros duos giros prenettados po su 2024. Sa noba musicale e s’ascendenzia sua sighint a conchistare sos coros de so appassionados de musica in tottu su mundu, cunfirmande Mahmood
commente una de sas isteddas pius luminosas de s’iscena de sa musica de oe.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

In arrivu dae sa secunda edissione de s’Oscar de sas Regiones , unu abbenimentu istravanadu chi at a tennere in su coro chi toccheddat de Roma, intro de sos conas istudios de Cinecittà: Custa proa, naschida cun s’intentu de dare gabbale e visibilidade a sas tradissiones e produssiones regionales de eccellentzia, si arviat commente un’occasione unica po tzelebrare sa ricchesa e diversidade de sas terras nostras italianas..

Sa Sardigna, cun sa cultura sua de mizza annos e sas tradissiones chi , accisant, at essere interprete chentza discussione de custu istravanadu abbenimentu. Feminas e omines bestidos cun sos ispantosos costumenes de sa tradissione, ant essere prontos a bogare a campu una variedade manna de ispettaculos chi ant andare a daenanti in sas duas dies de festa.

Unu donu chi drinnit a una tradissione chi affundat sas raighinas in su passadu e chi sighit a brillare cun sa lughe sua in su presente. In mesu de sos ispettaculos pius ispettados bi ant essere sas Mascheras, custodes autentigos de una tradissione longa casi 3.000 annos. Custas figuras prenas de misteru anti isfilare cun destresa in sa Cinecittà Street, accumpanzadas dae sos sonos galanosos de sos marratzos.

In mesu de issas, s’Orku, una maschera cun su corpu de omine e sa conca de animale, imboligada in d’una pedde niedda de animale, cun corros longos supra de sa conca e carrigas de marratzos, chi at essere sa reina assoluda de
s’isfilada. Accanta a issa, sos Mustayonis, bragosos portadores de sa tradissione, cun sas pertigas de ozzastru e sas cannas, bestidos cun beistires betzos e muccadores nieddos in conca, chi ant affadare su pubbricu cun sas istravanadas movidas insoro.

Ma s’Oscar de sas Regiones non si at a firmare solu a s’ispettaculu chi si podet biere: sos visitadores ant a tennere s’occasione de si affundare in sa cultura sarda po mesu de unu beru percursu de su gustu. In sas carrelas de Cinecittà World, ant essere presentadas operas de magistros fattas in suerzu, podottos de mandigare e ispecialidades de sa Sardigna, commente sebadas e porcheddos coghinados in sa brasia. E po accumpanzare custa esperientzia unica de sos sensos, no ant a mancare sas birras de sos magistros de sa regione, chi ant a delissiare sa ucca de tottu sos presentes.

Ma s’Oscar de sas Regiones non tiada essere cumpridu chentza sa musica chi at accumpanzare sos ispettaculos. In su mentres de sas duas dies, su pubbricu at a podere godire de musica dae su bivu, antiga e de sa tradissione sarda, po arrivare a sas interpretassiones de sas cantones pius famadas commente cussas de sos Tazenda e de Piero Marras. E po unu toccu de maghia in pius, no at a mancare s’ispettaculu chi che ogat s’alenu de Feuer Frei, una truppa de artistas chi ant a ballare sighinde sa musica imboligada dae su fogu e su laser, donande un’ispettaculu chi non si at a podere ismentigare e chi at a dassare tottus chentza alenu.

S’Oscar de sas Regiones, duncas, at a donare duas dies de ispantu e emotziones, un’occasione istravanada po si affundare in sa bellesa e sa diversidade de sas tradissiones italianas e bivere un’esperientzia chi non
si at a podere ismentigare e chi at addurare imprentada in sos coros de tottu sos chi ant a partetzipare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22