In d’una iscutta istorica chene cabidianu, su Parlamentu de sa Corea de su sud ada in finis detzisu, tottu paris, una leze rivolutzionaria, chi ada decretare sa fine a una cosa chi po meda zente est bistada po parizzu tempus una cosa chi non si podiat cumprendere: S’industria de sa petza de cane.

Custu cambiu est arrivadu sustentu dae casi dughentosotto votos a derettura, faghinde cumprendere chi est arrivadu su momentu de cambiare tottu cussu chi si pensait, faghinde su cunfruntu cun d’una pratica, chi mancari siada connoschida in paritzos logos de su mundu, commo est cundennada in manera uffitziale in sa Corea de su sud. Sa lezze, una orta firmada dae su Presidente e fattas tottu sas atteras cosas chi bi sunu de faghere, ada diventare reale, e ada a chittare su masellu, sa pesada, su negossiu e sa bendida de sa petza de cane, po la mandigare s’omine cumintzande dae su duammizzavintisette.

Custu passu in denanti,animosu meda ada a tennere penas severas meda, fintzas a tres annos de galera, po cussos chi no ana a rispettare cantu prevedid sa lezze noa. Toccat de evidentziare, chi po commo no est prevedida nissuna pena, po chie pappada a sa sola sa petza de sos canes. Bell’e gai custa lezze noa, mandada sinzales claros meda de cundenna po tottu sa cadena de produtzione e de su negossiu chi est ligada a custa cosa chi est perriccada meda.

Mancari sos avantzamentos signados dae custa lezze noa, tocat de cunsiderare chi sos pesadores, e sos atteros chi partetzipana a s’industria de sa petza de cane ana fattu resistentzia meda a sas rechintas fattasa po chittare su cossumu. Sa chistione ada alimentadu su cunfruntu e sa mattessi lezze est su risurtadu de unu processu chi ada fattu intendere paritzas boghes e zente chi la pensaiat in manera divressa.

Sos sundaggios, fattos dae pagu, bell’e gai faghene cumprendere chi sa parte pius manna de sos tzittadinos coreanos ada, po fortuna, giai lassadu custa abesada antiga de pappare petza de cane, cun d’unu cambiu de sa cultura e de sa sotziedade. Sa lezze noa, addìa a meledare sa sensibilidade chi est creschinde donzi die, in cunfruntu de su bene de sos animales, este puru una pedra miliari in sa gherra in cunfruntu de pratigas chi sunu diventande semper de pius
criticadas in tottu su mundu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Casteddu in difficultade: terza derrotta una fattu de s’attera e sa Cremonese si accurtziat.

Su Casteddu est bivinde unu mamentu complicadu meda.S’isquadra at perdidu po sa terza borta una fattu de s’attera e como sa classifica faghet un’attera borta frea. Sas atteras isquadras chi battagliant pro si salvare sunt recuberande puntos, e su vantazu de sos ruju e blau si est minimande semper de prus.

Su peus nuntzu est arrivadu dae Parma, inube sa Cremonese at binchidu.Cun custu risurtadu est arribada a solu tres puntos dae su Casteddu. Custu cheret narrere chi sa battalla po addurare in sa categoria est abberta de su tottu.

Sos numeros de sas urtimas partidas sunt negativos meda. In sas urtimas sette partidas, su Casteddu at leadu solu duos puntos. At perdidu chimbe bortas e pareggiadu duas. Est unu de sos peus risurtados intre sas isquadras chi chircant de si salvare. Eppuru, pagu tempus faghet, sa situsassione pariat divreassa meda: tres binchidas una fattu de s’attera aiant fattu isperare in d’unu finale de istajione prus tranchillu. Pustis de cussu mamentu positivu,peroe, s’isquadra si est frimmada. Fintzas sa sotziedade aiat leadu detzisiones pensande chi su peus esseret passadu, comente sa bendita de Luperto propriu a sa Cremonese, chi como est una cuncurrente diretta.

Sa classifica est ancora intzerta. Fintzas atteras isquadras si podent accostare o binchere su Casteddu. Sa Fiorentina diat podere andare a daenantis, mentres su Lecce podet tennere sos mattessi puntos. Tottu at a dipendere dae sos risurtados de sas partidas imbenientes prima de sa frimmada. Su mese de Aprile at essere importante meda. Su Casteddu at a deppere accomettare su Sassuolo in domo sua e pustis at a giogare in domo contra sa Cremonese. Sunt duas partidas de fundamentu pro cumprendere comente at andare a si accabbare s’istajone.

S’isquadra at a torrare a si allenare martis in Assemini, ma bi ant  essere medas ausentzias. Carchi giogadore est impignadu cun sa natzionale sua, comente Caprile e Palestra cun s’Italia. Fintzas Kilicsoy e Obert non bi ant a essere, gai comente Sulemana e fortzis Litetas, chi no est a su menzus. Unu nuntzu bonu arribat dae Borrelli, chi est recuberande e diat podere giogare dae s’incumintzu de sa prossima partida. Sa torrada sua est importante, pro itte su Casteddu at sinzadu pagu in sas urtimas partidas.

Como su Casteddu non podet prus isbagliare. Serbit una reatzione lestra pro evitare de finire in mesu de sos aggios. Sas partidas imbenientes ant a essere detzisivas pro si salvare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22