Enrica Pintore, s’atoressa de cabbale originària de Otzana, commota pro sas interpretatziones suas produtziones televisivas in famadas, est istada seberada comente sa cara noa de s’Avis Regionale Sardegna, s’Assòtziu Voluntàrios Italianos de su Sàmbene. Custa detzisione est un’importante passu cara a sa promotzione de sa cultura de sa donatzione de sàmbene e de su plasma, e fintzas un’apellu pro sensibilizare mescamente sas levas noas subra de s’importu de acumprire custu gestu nòbile de solidariedade.

Enrica Pintore, 38 annos, at conchistadu su pùblicu televisivu gràtzias a ruolos de importu in diversas fintziones televisivas de sa Rai. Nointames, sa fama sua est crèschida meda cun sa partetzipatzione sa s’istraordinària sèrias “Mare Fuori,” chi at otentu una resessida sena pretzedentes in Rai1 e Netflix. In custa sèrie, Enrica at dadu vida a su pessonàgiu de Luisa, sa mama de su giòvanu Sasà.

S’interessu suo comente testimonial noa de s’Avis Regionale Sardegna sutalìniat s’aficu suo pro sa comunidade e s’impinnu suo a promòvere càusas de grandu importu sotziale.

Vincenzo Dore, presidente de s’Avis Regionale Sardegna, at naradu de èssere satisfadu meda  pro tènnere Enrica Pintore comente ambasciadora de su messàgiu de s’assòtziu. At sutaliniadu sa generosidade e sa voluntade de s’atoressa a contribuire in manera positiva in  s’ìsula sua a sa càusa de sa donatzione de su sàmbene. Custa collaboratzione est unu motivu de orgòlliu pro s’Avis, chi reconnoschet s’importu de traballare cun indivìduos de grandu umanidade pro cròmpere a sos obietivos pròpios.

Sa Sardigna est nòdida pro èssere una de sas regiones italianas in une sa donatzione de sàmbene est prus difùndida in raportu a sa populatzione residente. Nointames custu, b’at galu una netzessidade costante de sàmbene e plasma pro suprire a sos bisòngios de sos ospidales. Duncas, Enrica Pintore at fatu un’apellu amantiosu: “Ischiais chi sa Sardigna est sa regione chi pro nùmeru de abitantes produet e donat prus sàmbene? Nointames custu, però, sos ospidales nostros sunt semper in farta. Tando, s’apellu meu andat a bois: si tenides una bona cunditzione fìsica e s’edade giusta, informade·bos e donade ca si ischis comente  fàghere, sarvare una vida no est gasi difìtzile!”

Unu vìdeu-annùntziu publitzitàriu cun Enrica Pintore est disponìbile como in su giassu internet de s’Avis Regionale Sardegna e in sos canales ufitziales suos in Facebook e Instagram, contribuende a difùndere galu de prus custu importante messàgiu. Sa partetzipatzione sua comente testimonòngia est unu passu significativu in sa campagna de sensibilizatzione pro garantire una donatzione costante de sàmbene e plasma, garantende su benèssere e sa salude de chie nde tenet bisòngiu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

In arrivu dae sa secunda edissione de s’Oscar de sas Regiones , unu abbenimentu istravanadu chi at a tennere in su coro chi toccheddat de Roma, intro de sos conas istudios de Cinecittà: Custa proa, naschida cun s’intentu de dare gabbale e visibilidade a sas tradissiones e produssiones regionales de eccellentzia, si arviat commente un’occasione unica po tzelebrare sa ricchesa e diversidade de sas terras nostras italianas..

Sa Sardigna, cun sa cultura sua de mizza annos e sas tradissiones chi , accisant, at essere interprete chentza discussione de custu istravanadu abbenimentu. Feminas e omines bestidos cun sos ispantosos costumenes de sa tradissione, ant essere prontos a bogare a campu una variedade manna de ispettaculos chi ant andare a daenanti in sas duas dies de festa.

Unu donu chi drinnit a una tradissione chi affundat sas raighinas in su passadu e chi sighit a brillare cun sa lughe sua in su presente. In mesu de sos ispettaculos pius ispettados bi ant essere sas Mascheras, custodes autentigos de una tradissione longa casi 3.000 annos. Custas figuras prenas de misteru anti isfilare cun destresa in sa Cinecittà Street, accumpanzadas dae sos sonos galanosos de sos marratzos.

In mesu de issas, s’Orku, una maschera cun su corpu de omine e sa conca de animale, imboligada in d’una pedde niedda de animale, cun corros longos supra de sa conca e carrigas de marratzos, chi at essere sa reina assoluda de
s’isfilada. Accanta a issa, sos Mustayonis, bragosos portadores de sa tradissione, cun sas pertigas de ozzastru e sas cannas, bestidos cun beistires betzos e muccadores nieddos in conca, chi ant affadare su pubbricu cun sas istravanadas movidas insoro.

Ma s’Oscar de sas Regiones non si at a firmare solu a s’ispettaculu chi si podet biere: sos visitadores ant a tennere s’occasione de si affundare in sa cultura sarda po mesu de unu beru percursu de su gustu. In sas carrelas de Cinecittà World, ant essere presentadas operas de magistros fattas in suerzu, podottos de mandigare e ispecialidades de sa Sardigna, commente sebadas e porcheddos coghinados in sa brasia. E po accumpanzare custa esperientzia unica de sos sensos, no ant a mancare sas birras de sos magistros de sa regione, chi ant a delissiare sa ucca de tottu sos presentes.

Ma s’Oscar de sas Regiones non tiada essere cumpridu chentza sa musica chi at accumpanzare sos ispettaculos. In su mentres de sas duas dies, su pubbricu at a podere godire de musica dae su bivu, antiga e de sa tradissione sarda, po arrivare a sas interpretassiones de sas cantones pius famadas commente cussas de sos Tazenda e de Piero Marras. E po unu toccu de maghia in pius, no at a mancare s’ispettaculu chi che ogat s’alenu de Feuer Frei, una truppa de artistas chi ant a ballare sighinde sa musica imboligada dae su fogu e su laser, donande un’ispettaculu chi non si at a podere ismentigare e chi at a dassare tottus chentza alenu.

S’Oscar de sas Regiones, duncas, at a donare duas dies de ispantu e emotziones, un’occasione istravanada po si affundare in sa bellesa e sa diversidade de sas tradissiones italianas e bivere un’esperientzia chi non
si at a podere ismentigare e chi at addurare imprentada in sos coros de tottu sos chi ant a partetzipare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22