Lisa, sa cattedda abbandonada chi at conchistadu su coro de sa Polizia de Istadu de Reggio Calabria, tenet un’istoria chi toccat in artu sos coros de tottu sos chi la connoschent. Custa cattedda pitticca, durche e carignosa, at tentu unu passadu diffitzile meda, signadu dae un’abbandonu arabu, a lacana de una carrela in su notte de Caputa de annu nou.

Bell’e gai, gratzias a s’amore e a sas curas chi li ant dedicadu sos volontarios e sos de sa Polizia de Istadu,Llisa at in finis accattadu una domo e una famiglia noas.

Sa drucchesa sua, chi non si poter creere, at corpadu derettu chie eppat tentu sa fortuna de la addobbiare. Pustis de aere bintu tottu sos compudos de sanidade chi serbint, Lisa est bistada registrada a su conchilibriu de sos canes de s’ASP veterinaria de Reggio Calabria. Dae cussu momentu, est diventada una parte intera de sa famiglia de sa Polizia de Istadu, e at a tennere unu rolu attivu, intzidinde a tottu sos abbenimentos pubbricos.

Lisa est meda de pius de una simple cattedda adottada; mustrat unu esempru perfettu de comente s’amore e sa dedissione potant cambiare de su tottu sa vida de un’ animale. S’istoria sua affriscionosa e sa alligra presentzia ant a essere de ispirassione po tottu cussos chi ant a tennere su mandu de la addobiare in sos abbenimentos ordiminzados dae sa Polizia de Istadu. Tambene, sa intzidida sua ada istrasinare puru sos iscolanos de tottu sa provincia, indilighindelos supra s’importanzia de s’adossione responsabbile e de sa cura de sos animales chi tenent bisonzu.

Custa istoria ispantosa de torrada a vida e isperantzia, cumproada chi, cun d’unu pagu de amore e de impignu, est possibile de faghere sa differentzia in sa vida de un’ animale chi est in difficultade. Sa Polizia de Istadu de Reggio Calabria, at dimustradu de essere, non solu una istitussione de affianzu tzivile, ma puru una famiglia prena de amore,lestra a accollire e si leare cura de chiesisiat tenzat bisonzu de corfidu e assistenzia.

E Lisa, cun s’ispiritu rude sou e s’amore appitzigadittu sou, est de sicuru unu membru nodidu de custa famiglia.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Ozzastra terra de istoria: sos printzipales sitos archeologicos de bisitare intre nuraghes,biddas antigas e monumentos de sa tzivilidade nuragica.

S’Ozzastra est una de sas zuras de sa Sardigna prus riccas de istoria antiga. In cust’iscrocca si agattant sitos archeologicos meda chi contant sa vida de sas populassiones chi istaiant in s’isula mizza e mizza de annos faghet.

Intre montes, campedas e campagnas si podent biere nuraghes, tumbas de tzigantes, tumbas antigas irfossadas in sa rocca e restos de biddas. Bisitare custos logos est commente faghere unu biazu in su passadu e connoschere menzus s’istoria de sa Sardigna e de sas tzivilidades chi ant bividu s’isula prima de s’arrivu de sos romanos.

Unu de sos sitos prus connoschidos est su Nuraghe Ruinas, chi si agattat in s’iscrocca de Arzana. Custu nuraghe est unu de sos prus artos de sa Sardigna e si agattat in d’una posissione crara dae sa cale si podent biere sos montes de su Gennargentu. In s’iscrocca de Triei si agattat sa Tumba de sos Tzigantes de Osono, unu de sos monumentos de interru prus importantes de s’Ozzastra. Un’atteru situ interessante meda si agattat in s’iscrocca de Bari Sardo, inube bi est su Nuraghe Sellersu. In s’iscrocca de Cardedu si agattat invetzes sa Necropoli de Monte Arista, una zura in sa cale sunt bistadas agattadas tumbas meda irfossadas in sa rocca.

Intre sos sitos prus importantes de s’Ozzastra bi est fintzas su cumplessu archeologicu de s’Ortali’e su Monti, in s’iscrocca de Tortolì. Si trattat de unu de sos sitos prus bisitados de sa zura e accansat monumentos divressos intre sos cales unu nuraghe mannu, una tumba de sos tzigantes e restos de biddas antigas. Importante meda est fintzas su situ archeologicu de s’Arcu ‘ e is Forros, in s’iscrocca de Villagrande Strisaili. Custu logu fuit una bidda nuragica manna chi in passadu teniat fintzas unu rolu religiosu e de negossiu. Sos archeologos ant agattadu restos de cresias, magasinos e buttegas po tribagliare sos metallos.

S’Ozzastra est duncas un terra ricca de testimonzas archeologicas chi permittint de iscoperrere s’istoria prus antiga de sa Sardigna. Sos nuraghes, sas tumbas e sas biddas antigas sunt unu patrimoniu pretziosu meda chi contat s’issida de s’isula. Bisitare custos logos cheret narrere connoschere menzus su tempus passadu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22